اغنيتى الجديده عن قصه حب واقعيه "قصه حب 6 سنين"

قصه حب 6 سنين
فاكر زمان كنا لبعض ازاى ..
كنا روحين في قلب واحد عايشين
افتكر أول مرة عنيا جت في عنيك
أتمنيت تكون ليا أو أحس بحب ليك
معرفش ليه فاكر لما كدبت عليا وصدقتك
عبرت ليا عن كل مشاعرك
بشويه قلوب على ورق
وبعد كدا حسيت بحبك وكنت ياما بلومك وأعاتبك وكتير أنا كمان شتمتك ....
بس مهانش عليا فراقك وجيت وراك
عشنا الحكاية سنين وسنين
من ثانوي وإحنا دايبين وفى حبنا للآن 6 سنين
كنت بشوفك قدامى
ومش قادر ينطق لساني
من كتر كلام الناس عنى وعنك
بقيت ببعد عنك ولو لثواني
سمعت عنك أنا خبر جديد
قالولى انك تعبان بالوعيد
وهيموت عليكى بس يشوفك
ومقدرتش ورحت بعيد
حصلت مشاكل بيني وبينك
وكلمني كمان انتيمك
بس ازاى ارجع أنا ليك انسي خلاص
حبي ليك مش هنساه
يمكن أشوف حد غيرك في المنام
واصحي ألاقيه جنبي في الأيام
لكن أنا مش هنسى حبي ليك
سلامي ليك يا أغلى الناس وفى قلبي ليك كل شوق على إحساس
وآخر وداع يكون ليك
ومش هنساك ليوم
المماااااااااااااااات
على فكرة القصه دى حقيقيه والبنت هى اللى طلبت منى تجسيدها فى اغنيه ولسه متعرفش انى كتبتها
ويا رب تعجبكوا وتعجبها ويا رب يرجعوا لبعض لان اسرهم لم يوافقوا على الارتباط الرسمى بينهم وهما فى عذاب على طول
والدسائس دخلت بينهم ودلوقتى هما بعيد عن بعض يا رب تعجبكوا

جميلة اوى يا هدير
بنا يكرمها ويكرمك يارب
شكرا على قصة الجميلة دى

ميرسى على مرورك يا لؤى وربنا يكرمنا جميعا يا رب تحياتى

بجد تحفة ياهدير استمرى فى هذا الابداع

وصدقينى انا من قلبى بدعيلهم ربنا يسعدهم ويبعد عنهم عيون الناس

جميله جدا؟؟ هو ده الابداع ولا بلااااااااش
متميزه دائماا

ميرسى ليكى كوين ويا رب يرجعوا لبعض

لا حول ولا قوه الا بالله

كفايه الواحد قلبه مش مستحمل

عموما ربنا يرجعهم لبعض على خير

جميل الموضوع يا هدير

جميلة جدا ياهدير

أجمل حاجة انك تكوني حاسة بآلامهم

والأجمل انك قدرتي تترجميها في كلمات قمة في الروعة

علي فكرة قوليلهم ميستسلموش

ربنا خلقنا بشر ولينا عقل وارادة

مش مجرد قطع شطرنج في أيدي أهالينا

جامد جدا بجد روعه فى الكتابه والاحساس

يس الاهم ان متستسلمش لان الحب قوه وليس ضعف ومطلوب عدم اليأس

ميرسى ليكى جيوكنده على مرورك ويا رب يرجعوا لبعض ونفرح بيهم لكن البنت شايفه انها هتكون معجزه لو رجعوا .. تحياتى العطرة

الله عليك يا كبيرة تسلم ايدك

ميرسى ليك dark man على مرورك الكريم تقبل تحياتى

بجد كلامات جميله جدا بس قصه حزينه جدا ان شاء الله ربنا يوفقهم واهاليهم يوافقوا بس بجد اكتر من رائعه يا هدير تسلمي يا قمر

كبيرة ياكبيرة وربنا انتى فنانة
الله يهدك ياكاظم خليت البنات انهبلت العوض على الله

كلماتك جميلة يا هدير

جميله اوى يا هدير
تسلم ايديكى يا قمر
وربنا يوفقك ويوفقهم اللهم امين

ميرسى ليك the black eagle على مرورك نورت التوبيك

ايه بس ماللك يا بارون يا اخويا عموما تسلم يا رب على كلامك ويا رب يرجعوا لبعض على خير

ميرسى ليكى بنت دمياط على مرورك اللطيف وفعلا انتى محقه فى كلامك

ميرسى the game ويا رب ما ييأسوا

يعنى كلهم قولتيلهم ميرسي وانا لا
هوا انا ابن الغسالة يعنى
متخلى فى نظر شوية
بدل ما اخنفك

انا الحريف
قصة جميلة
تسلم ايدك

تسلم يا روميل وميرسى كتتتتتتتتتير ليك