ترشيح البرادعي للرئاسة ...تقبل يبقى البرادعي رئيس جمهوريتك؟

نتمنى انه يكون مفيد لمصر
واكيد اللى موافقين عليه من باب التغيير وان ياملوا ان الوضع يتحسن
لكن مقدرش انه هيكسب
شكرا يا عمر

مممممممممممممممممممممم

بص يا عمر المفروض ان البرادعى لايملك خبره سياسيه وده مطلوب فى المقام الاول وبعدين شروط الترشح لاتنطبق عليه

ولازم ياخد موافقه من مجموعه من اعضاء مجلسي الشعب والشورى وانت عارف اغلبهم وطنى واخوان مسلمين

بس النظام هو اللى عمل كده شوف كام سنه كاتم على نفس الناس لابقي فيه معارضه ولا احزاب فعليه

الطريق لكرسي حكم مصر يمر اولا من تحت عينين عمر سليمان وبعدين الحزب الوطنى وده بمباركه ماما امريكا طبعا

البرادعي عقلية راقية وعظيمة

بس معتقدتش ان الموضوع دة ممكن ينجح

اللي بيرشحوا نفسهم قصاد بابا حسني

بيكونوا مجرد كومبارسات قطع شطرنج الحكومة حطاهم كدة

عشان الشعب الغلبان يفتكر ان الموضوع بجد..

ويصدق نفسه انه ممكن رأيه يكون ليه قيمة

انا طبعا مع ترشحه...حتى لو ما كسبش فانضمامه لقايمة المرشحين هيقوى من الانتخابات دى...و هيخلى الامل فى انه يحارب عشان تكون نزيهة اكبر

تخيلوا لو هو و عمرو موسى و حتى الريس او ابنه اترشحوا و معاهم اسماء كبيرة كمان..ممكن ايمن نور..القايمة دى بكل تاكيد قوية ...و هيبقى الحزب الوطنى غصب عنه يقدم برنامج اقوى و انزه...

و هو لغاية دلوقتى قدم نفسه و افكاره بطريقة كويسة ..و ان كان فى حاجات محتاجة توضيح و خطوات فعلية منه بس ده فى حد المعقول..ما وصلتش لدرجة انه تجعله شخصية مبهمة او ان اهدافه و سياسته غير معروفة زى ما البعض بيظن

انا مقتنعة جداااااااااااا بافكاره و بكلامه .....و برغبته فى التغيير

كفاية بقى فساد و ظلم...و كفاية تخريب...كفاية نظرة التشاؤم بتاعتنا دى...و كفاية كلمة ماليش دعوة...و كفاية الهروب من مسؤلية بلدنا ..و كفااااااااااااااااية حاجات كتير

لو نجحنا يبقى حققنا هدف و لو ما قدرناش نغير حاجة ادينا حاولنا

شكرا ليك عمر ع الموضوع ...و يا ريت فعلا نبتدى نتغير

طبعا لا
البرادعى راجل غير سياسى
غير انه مش عايش فى مصر
لمده طويله بعيد عن مصر
مع كل احترامى للبرادعى كمكانه علميه وله قيمه كبيره

اكيد اقبل انه يكون مرشح الرئاسة

وعايزة اوضح فكرة لبعض الناس اللي فاكرين ان البرادعي عالم اولا البرادعي اتخرج من كلية الحقوق مش العلوم ولا الهندسة

ثانيا بداية عمله كانت في وزارة الخارجية المصرية يعني مش زي ماناس بتقول مالوش في السياسة

ثالثا اذا كنا احنا مش قادرين نغير بلدنا امال مين اللي هيغيرها ...الناس خايفة من البرادعي لفكرة واحدة انه قال ان الشعب لازم يحكم ويكون بايده القرار وده احنا مش متعودين عليه احنا متعودين الحكومة تطلع قرارات ونعد نشجب ونندد وفي النهاية مايحصلش حاجة ...للاسف لاكتر من 50 سنة والشعب المصري بيعاني من لا مبالاة سياسية فعشان كده فكر البرادعي بيصدم ناس كتير

مش عيب ان احنا نحاول وممكن ننجح وممكن نفشل ويكفينا شرف المحاولة ...وكفاية رسالتنا لنظام اغتصب مصر ان احنا مش بنايده وانه نظام موجود مش بقوة الدستور ولا القانون ولكن بقوة حاجة تانية

في النهاية الفكرة مش البرادعي يكسب ولا لا ...الفكرة ان الناس تعرف ان ليها قيمة في بلدها وانها ممكن تختار نظامها بنفسها

شكراااااااااااااااااااااااااااااااااااااااااااااااا عمر ع الموضوع

noor كتب:

اكيد اقبل انه يكون مرشح الرئاسة

وعايزة اوضح فكرة لبعض الناس اللي فاكرين ان البرادعي عالم اولا البرادعي اتخرج من كلية الحقوق مش العلوم ولا الهندسة

ثانيا بداية عمله كانت في وزارة الخارجية المصرية يعني مش زي ماناس بتقول مالوش في السياسة

ثالثا اذا كنا احنا مش قادرين نغير بلدنا امال مين اللي هيغيرها ...الناس خايفة من البرادعي لفكرة واحدة انه قال ان الشعب لازم يحكم ويكون بايده القرار وده احنا مش متعودين عليه احنا متعودين الحكومة تطلع قرارات ونعد نشجب ونندد وفي النهاية مايحصلش حاجة ...للاسف لاكتر من 50 سنة والشعب المصري بيعاني من لا مبالاة سياسية فعشان كده فكر البرادعي بيصدم ناس كتير

مش عيب ان احنا نحاول وممكن ننجح وممكن نفشل ويكفينا شرف المحاولة ...وكفاية رسالتنا لنظام اغتصب مصر ان احنا مش بنايده وانه نظام موجود مش بقوة الدستور ولا القانون ولكن بقوة حاجة تانية

في النهاية الفكرة مش البرادعي يكسب ولا لا ...الفكرة ان الناس تعرف ان ليها قيمة في بلدها وانها ممكن تختار نظامها بنفسها

شكراااااااااااااااااااااااااااااااااااااااااااااااا عمر ع الموضوع

الللللللللللللللللللللللللله عليك
انتى متالقة
انتى تطلعى ناقدة سياسية
رايك جميل

البردعى سياسى مهذوز هو علمى بس هو يريد مجد شخصى فقط

جمى هو الرئيس القادم وفترة رئاسته الاولى والثانيه هتبقى من ازهى الفترات وهيتحل فيها مشاكل كتير وبكره تقولوا انا قولت

مهما قولنا عايزين مين


عمو جمال بن بابا حسنى هو الى هيكون الريس

وبكره نشوف

بس ياريت البرادعى هو الى يكون الريس يارب ده لو حصل تبقا معجزه

بعد ما سمعت انه عاوز يغير المادة التانية ان الاسلام مش التشريع الاساسي فتشائمت منه