أولا السلام عليكم ورحمه الله وبركاته
يا رب تكونوا جميعاااا بخــــــــــــــــــــــــــــــــــــــــــــــــــــير
شوفوا بقى يا جماعه ... انا دماغى اللى ما يقدرها يخسرها ان شاء الله !!! انا كنت سهرانه زهقانه مسكت ورقه وقلم ودردشت شويه مع نفسى
تعالوا نشوف انا قولت ايه ,,, بصوا يا ناس
انا كنت عايشه فرحانه .... فرحانه .... فرحانه آه والله كنت فرحانه قوى انا كمان دلوقتى فرحانه الحمد لله ويا رب افضل كدا على طول بقى حاجه غريبه خالص
انا هتكلم عن فتره من حياتى الفتره دى من شهر 4 فى ثالثه ثانوى للآن ولنفترض بدايه شهر 5 فى تانيه كليه ... آآآآآآآآآآآآآآآآآه اقول ايه ولا إيه انا شفت ايام زى الفل والله كنت وانا فى ثانوى قبل الامتحانات بفتره كنت بسهر اذاكر وقبل الفجر اعمل نسكافيه وادخل البلكونه استجم وقت الفجر فضلت اعمل كدا يوم ورا يوم وكنت احب ابص ع الجيران ربنا يصلح حالهم وهما رايحين يصلوا الفجر وكنت بدخل اصحى اخواتى يااااااااااااااااه كانت ايام لغايه ما فى يوم تعبت لانى بشرب نسكافيه سخن مع هواء بارد محدش ياخد فى باله اصلى جغرافيا بقى وكدا
المهم من تعبى اخدت حقن كتتتتتتتتتتتير وقتها ومكنتش بذاكر خرجت من ثانوى دخلت الكليه اللى كلكوا فيها والحمد لله ودخلت قسم عربى واجتهدت واشتريت الكتب حضرت شهر وبعد شهر مفاجأه سعيده ( !!!!!) طلعت جغرافيا
فضلت احضر محاضرات واسهر وأطبق زى ما انا كنت بكتب الكلام دا امبارح برضه وانا مطبقه المهم ... كنت عايشه كدا وخلاص من غير جديد
ابتديت اقول جمله عجيبه قوى من تأليفى " بحبك لانك خليتنى احبك قبل ما اشوفك يا حبيبى " وابتديت اكتب كلمات اغانى من أول ما دخلت القسم العجيب دا ,,, قادر على كل شىء ويخلق ما لاتعلمون !!! نرجع تانى ونقول الجمله دى انا كنت بقولها ليه ؟؟ دا لانى مكنتش زى اصحابى اللى عاشوا فتره مراهقه ولعب عيال وكدا كنت دايما بحسس نفسى ان حبيبى موجود ايوه معرفوش
بس اهو خلانى احبه قبل ما اشوفه موافقتش ارتبط خالص محدش يسألنى ليه اللهم لا اعتراض
.... بعد كدا الدنيا علمتنى كتتتتتتتتير بدون اذى ما انا عايشه اهو وبكتب وقلبى بينبض وبحس بكل اللى حواليا يبقى مفيش اذى الحمد لله ... بس انا مستغربه عارفين ليه !!! لانى مش فكرت فى يوم اروح احارب ولا اى رد فعل كويس كدا بس كنت مجتهدت اخدت دورة تنميه بشريه وقريبا i c d l بعدها english طبعا مش احنا شباب المستقبل لازم يكون عندنا ثقافه ,, ما علينا انا بحب اغنى قوى فى حفلات الكليه وفى وسط اصحابى بس فى يوم بنوته قريبتى سألتنى سؤال غريب قوى
قالتلى : هو انتى هتفضلى تغنى كدا على طول ولا ايه النظام ؟؟؟ قولتلها انى ناويه ابقى اغنى لزوجى بس ان شاء الله لانى ناويه اسمع الكلام كويس وعايزه اكون متفاهمه معاه ومنزعلش من بعض ولا فى يوم حد يخون التانى !!! انا ما اقدرش اخون حد لانها مش من طبعى واكيد ربنا هيوفقنى مع انسان زيى بالظبط وع رأى المثل " الطيور على اشكالها تقع " و " الطيبون للطيبات " ونعم بالله حد قال حاجه ..اما دلوقتى انا فرحانه لانى اتكلمت معاكوا شويه ونفسى افضل فرحانه كدا على طووووووووووول إن شاء الله ومش انكد على شريك حياتى .................
يعنى يرضيكوا لما يرجع تعبان من الشغل ان شاء الله وانا اعملوا زى مى عز الدين فى فيلم عمر وسلمى والله دا حتى يبقى حرام
يا رب الموضوع يعجبكوا ومعلش طولت عليكوا بس فعلا كنت زهقانه مووووووووووت
فى انتظار ردودكوا لكم منى كل التحيه والسلام وتصبحوا على خير بقى
الثلاثاء 8 يونيو 2010 - 6:49
