موظف راح يدى صوته فى الانتخابات فاختار لا
وهو مروح قابل واحد صاحبه فسألو عملت ايه ؟
قاله علمت على لا
لطم صاحبه وقاله روحت فى شربة ميه
فسأله الموظف ايه الحل ؟
قاله ارجع بسرعه وصلح اللى كتبته واكتب نعم
رجع الموظف لرئيس اللجنة وقاله :-
جيت اعلم على نعم غصب عنى علمت على لا
مسكه رئيس اللجنة من ودنه وقاله
احنا صلحناه لك اوعى تعمل كده تانى
سأل الرئيس وزيره : كيف حال الشعب بعد ما
غلّينا العيش ؟
فقال : يا سيدي بياكل زفت
فقاله : طيب غلي الزفت
واحد شغال فى فرز اللجان الإنتخابية...فواحد صاحبه بيسأله : بقى معقول انتوا بتقعدوا تفرزوا الأصوات دى كلها؟؟؟؟؟؟؟؟؟؟؟
قال له : ولا بنفرز ولا حاجة...التعليمات واضحة وصريحة...احنا نرمى الورقة بتاعة الناخب فى الهوا...ولو نزلت على وشها أو ضهرها يبقى وطنى...ولو على سنها يبقى معارض
في مدرس يدرس في المرحلة الابتدائية سأل أحد الطلاب
طير بيتكلم وأول حرف منه الباء ؟
فرد عليه الطالب وبسرعه : الببغاء
فقال : ممتاز . اسمك اية؟
فرد : أحمد
سأله المدرس: أبوك بيشتغل اية؟
رد الطالب : دكتور
فقال المدرس : شايفين ولاد الدكاتره ؟
راح المدرس سأل سؤال ثاني : حيوان بطيء وأول حرف في اسمه السين ؟
فرد أحد الطلاب : سلحفاة
يرد المدرس : ممتاز .. اسمك أية؟
فقال : وائل
أبوك بيشتغل اية؟
رد الطالب : مهندس
فقال المدرس : شايفين ولاد المهندسين
بعدها سأل المدرس السؤال الثالث : طائر له جناحين ... ما هو ؟
فرد أحد الطلاب و بسرعه : تمساح
فيقول المدرس : شايفين الغبي دة
اسمك أية ياغبي؟
ردالطالب : خلف
أبوك يشتغل أية ياغبي؟
رد الطالب : لواء امن دولة
ردالمدرس : بص يا حبيبي هو التمساح بيطير بس مش كتير ولو شد حيله
حيطير أعلى
كان أحد الحكام ممن اشتهروا بالظلم يسافر في طائرة، فنظر من النافذة وقال لحاشيته: لو رميت
100دولار من الطيارة ... يحصل إيه ؟
رد واحد و قاله : حيلاقيها واحد من الشعب و يفرح بيها
قاله : و لو رميت ألف دولار من الطيارة ... يحصل إيه ؟
رد واحد تاني و قاله : حيلاقيها مجموعة من الشعب و يفرح بيها
قام واحد ثالث قاله : و لو رميت نفسك من الطيارة كل الشعب حيفرح
مره توني بلير و بوش و حسني مبارك عمله ماتش كوره
و همه بيلعبوا الكره وقعت في بحيره مليانه تماسح مفترسه
توني بلير امر واحد من الحرس بتوعوه انه ينزل يجيب الكره من البحيره..
الحرس قال له ماينفعش انزل علشان انا عندي ولاد و عايز اعيش و اربيهم
قام بوش امر واحد من الحرس بتوعه انه ينزل يجيب الكره من البحيره
برده اعترض و قاله ماينفعش انزل علشان عندي ولاد وعايز اعيش و اربيهم
قام حسني مبارك امر واحد من الحرس بتوعه انه ينزل يجيب الكره من البحيره....
العسكري مكدبش خبر راح قالع هدومه و نازل البحيره و فضل يصارع التماسيح و التماسح اكلت اديه و رجليه بس بعد كل ده جاب الكره
فبيسألوه انت ليه نزلت مع انك عارف ان البحيره مليانه تماسيح مفترسه
قلهم انا برضه عندي عيال و عايز اعيش وربيهم
واحد اتحشر في زحمة المرور فلقى واحد بيخبطله على شباك السيارة فتح الشباك و سأله عايز ايه قاله : الريس خطفوه و الفدية 5$مليون دولار و لو الفدية ماتدفعتش .. الخاطفين هددوا يدلقوا عليه بنزين و يولعوا فيه و احنا بنجمع تبرعات .. تحب تشارك ؟ الرجل سأل: " و في المتوسط الناس بتتبرع بكام" الرجل الثاني : " من 5 الى 10 لتر بنزين -----------------------
مره الريس راح مدرسه ابتدائى فلما جت فتره الاسئله ولد رفع ايده الريس ساله اسمك ايه فقاله رامى فقاله ايه سؤالك يا رامى ؟ رامى : انا عندى اربع اساله 1 - ليه انت رئيس بقالك 25 سنه ؟ 2 - لسه معينتش نائب ؟ 3 - ليه ولادك ماسكين كل حاجه فى البلد ؟ 4 - ليه مصر حالتها الاقتصاديه زفت و انت مبتعملش حاجه ؟ ساعتها بالظبط رن جرس الراحه وبعد الراحه رجع الريس وقال احنا كنا فين بقى؟ مين عنده سؤال ؟ ولد صغير تانى رفع ايده فمبارك سأله اسمك ايه قاله تامر فقاله سؤالك ايه يا تامر ؟ تامر : انا عندى 6 اساله 1 - ليه انت رئيس بقالك 25 سنه ؟ 2 - لسه معينتش نائب ؟ 3 - ليه ولادك ماسكين كل حاجه فى البلد ؟ 4 - ليه مصر حالتها الاقتصاديه زفت و انت مبتعملش حاجه ؟ 5 - ليه جرس الراحه رن ربع ساعه بدرى ؟ 6- فين رامى ؟؟؟؟؟؟ ----
ذهب نظيف عندما كان نائبا الى نزهة فوجد تمثالا للجندي المجهول يققف ممسكاً ببندقيته فاقترب منه وأخذ يتأمله، فقال له التمثال: لقد تعبت من الوقوف فأحضر لي حصاناً أركب عليه، فتعجب نظيف مما حدث ، وعندما عاد أخبر مبارك بما جرى، فلم يصدقه ، وطلب من نائبه أن يذهب سوياً للتحقق من الأمر وعندما وصل نظيف و الريس واقتربا من التمثال قال التمثال لنظيف: لقد طلبت منك حصاناً وليس حماراً -------------------------------------
الأمريكان اللى اختاروها طبعا
بس مين يفهم
يا سيدي آل كان جورج بوش عازم توني بلير على الغدا و بعد ما طفحو بالسم الهاري قولوا ان شاء الله
طلعو للصحافيين علشان يعملو مؤتمر صحفي
المهم سئلوهوم الصحفيين ايه اللى حصل بعد ما خلصتو إجتماعكوا؟
قال الرئيس بوش الله يهديه : و الله قررنا إننانقتل 20 مليون مسلم و دكتور أسنان واحد
الصحفيين إندهشو و بصوا لبعض باستغراب جدا والكل عاوز يسئل سؤال .........؟
سألو الصحفيين : إشمعنا يعني دكتور أسنان واحد ؟؟
آم بوش اللعين ضحك و بص على توني بلير و همس فودنه
مش قلتلك ان مفيش حد هيهتم با20 مليون مسلم ...؟
فى حوار بين مسئول امريكى ومسئول عربى
المسئول الامريكى :-
احنا فى اميركا بندى المواطن 10 الاف دولار فى الشهر كحد ادنى
وبناخد منه 500 دولار ضرائب وفواتير كهرباء وميه وخلافه
ومابنسألوش بيودى الباقى فين
رد عليه المسئول العربى
احنا بقى احسن منكم
احنا بندى للمواطن 200 دولار فى الشهر
وبناخد منه 500 دولار ضرائب وفواتير
ومابنسألوش بيجيب الباقى منين
*مرة واحدة ست خلفت اتنين توأم سمت واحد منهم بوش والتانى بن لادن كانو شبه بعض لدرجه ان ما فيش حد يقدر يفرقهم من بعض واحدة جارتها سالتها امال انتى بتعرفيهم من بعض ازاى ردت عليها وقالت لها سهله جدا انا كل ما انادى على بن لادن الاقى بوش عملها على نفسه
كلب اسرائيلي و فرخة مصرية اتقابلوا على الحدود فالكلب استغرب من الفرخة إللي سايبه مصر ورايحه اسرائيل فسألها ....
و انتي سايبه مصر ليه يا آنسة و رايحة اسرائيل ؟؟؟!!!
فقالت : والله فمصر مبيعرفوش يعاملوا آنسات الفراخ اللي زيي و بيحرقوهم في الترع عشان خايفين من انفلونزا الطيور ... قلت اروح اسرائيل المعاملة هناك أحسن ..." بيعرفوا يتعاملوا مع الليدز " ....
...و أنت يا كلب رايح مصر ليه و سايب اسرائيل ؟!!!!!!!!
رد عليها وقال : و الله يا آنسة سمعت إن الناس في مصر بتتعامل معاملة الكلاب
فقلت أروح اعيش معاهم .....
دكتور عربي ,دكتور ياباني ودكتور أمريكي في مؤتمر عن زراعة الاعضاء
قال الامريكي: احنا كان عندنا واحد ما بيشوفـش ,جبنـا قطـة ودبحناهـا
وأخــذنـــا عـيـنـيـهـا وزرعـنــاهــم لـلــرجــل ..!!
اللـي كـانـوا واقفـيـن قـالـوا لـه:يـاااه؟ وبيـشـوف كـويـس ؟؟
قـال لهـم : طبعـا بيشـوف , وبيشـوف اللـي ورا الشمـس كمـان ..
قال الياباني: احنا كان عندنا واحد كبـده تعبـان , فجبنـا قطـة ودبحناهـا
وأخـــذنـــا كــبــدهــا وزرعــنــاهــا لــــــه ..
قالوا : وبيشتغل كويس ؟ قال: أمـال .. ده بيهضـم الزلـط ده الوقـت..
العربي قال: احنا بقى كان عندنا واحد مخه بايـظ ,رحنـا شايليـن مخـه
وحــطــيــنـــا بــــدالـــــه جــــزمـــــة..!!
قـالـوا لــه : ايــه ؟؟ مــش معـقـول !ولـســة عـايــش؟؟
قـال لـهـم طبـعـا ..ده مـسـؤول كبـيـر عنـدنـا ده الـوقـت...
السبت 11 سبتمبر 2010 - 20:21
