أحنا الجيل اللي حط مبارك ورا القفص ؟

مش هنكتب موضوع ولا هنرغي كتير ... باختصار كدا واللهم لا شماتة

أنت شايف الموضوع أزاي (لو كنت أستوعبت اللحظة) ؟

قال "كل هذه الاتهامات انا انكرها كاااملا" بجااااااااحه
للدرجه دي كبرياؤه عميه؟
مش شماته والله بس انا كنت مبسوطه اني شفتهم في الوضع ده
علق معايا اوي لما ولاده كانوا بيداروه عن الكاميرات
ولما رد على رئيس المحكمه وقاله "أفندم انا موجود" حسيت انه مالي مركزه اوي ك متهم

ويا رب_ ان شاء الله_ نشوفهم قريب كمدانين ومحكوم عليهم بالاحكام العادله اللي تريح قلوب آهالي الشهدا

fulla كتب:

قال "كل هذه الاتهامات انا انكرها كاااملا" بجااااااااحه
للدرجه دي كبرياؤه عميه؟
مش شماته والله بس انا كنت مبسوطه اني شفتهم في الوضع ده
علق معايا اوي لما ولاده كانوا بيداروه عن الكاميرات
ولما رد على رئيس المحكمه وقاله "أفندم انا موجود" حسيت انه مالي مركزه اوي ك [b]متهم

ويا رب_ ان شاء الله_ نشوفهم قريب كمدانين ومحكوم عليهم بالاحكام العادله اللي تريح قلوب آهالي الشهدا

ولا لجنة المحامين الهم اللي جايين يدافعوا عن أهالي الشهدا كانت حاجة تكسف .. وفريد الديب واستعباطه

Scorpion كتب:

ما أنت متابع كلنا خالد سعيد أهو
[/b]

أحنا الجيل اللي حط مبارك ورا القفص ؟ 561444

أحنا الجيل اللي حط مبارك ورا القفص ؟ 790838

أحنا الجيل اللي حط مبارك ورا القفص ؟ 977193

عندي في المسأله دي بالذات تناقض رهيب

يعني وانا شايفاه في القفص مرت عليا لحظه ما كنت بشوفه في المنصه والناس كلها ضاربين له تعظيم سلام واخترناك اخترناك وقلت سبحان المعز المذل .... ومن نعمره ننكسه في الخلق افلا يعقلون .....

وشفته لما ولاده كانو بيحاولو يداروه عن عيون الناس

حسيت اني جوايا تعظيم وتقديس لقدرة الله على العظه اللي اخدناها من الموقف ده وف نفس الوقت حسيت ان ديني واسلامي بيحتمو عليا اعفو عشان ربنا يعفو عني ... فلو هتكلم من الناحيه الدينيه يبقي العفو افضل صفه ممكن نقابل بيها الموقف ده من غير شماته او فرد عضلات

اما لو هتكلم من الناحيه السياسيه فبحس برده في نفس الوقت انه ياما جوع شعب بحاله وشرد ناس ابرياء ويتم برده ناس كل حلمهم في عيشه كريمه سواء ان كان هو ولا الحاشيه اللي حواليه فمبقدرش انسا ظلمه وجشعه وبقول ربنا يجعله عبره لمن لا يعتبر

مقدرش اوصف المحاكمه دي بانها كانت محاكمه بين الخير والشر ولا بين العدل والظلم ولا بين الادانه والبراءه ... كانت فض مجالس .... ولسه هنشوف ف الايام الجايه اللي هيحصل عشان كده من وجهه نظري مفيش اصلا حدث حقيقي ملموس يستحق اني اتكلم عنه ... لسه شويه

كنت لسا هعمل الوش اللي بيصقف لحد ما وصلت لـــــ :

اقتباس :

كانت فض مجالس .... ولسه هنشوف ف الايام الجايه اللي هيحصل عشان كده من وجهه نظري مفيش اصلا حدث حقيقي ملموس يستحق اني اتكلم عنه ... لسه شويه

أنا بقا بالنسبة ليا كفاية أوي أن الناس كلهم شافوه ورا قفص الأتهام .. طبعاً لسا في إجراءات وأحكام لأهالي شهداء إن شاء الله ييجي حقهم ولشعب أتنخور بقاله 20 سنة (حرام الراجل كان أول 10 سنين لا هو وحش ولا هو حلو) وفلوس لسا برة وجوا .. لكن منظره كدا في القفص دا هيدي عبرة ل100 سنة قدام لأي حد هيمسك البلد دي أنه في لحظة ممكن يبقا مكانه , مكان الراجل اللي أحنا فتحنا عنينا وصورته متعلقة على كل حيطان المدارس وورا الموظفين والمديرين اللي مبنفتحش التليفزيون إلا على قام السيد الرئيس وأرسل السيد الرئيس ..إلخ فكل الجباروت اللي عمره ما هيتحقق تاني دا لما يتحط بالمنظر دا في قفص الاتهام دي لوحدها كفاية جداً لأننا نقول لأ دي حاجة كبيرة وكبيرة أوي كمان .

كلامك سليم والله يا عمر
بس خد بالك من اخر كلمتين كتبتهم ...

لسه شويــــه

لسه شويه على اننا نتكلم عن انه حدث لان الحدث يستحق ان يذكر ويعرف انه حدث اذا اكتمل فيه اساسين .. بدايه ونهايه ... احنا لو اتكلمنا عن حدث حرب اكتوبر هنقول بدايتها نكسه واخرها نصر ورفع العلم على ارض سينا .. لكن هنا بقي بدايتها لسه انه في القفص ومدان ادام كل العالم ... لكن لسه موصلناش لنهايتها عشان ييجي اوان اكتمال حدث العبره

العبرة بالنهاية

العبره فعلا بالنهايه

ع الرغم من ان الواحد مصاب باحباط فظيييييييييييييييييييييييييييييييييع من ال عمالين نشوفه ونسمعه

بس ع اي حال من الاحوال اكيد دي عظه لمن يعتبر زي ما قال عمر طبعا بس بردوا لسه شويه علي بال مانوصل لشئ ملموس ومحسوس بالنسبه لليله دي

والواحد والله مبيشمتش اللهم لا شماته

انما فعلا العزه والدوام لله وحده...

القفص عبره. والشعب معتبرش
مبارك خرج . والحق مرجعش
ممكن لسه بنتعلم وبيتعلم علينا
بس ثمنه غالي التعليم ده
الشباب بيموت. الشباب بيموت غدر
شهداء في الشعب بجيشه وشرطتة
حسبنا الله ونعم الوكيل
“ ولا تحسبن الله غافلا عما يعمل الظالمون
إنما يؤخرهم ليوم تشخص في الابصار " صدق الله العظيم