خايف أصحى مالاقيش مصر .للشاعر على سلامة

خايف أصحى مالاقيش مصر


ساعات بقلق بالليل
يعني بالليل شوية كده
قبل الفجر
حسب الظروف كده
بعد العصر
خايف يوم أصحي
وأفتح الشباك
مالاقيش مصر



ألاقيها لمت هدومها ومشيت
لمت هدومها
علي نيلها
علي هرمها
وطفشت
وحلفت ميت يمين ماهي قاعدلنا
ماهي زهقت
تعبت
إتخنقت
أصلنا زودناها
أكننا استعمرناها
ورثناها
مصر البنوتة الحلوة
اللي زي القمر
بقت عجوزة وشايبة
وبان عليها الكبر
خايف يوم أصحي
وأفتح الشباك
مالاقيش مصر

تسلم ايديكي يا متفاءلة مصر فاهمة شعبها غلط

تسلميلى يا قلبى
احنا اصلا اللى غلط مش مصر

العنوان ممكن يحصل لو تركنا مصر فى ايد عيال يتحكموا فيها
شكرا ليك على التوبك

ما تخافش يا حريف اللى حاكمين مصر ناس كبار اوى
نحن فى ايد امينة

ربنا يخليكى يا شموسة