الله على ده كلام

النهارده كنت في المترو باقرا كتاب: لا أومن بهذا الإله
مش عارف أوصف لكم ازاي تعبيرات وشوش الناس عجيبة وهي بتبص على عنوان الكتاب وبتتأمل وتتفحّص فيّا في محاولة لاختراقي من الداخل إلى العمق.
ومع إنه مهم، بس مش مهم.
مش هوه ده موضوعي دلوقتي.
في المترو كالعادة بشر كتير أوي ماسكة مصاحف
وضروري يشنّف آذان الواقفين أحد المتطوّعين بصوته الغير إنساني بيقرا مختارات من كتاب الله بالعافية.
وبرضو ومع إنه مهم، بس مش مهم.
لإن برضو مش هوه ده موضوعي دلوقتي.

موضوعي هوه:

الإنسان و القرآن.

هابتدي الموضوع بجملة واحدة محتاجة تأمل وتمحيص:

في اعتقادي أن الإنسان يحتاج أن يقرأ المصحف مرّة واحدة فقط.

نعم..

مرّة واحدة فقط في العمر تكفي
لو قرأت القرآن كما يريدك من أرسله أن تقرأه.

هادّي بعض الأمثلة توضح كلامي:
تخيّل اللي بيحصل:
واحد قاعد قدّام ربّنا
وربّنا بيقول له: اسعى في الأرض وتدبّر:
يفضل قاعد ويقول: الله على كلام ربّنا، قول كمان يا ربّنا!
وربّنا بيقول له: اسعى في الأرض وتأمّل:
يفضل قاعد ويقول: الله على كلام ربّنا، قول كمان يا ربّنا!
وربّنا بيقول له: اسعى في الأرض وتفكّر:
يفضل قاعد ويقول: الله على كلام ربّنا، قول كمان يا ربّنا!

عارفين قصّة آدم في القرآن؟
ربّنا علّمه الأسماء كلّها
وأكرّر: علّمه الأسماء كلّها
مش دين ولا عقيدة ولا طقوس
علم
وبعدين أمر الملايكة تسجد له
وأكرّر: الملايكة تسجد له
ليه؟
لإنه في الأرض خليفة
وأكرّر: خليفة
لمين؟
لملك الملك
الله: العليم
اللي أول ما خلق آدم
علّمه
وأكرّر: علّمه الأسماء كلّها
وأكرّر: الملايكة تسجد له
ثم أكرّر: وأكرّر: خليفة

نرجع تاني للأمثلة:
وهنا عندي موضوعين:
ربّنا بيحكي طوووول الوقت عن الماضي
والأقوام السابقة ومن آمن ومن كفر
واللي بيقرا يفضل يقول: الله: الحمد لله على نعمة الإسلام
ياسلام!!
1
سؤال: بأي حقّ استحققتَ أنتَ هذه النعمة؟
وفين عدل ربّنا لو بيدّيك انت النعمة دي ويحرم منها الباقيين اللي انت طوووول الوقت بتقرا عنهم في التاريخ القرآني دون أن تعقل أي معنى أو مغزى للحكايات!؟
ركّز كويّس واسأل نفسك ربّك بيحكي لك الحكايات دي ليه؟
2
وبعدين تعالالي هنا ياللي بتتعالى وتدعي عليهم وشايف نفسك أطهر وأتقى وأنقى منهم، الكافرين النجسين! بأمارة إيه!!؟
مع إن ربّنا بيقول في القرآن: جعلناكم شعوبا وقبائل لتعارفوا: إن أكرمكم عند الله أتقاكم.
عمرك خدت بالك احنا مختلفين ليه؟ والأكرم فينا أكرم عشان ايه؟؟
شفت "لتعارفوا" دي؟ محتاجة لوحدها ميت نوت.
قريت "أتقاكم"؟ لوحدها دين بنفسها عايزة مؤمن بحق يوصل لها.

مثال زيادة:
الجنّة والنار:
تقرا في الجنّة تلاقي العين برّقت واذبهلّت واللسان اتدلدل على المتع اللي فيها
والسؤال: عملت إيه ليها؟
تقرا في النار تلاقي حالة ركون واستهبال مصدرها تاني ان الحمد لله على نعمة الإسلام
ومش هاعيد الكلام، لكن شوف صورة ربّنا اللي بيشوي ويحرق واقرا المثال اللي جاي.

مثال كمان:
في آية في القرآن تساوي في رأيي القرآن كلّه:
كتب ربّكم على نفسه الرحمة
عارفين لو كل واحد قراها بجد مرّة واحدة بس في حياته
كان فهمنا لربّنا يبقى حاجة تانية خالص
وكانت الدنيا بقت غير كده خالص
عارفين يعني إيه ربّ الملك، يكتب على نفسه ويلزم نفسه ويختار بكامل حرّيته وهو الحرّ الكامل
انه يجبر نفسه بشيء؟؟؟
وعارفين يعني إيه ان يكون الشيء ده هوه: الرحمة؟؟؟؟؟؟

طيب: مثال أخير مفتوح ورحيب:
اقرا في القرآن موقف ربّنا من الرهبان والأحبار والنصارى
اقرا في القرآن موقف ربّنا من فرعون
واقرا بعديهم لكم دينكم ولي دين
وقارنه بآيات القتل والحرب وقل لي:
هوّه ربّنا متناقض مع نفسه أوي كده؟
ولا احنا اللي مش فاهمين؟

رأيي المتواضع البسيط ان ربّنا مش متناقض
وان طالما القرآن كلامه حقّ
يبقى أكيد الموضوع ماينفعش نتعامل معاه بالسطحية السذاجة اللي طووول عمرنا بنعيشها.

القرآن يا جماعة ماينفعش نقراه جمل وآيات متقطّعة منفصلة
كلّه على بعضه جملة واحدة كبيرة وآية طويلة معجزة
لو مش راكبة على بعضيها – في الظاهر – يبقى الظاهر اننا مش فاهمين
ومحتاجين نقراه بطريقة مختلفة
من الأول وجديد

طريقة الصحابة
اللي كانوا مش بيحفظوا آية إلا لمّا الأول يفهموها وبعدين كمان يطبّقوها في حياتهم
وهمّا اللي عندهم الرسول مثل وقدوة في الفهم والعمل

أمّا نطق الألفاظ
فهذه مهارة يستطيعها طفل في الصف الثالث الابتدائي
مع العلم ان فهمه لربّنا من غير قراءة أصلا أكيد أحسن من فهم الكثيرين ممن يلقون علينا الكلام قذفا في المترو وفي دروس العلم وفي حلقات البرامج الدينية.

ختاما.. شكرا

فعلا............الله على ده كلام
جزاك الله كل خير

فعلا كلام رائع مشكوووور محمد على الموضوع الله على ده كلام 166815

انت قلتها قبلنا
الله على ده كلام
وجهة نظرك صحيحة جدا يا محمد
شكرا ليك

جزاك الله خير

شكرا ليك يا محمد

ميرسى لكل من زار هذا المنتدى
وألف تحية

زائر

رائع جدا ...مشكوووووووووووور
يا محمد الله على ده كلام 928775

ميرسى كتييييييييير ليكى يا الاء

فعلا كلام في قمة الروعة
جزاك الله كل خير
وربنا يبارك فيك

فعلا كلمات جميلة جدا
شكرا ليك
والي الامام دائما

كلامك جرئ يا محمد
لكن جواه معانى كتير صح ومهمة جدا
جزاك الله كل خير على الموضوع
وربنا يهدينا ويقدرنا نفهم حياتنا وديينا صح

شكراً ليك يا بربر كلامك مش هتلاقي كثير يفهموه , إلا لو كانوا هيفهموه غلط .

جزاك الله خيرا

وجعله ف ميزان حسناتك

بارك الله فيك يا محمد

فيه صديق ليا تعرض لحاجة مشابه ...كان بيقرأ في بحث أسمه (حضارة ما بعد الأنسان) أستوقف العنوان واحد من أياهم وهما راكبين في الميكروباس فقاله : ما هذا يا أخي وهل توجد حضارة بعد الأنسان . فرد قاله :
أولاً تكلمني زي ما بكلمك بالعمية , ثانياً أنت أخرك تقرأ لابن تايمية ثالثاً ودا الأهم على جنب يا اسطى علشان قربت أوصل !

شكرا لردك يا عمر .. وشفت زى صديقك كتير

الله علي ده كلام بجد .......مش عارفه ازاي ما قرأتش الموضوع ده من زمان

شكرااااااااااااااااا ليك يا فنان الله على ده كلام 166815

هولو

أجمل تحياتى لردك الكريم

شكرا يامحمد علي الموضوع

كلام جميل اوووى
وجزاك الله خير

شكرا مون .. شكرا فانتوم .. كل سنة وانتو مبسوطين :)

الله على ده كلام

انا اول مره للاسف اقرا الكلام دا دلوقت

وبجد ربنا يكرمك ويعزك يا محمد ادي الكلام ولا بلاش

وفعلا الله عل دا كلام...

وجزاك الله كل خير.. الله على ده كلام 166815

» كلام فى كلام (بالعامية)
» احلى كلام في الحب و اصعب كلام في الحب.......
» نصر الله: حملة النظام المصري على حزب الله لم تحقق ايا من اهدافها
» انظر لطف الله بك وانت نائم .. سبحان الله
» مــــــــــ( الله الله )ــــــــصر