قناة national geographic قوم بسرعة دور عليها

أول إمبارح سمعت الخبر دا إن قناة national geographic فتحت (كانت مشفرة) وفتحت بالعربي كمان , طبعاً مصدقتش لأن ببساطة شديدة ميزانيتها تعادل 100 قناة زي اليوم مثلاً بتاعة القاهرة اليوم . وبالفعل سطبت كل القنوات الجديدة ودورت عليها في القديم والجديد جايز تكون انضافت لتردد قديم , وبعد يأس شديد وتخيلات إن اللي قالي أيد بيضحك عليا , لقيت القناة شغالة مش مشفرة . فكي السفلي نزل 3 متر لتحت , و بدون مبالغة من أول اليوم لأخره أنا يا اللي مبعرفش أثبت على قناة فضلت معلق مع القناة دي , بجد يا جماعة مجهود مش محترم وبس , مجهود خرافي في كل لقطة بتشوفوها , القناة أساساً لأفلام عالم الغابة والحيوان , لكن فيها برامج وثائقية تانية تاخد العقل , أتمنى إنكم فوراً تقوموا تدوروا عليها وتقولولنا أيه انطباعكم . أتمنى فعلاً ييجي اليوم اللي نلاقي فيه قناة عربية بنفس الشكل . القناة أسمها على النايل سات national geographic abudhabi القناة مدبلجة باللغة العربية

دا فيديو بس من القناة الأمريكية :

ترددها على قمر بدر ( عربسات)

11804

H

27500

أما على النايل سات فتأتي باسم آخر Abu Dhabi Al Riyadiya 2والتردد هو
10911

V
27500

قناة national geographic قوم بسرعة دور عليها 219975

جامده القناه

والله اذا كانت القناة دى عجبتك يا عمر يبقى كويسة
وان كنت باقول حاليا وللاسف مفيش حد بيتفرج على القنوات الوثائقية الا القليل
على العموم شكرا على مجهودك

مشكوووووور عمر ع المجهود بس بصراحة مش بعرف اعمل بحث بتردد القناة انا ممكن اعمل بحث عادى انما مش بالتردد

ده انا كنت مكسوفه اقول ياتومورو اني نفس الحال بتاعك ههههههههه وفرتي عليا الكلام قناة national geographic قوم بسرعة دور عليها 561444

عموما شكراا ياعمر علي الموضوع قناة national geographic قوم بسرعة دور عليها 977193

شكراً ستوب والحريف وشيمو , أنا كمان مبعرفش أعمل بحث تردد ....لو حد بقى يفيدنا ويقولنا أزاي ربنا يكرمه قناة national geographic قوم بسرعة دور عليها 977193

بس الفناة بجد تستاهل

للاسف انا مليش معرفة بالبحث

شكرا يا عمر انا خلاص بحثت ونزلتها ونزل معاها شويه قنوات حلوين زى دراما سوريا
والامارات وجده ومكه قنوات جديده
بس قناه national geographic تابعه لباقه show time
انا بتفرج عليها كل يوم غير اللى تبع قناه ابو ظبى اللى انت تقصدها
شكرا ليك

عمور القناة دى انا بحبها جدا وبتفرج عليها
لو عايز تعمل بحث تردد غير لغة الريسيفر الى إنجليزى وهتلاقى كل حاجة سهلة

زائر

مشكور يا عمر جدا وان شاء الله هنزلها

زائر

بوصو يا جماعة انتوا هتجيب الريموت بتاع الرسيفر وبعدين هتبحث على الزر المكتوب عليه (meun)اكيد عندكوا وبعدين تضغط عليه هيظهر قائمة هتختار التركيب وبعدين تكتب كلمة المرور وبعدين هتظهر قائمة تانية هتختار (البحث اليدوى للمرسل المستقبل ) وهتظهر الصفحة وهتكتب التردد والاستقطاب وبيانات القناة كلها وتروح عند التردد بعد متخلص وتضغط عليه وهيقوم بالبحث وجربوها لو هى دى الطريقة الى تقصدوها وقولولى

شكراً لمروركم يا جماعة وشكراً ليكي يا nmnm على الأفادة قناة national geographic قوم بسرعة دور عليها 928775

اخيرااااااااااااااا يا جماعة لقيت القناه اللى عمر قال عليها كانت موجوده وانا ما كنت بشوفها اساسا شكرااااااااااا عمر

شكرا شكرا شكرا يا عمر
أخويا الصغيربيخلينى أجيب له مجلة الناشيونال جيوجرافيك و فرح جدا لما شاف القناة
دورت عليها امبارح و قعدت بالليل أنا و إخواتى نتفرج عليها ... هايلة

القناة دى كانت عندنا على الوصلة وكنا بنسيب الدش عشان نشوفها لان فعلا القناة غير طبيعية بتحسسسك انك لفيت العالم
بس فعلا كويس ان هى معدتش ممشفرة لان الصورة اكيد هتكون احسن
شكرا يا عمر على الخبر

شكراً ليك وهحاول أجيبها

شكرا يا عمر وهى عندى شكرا على مجهود

وجدتهاااااااااااااااااااااااااااااااااااااااااااااااااااااااااااااااااااااااااااااا قناة national geographic قوم بسرعة دور عليها 219975

اخيرا وجدتها شكراااااا ياعمر قناة national geographic قوم بسرعة دور عليها 977193

طيب الحمد لله يا رب يا جماعة بقى متسيبوش حد إلا لما تقولوله على القناة دي قناة national geographic قوم بسرعة دور عليها 632484

أخي الفاضل نسيت أن تذكر أن مالك هذه القناة صهيوني

سالم مجاهد كتب:: أخي الفاضل نسيت أن تذكر أن مالك هذه القناة صهيوني

إ
معرفش أيه مصدر المعلومة دي يا سالم , بس كل اللي أعرفه إن القناة دي عندي بمحتواها العلمي والثقافي والمجهود الكبير اللي مبذول في إخراج محتوياتها الفلمية أفضل بمائة مرة من قناة الناس أو الرحمة أو الحكمة .

سالم مجاهد كتب:: أخي الفاضل نسيت أن تذكر أن مالك هذه القناة صهيوني

حتى لو كان صيهوني صاحب القناة فطالما بتبث برامج مفيدة
why not?
ليه لا منشفهاش
الشاطر اللى يزيد معلوماته طالما معلومات محترمة دون خروج عن تعاليم الدين الاسلامي

tomorrow كتب:

اخيرااااااااااااااا يا جماعة لقيت القناه اللى عمر قال عليها كانت موجوده وانا ما كنت بشوفها اساسا شكرااااااااااا عمر

شكراً يا tomorrow يا بختك سبقتينا .

freekeko كتب:

شكرا شكرا شكرا يا عمر
أخويا الصغيربيخلينى أجيب له مجلة الناشيونال جيوجرافيك و فرح جدا لما شاف القناة
دورت عليها امبارح و قعدت بالليل أنا و إخواتى نتفرج عليها ... هايلة

يا بخت أخوكي ...شايفة يا Stop أبقى هاتيلي بقى مجلات ميكي وبطوط

جيرسى كتب:

القناة دى كانت عندنا على الوصلة وكنا بنسيب الدش عشان نشوفها لان فعلا القناة غير طبيعية بتحسسسك انك لفيت العالم
بس فعلا كويس ان هى معدتش ممشفرة لان الصورة اكيد هتكون احسن
شكرا يا عمر على الخبر

أكيد يا جيرسي , بس دي النسخة المعربة , شكراً على مرورك .

nansy adel كتب:

شكراً ليك وهحاول أجيبها

شكراً نانسي على المرور

ram كتب:

شكرا يا عمر وهى عندى شكرا على مجهود

شكراً يا رام على المرور

shemo كتب:

وجدتهاااااااااااااااااااااااااااااااااااااااااااااااااااااااااااااااااااااااااااااا
اخيرا وجدتها شكراااااا ياعمر

الحمد لله

Hareef كتب:

سالم مجاهد كتب:

أخي الفاضل نسيت أن تذكر أن مالك هذه القناة صهيوني

حتى لو كان صيهوني صاحب القناة فطالما بتبث برامج مفيدة
why not?
ليه لا منشفهاش
الشاطر اللى يزيد معلوماته طالما معلومات محترمة دون خروج عن تعاليم الدين الاسلامي

شكراً على التعقيب يا حريف .

من افضل القنوات الا بتفرج عليهاااااااااااااااااااا ومفيده جداااااااااا وبستفيد منها ..........شكرا على موضوعك..........

» حقيقة قناة الجزيرة
» محمد بربر فى برنامج شبابيك على قناة دريم
» نشرة أخبار زوجية من قناة الفضيحة العائلية
» نائب رئيس «عرب سات»: مصر بريئة من «التشويش» على قناة «الجزيرة»
» خطر ...... لا تشرب الماء بسرعة