حكايات من كليتنا .. حلقات متجددة يقدمها محمد بربر ومحمد هجام

فكرة جميلة جدا جدااااااااااااا

ان شاء الله في انتظار القصص

حلوة الفكره يا محمد بجد
واكيد هتبقي حكايات جامده زي كل مواضيعكم
مستنيييييييين اول حكايه ان شاء الله

لا يا محمد هتلغى التوبيك لية .. مستنيينكم ان شاء الله

المنتدى فى حاله سكون دائم وكسل فظيع

وانا مستنى كتاباتك يا كبير

والبارون مش هيحرمك من تعليقاته برضه

فى انتظار كتاباتكم يا محمد

و عندى ثقة ان هيكون موضوع مميز زى ماعودتونا

فكره حلوه اوى يا كبير

فكرة حلوة اوى
مستنيين القصص الجامدة

مستنينك يا محمد والموضوع جميل جدا ميستحقش انك تلغيه

ده هيفيد الكل اساسا

المقدمه شكلها جاااااااااااااامده جدا

فى انتظار الحلقات
تسلم ايديك يا محمد

والله صدقت يا كبير

بس ابقي باضحك عليك لو قلتلك انى اعرف حد بشرب مخدرات فى الكليه مممممممممم الله اعلم

وعن الشعرا فانا منها وانا سعيد بانها بتنظف بس كل اللى اقدر اقولهولك انهم بس نقلوا النشاط من الشارع الرئيسي لشارع تانىههههههههههههههههههه

وعن الدكاتره ف -------------------------- انت ادرىهههههههههههههه كلنا ادرى

واما البنات فالواحد هياخد باله ليه يا عم خلينا فى نفسنا ما حدش هينفعنا

ومستنى الموضوع القادم يا كبييييييييييييييييييييييير

و ان كنت انا من فئة البنات اللى انت بتقول عليهم مش بيعرفوا يتكلموا ...بس الحمد لله اما اتحط فى موقف بقدر اتكلم و بعرف اتعامل مع الناس مش زى الفكرة اللى انت حطتها

بس و اضافة للى انت قلته انى انا نفسى مش لاقية مكان فى البلد دى حتى لو البرادعى كسب ...لسه الناس شايفانى متشددة و جاية من كوكب تانى و من غير ما حد يعرفنى يبدا فى تحليل شخصيتى و هو فاكر انه فاهم و عارف كل ده...و ساعات بحس انى عاوزة اصرخ فى الناس دى لمجرد انها ناس غبية .بس هو تفكيرهم كده

هو كل انسان ليه مشاكله بس انا شايفة الامل بالنسبة لى انى اعيش فى عالم بتاعى بختار الناس اللى حولية و بنطوى ...ده الحل للاسف اللى شوفتهم يصلحوا يكونوا بنى ادمين مش كتير اوى


موضوعك اكيد اكتر من رائع و كالعادة ......و ان كان فى كابة فانا شايفالها مبرر و ان كنت مش شافالها حل

هو عموما يا محمد كلامك معبر جدا عن اللى بيحصل واللى موجود وبجد حاجه تحزن وتخلى الواحد يكره عيشته..بس بليز رجاء خاص زى ما هتكتب عن الفساد والمحسوبيه واى حاجه تحرق الدم..ياريت تكتب عن اى ايجابيات فى الكليه مع انى متأكدة ان مفيش فيها ايجابيات..بس اى حاجه تشجعنا عشان نروحها تانى ونعمل اللى عليناوناخد الشهاده..وزى ما بتخلى عينك تشوف الوحش خليها تشوف الحلو

عايز الحق ياهجام انت كلامك كله صح والمصيبه ان ده مش عندكوا فى الكليه بس ده فى اغلب الجامعات الواحد من الشباب يبقى مخلص ثانوي و داخل على الكليه كل همه يعيش له يوميين ويقضيها

اما بالنسبه لحكايه الخوف دي فالمشكله ان احنا متربيين عليها من واحنا صغيرين لو حد كبير سمعك بتتكلم عن اي حاجه سياسيه بيزعقلك وكأنك غلط فى الذات العليا فحصل عندنا نوع من انعدام الرأي والانسياق خلف التيار ونوع من الرضا بالفساد وكأن ده الشيء الطبيعى

بس بينى وبينك هما شطار اوي حطونا فى دوامه ملهاش حل

من وانت صغير ذاكر يا حبيبى السنه دي علشان السنه الجايه شهاده

ياحبيبى ذاكر السنه دي شهاده

وبعديين الثانويه العامه هى اللى هتحدد مستقبلك وبعديين

تدخل الكليه وتبدأ انت تذهق من حته الضغط اللى كان عليك وتحاول تبنى شخصيه مستقله بذاتها بس يا خساره اول حاجه بتعملها مش ان انت تكون رأي ليك لا .... إن انت تشوف البنت دي حلوه.... وإن البنت دي تشوف الواد ده جميل.... والواد يمشي مع شباب بتوع مخدرات ....والبنت كل همها انها تتجوز وتخش بيت السعد..... والواد كذلك يتجوز ويدور على عروسه...وبعديين فلان يحب فلانه ويعدوا يحبوا فى بعض وبعديين فلان يسيب فلانه او العكس ..... (طبعا الكلام ده مش للاغلبيه )وعلى رأيك لو كلمت حد علشان يقف حتى وقفه احتجاجيه علشان الرسول بيخاف ويقولك لحسن اسمى يتاخد ومعدتش اعرف اشتغل بعد كده خلينا ياعم جنب الحيط والبنت تقولك انا بنت هو انا اعمل ايه وهى نسيت انها نصف المجتمع وبتربى النصف الثانى

وبعديين تخلص الكليه وتفكر فى الجيش والزواج وازاي تشتغل وتقدر تفتح بيت
وبعديين(بعد عمر طويل) تتجوز وتخلف ويبقى عندك عيال تيجى تكلمه فى حاجه يقولك يا عم انا عندي عيال خلى الطابق مستور العيال دي هتتشرد من بعدي

ويتضح ان الواحد عنده خمسيين سنه ولسه معندوش رأي واللى يضحكك انه لو سمع حد من ولاده بيتكلم فى السياسه بيشخط فيه (زي ما كان بيحصل فيه وهو صغير)

شوفت بقه يا سيدي هما شطار ازاي دوامه زي دي لو جيت تخرج منها بتلاقيك لوحدك او مع اقليه فتصعب عليك نفسك وترجعلها تانى وان مرجعتلهاش تانى فعلى رأيك المنتخب الماتش الجاي بتاعه امتى واحنا بصراحه بنحب نساق

واخيرا انا متفق مع بربر لسه فيه امل حتى لو كان صغير بس فيه امل نتغير
انا بحب اشكرك على شجاعتك وعاوزك تستمر واحنا معاك وموضوع جامد

موضوع جامد وكلام كله صح

فعلا كل يوم بنكتشف حاجات جديده فى الكليه دى

فى انتظار باقى الموضوعات