ده خبر لقيته الوقتي علي موقع بص وطل وطبعا اتجننت
رد الفعل الأول :اتصل باصحابي في عين شمس واظبط معاهم اني اروح احضر ندوة احمد فؤاد نجم
رد الفعل التاني: حسرة ثم حسرة ثم برده حسرة اني في كلية معدومة النشاط مفيهاش اي مظهر من مظاهر الحياة الجامعية انا لغاية بالوقتي حاسة اني في معسكر اعداد مش في كلية فعلا
نيجي بقه للسؤال اللي خلاني اوجع دماغكم بالخبر ده
يا تري يا هل تري تحلم يوم ان يكون في كليتنا نشاط زي ده؟!!!!
ومهرجان بالحجم ده
ندوات لناس بنحبها فعلا وعايزين نسمع ليها
اي نشاط نحس انه يكون فعال بجد ونقبل عليه ونشارك فيه
وياتري فعلا نفسكم في كده ولا خلاص زهقتوا واستسلمتوا لواقع كليتنا
انا عن نفسي مش شايفة اي نشاط قدر يأثر في حياتنا كطلبة من يوم ما سحبت ورقي وحولت للكلية ديه
ولا اي ندوة اتعملت كنا مقبلين عليها فعلا بالعكس دول كانوا بيتحايلوا علينا نطلع نحضر
حد بيحلم وهوه داخل الكلية او حتي المنتدي يلاقي عنوان كبيـــــــــــــــــــــــــــــــــــــــــــــــــــر مكتوب عليه تنظم اسرة كذا................مهرجان كذا .....وجدول اعماله كالتالي....
ندوة.......لناس بنحبها
رحلة......لمكان جديد نفسنا نروحه
حفلة......زي حفلة تخرج مثلا
معرض.....تبادل كتب او اعمال فنية لشباب اداب
اعمال تطوعية
حاجات بنحبها احنا كشباب ونفسنا نعملها بجد مش النشاطات الرسمية اللي بنشوفها وعن نفسي بعتبرها مجرد سد خانة
ياتري الحلم ده لسه جواكم زي ماهو لسه جوايا برغم اني باذن الله سنة واتخرج...الا اني بجد نفسي تكون سنة حلوة...ولسه بحلم ومش هيأس باذن الله
ياريت اللي جابه العنوان لحد هنا يتكلم...يفضفض...يحلم...يقول ويتكلم ويطلع اللي جواه
لو في اسرة بدأت وبتحلم نفس الحلم تعرض برنامجها علينا ونحاول نعمل حاجة سوا
يا تري بتحلموا بحاجة زي كده....لو اه...نفكر سوا ازاي؟!!!
ولو لاء...وانتهينا خلاص من الحلم....ادينا اتكلمنا
الأحد 1 نوفمبر 2009 - 23:36
