خاص جدا ... إلى خريجى كلية الآداب

فكرة جميلة جدا وجديدة بشكرك عليها جدا يامحمد

اقتراح ان الموضوع يكون تفاعلي وموضع التقاء دائم بين الأعضاء اقتراح بحييك عليه

الحقيقة ان تقريبا المنتدي بكل مافيه من موضوعات شيقة ولكن هوة بيفتقد النوع دا من الموضوعات

بصراحة بحس ان المنتدي بيعاني نوع من البرود والفتور بسبب عدم وجود موضوعات تفاعلية

يتفاعل فيها الأعضاء ويسألو علي بعض ويحكو اي شيء جاي علي بالهم او يطرحو مشكلة تخصهم

وكل الاعضاء تساعد بعض وتقف جانب بعض يعني يبقي فيه مشاركة دائمة مش وقتية وبعدها الموضوعات

تموت..

أشكرك مرة تانية بجد علي موضوعك يا محمد

أتمني بجد فكرة موضوعك تنجح والأعضاء يتحمسوا ويتجاوبو معاها

أحلي سلام

بجد يا محمد فكرة تستاهل عليها كل تقدير

بجد انتى فكرت فالحاجة اللى تخلى لاداب دمياط ذكرى فى قلوبنا

انا بجد عشت احلى ايام عمرى فيها

شوفت وقابلت وعرفت وحبيت وكرهت فيها ناس كتير

يا ريت فكرتك تنجح ويبقا فيه موضوع واحد يجمع خريجى اداب دمياط

ويفكرك باحلى ذكريات

بشكرك كتير ع موضوعك واتمنلك المزيد من النجاح والتميز

رغم كل اللى شوفته فى الكلية دى ....لكنها فعلا هيفضل ليها دايما ذكريات حلوة جوايا ...مش بس عشان الناس الجميلة اللى شوفتها هناك ...بس عشان فى حاجات عشتها و صعب اعيشها تانى .......

شكرا ليك يا محمد ع الموضوع ......

موضوع جيد بس نصيحة لا تجرح فى اى شخصية
انقده ما تشاء بدون تريقة او سخرية او تجريح
وانا رديت على الموضوع يا جميل

الكليه اقول ايه ولا ايه
موضوع جميل واكيد هنتفاعل اكتر وهنحكى

بنت دمياط كتب:

فكرة جميلة جدا وجديدة بشكرك عليها جدا يامحمد

اقتراح ان الموضوع يكون تفاعلي وموضع التقاء دائم بين الأعضاء اقتراح بحييك عليه

الحقيقة ان تقريبا المنتدي بكل مافيه من موضوعات شيقة ولكن هوة بيفتقد النوع دا من الموضوعات

بصراحة بحس ان المنتدي بيعاني نوع من البرود والفتور بسبب عدم وجود موضوعات تفاعلية

يتفاعل فيها الأعضاء ويسألو علي بعض ويحكو اي شيء جاي علي بالهم او يطرحو مشكلة تخصهم

وكل الاعضاء تساعد بعض وتقف جانب بعض يعني يبقي فيه مشاركة دائمة مش وقتية وبعدها الموضوعات

تموت..

أشكرك مرة تانية بجد علي موضوعك يا محمد

أتمني بجد فكرة موضوعك تنجح والأعضاء يتحمسوا ويتجاوبو معاها

أحلي سلام

أنا اللى بشكرك على تفاعلك وأتمنى أن يشاركنا كل الزملاء

عمر كتب:

الكلية دي جتها على أني زائر ...اتصنعلي منها قصة , او قصص لكن منعت القصص دي إنها تتحول لأطلال أبكي عليها .

امممممممم نورتنى يا عمر

جيوكندة كتب:

بجد يا محمد فكرة تستاهل عليها كل تقدير

بجد انتى فكرت فالحاجة اللى تخلى لاداب دمياط ذكرى فى قلوبنا

انا بجد عشت احلى ايام عمرى فيها

شوفت وقابلت وعرفت وحبيت وكرهت فيها ناس كتير

يا ريت فكرتك تنجح ويبقا فيه موضوع واحد يجمع خريجى اداب دمياط

ويفكرك باحلى ذكريات

بشكرك كتير ع موضوعك واتمنلك المزيد من النجاح والتميز

فرحان جدا بالتفاعل الجميل يا جيوكندة .... بس ما تيجى نخرج من إطار " والله كانت كلية حلوة " لإطار أحسن وهو إننا نحكى ما نستطيع أن نحكيه ويفيد القراء وفى نفس الوقت نحوله لذكرى مكتوبة .. ها .. ؟

smile كتب:

رغم كل اللى شوفته فى الكلية دى ....لكنها فعلا هيفضل ليها دايما ذكريات حلوة جوايا ...مش بس عشان الناس الجميلة اللى شوفتها هناك ...بس عشان فى حاجات عشتها و صعب اعيشها تانى .......

شكرا ليك يا محمد ع الموضوع ......

الشكر ليكى سمايل .... والشكر للأيام الحلوة اللى كلنا عشناها ... ايه المواقف المهمة فى الكلية واللى عشتيها ؟

الحريف كتب:

موضوع جيد بس نصيحة لا تجرح فى اى شخصية
انقده ما تشاء بدون تريقة او سخرية او تجريح
وانا رديت على الموضوع يا جميل

يا لؤى .. لولا إن هدفى إن خريجى الكلية كلهم يستمروا على تواصل مع بعض .. مش كنت دخلت أصلا المنتدى ... إنت عارف وقتى عامل ازاى ... ومش معقول هندخل عشان نجرح فى بعض ومحدش هيسمح بده ... اشطاط

ART كتب:

الكليه اقول ايه ولا ايه
موضوع جميل واكيد هنتفاعل اكتر وهنحكى

ارت .. احكى لنا حكاية مع دكتور حصلت أو شفتها ... يلا :)

جد موضوع فوق الرائع بحييك فعلا عليه.....
وانا بالرغم من انى اكتر حد كان بيكره الكليه دى لانها مش فى بلدى الا انى بقبت اكتر حد بيحبها ناو ودا يرجع لاجمل واطيب صحاب فيها.... اكيد لو مكنتش عرفتهم كنت خسرت كتير......حقيقى كل ال عرفتهم فى دمياط ناس طيبه جدا..... ربنا يحمى البلد دى واهلها والله بفتقدها مووووووووووووت......
بالنسبه ليا احلى ذكرى رحلة راس البر مع دكتور اشرف.

بحيييييييييييييييييييييك محمد عالفكره....

رغم اني شفت في الكلية دي كتير وعانيت أكتر
لكن بحبها وهافضل بحبها
كنت باجي من بورسعيد وما ألاقيش محاضرات
لكن الكلية تركت في أثر كبير جداً
ودايماً بشتاق لها ولدمياط وأهل دمياط لأنهم غاليين عليا
شكراً ع الموضوع ده يا محمد

Mohamed Berber كتب:

الحريف كتب:

موضوع جيد بس نصيحة لا تجرح فى اى شخصية
انقده ما تشاء بدون تريقة او سخرية او تجريح
وانا رديت على الموضوع يا جميل

يا لؤى .. لولا إن هدفى إن خريجى الكلية كلهم يستمروا على تواصل مع بعض .. مش كنت دخلت أصلا المنتدى ... إنت عارف وقتى عامل ازاى ... ومش معقول هندخل عشان نجرح فى بعض ومحدش هيسمح بده ... اشطاط

عارف والله
وعارف اللى بيتخرج ميكنش عنده وقت
فانا مجرب الكلام
ربنا يوفقك ويوفقنا جميعا
واكيد اسمع عنك خير
يااااااارب

انا حابة أوي ياجماعة الموضوعات الخاصة بالذكريات في الكلية

واسمحولي أبدأ بأول ذكري ليا هية مش من زمن قديم هية حديثة بالتحديد كانت في يوم 5 شهر مايو اللي فات

كان من المفترض ان الدفعة كلها مشتركة في بحث ميداني وفي اليوم دا كان ميعاد النزول لأحد مصانع الأثاث

عشان نعمل استبيانات ومقابلات متعمقة مع العمال لبحث المشكلات الخاصة بصناعة الأثاث

المهم حاولنا مع الكلية انها توفر لينا باص عشان ياخدنا المصنع في دمياط الجديدة بس مع الأسف مع الألم

الكلية رفضت حتي اننا نجيب باص علي حسابنا ولما جه اليوم الموعود اتجمعنا في الكلية عشرة صباحا

قولنا ناخد عربية من الموجودين امام كلية فنون تطبيقية بس للأسف ملقيناش فقولنا اوكي ناخد اي عربية تعدي

علينا كان معانا مجموعة مواطنين زملاء شباب خلونا في اليوم دا نكره كل الرجال اللي وجه الأرض

عندهم كمية لا مبالاة وغلاسة لا توصف تقريبا كانو متخيلين اننا طالعين رحلة وكل ما نطلب منهم يشيلو

مسئولية حاجة يقولو واحنا مالنا..ابتدت المأساة معاهم بأنهم وقفوا لينا عربية شكلها عامل 19 حادثة ومن جواها

ملزوقة بأمير أو سوليتيب عالية جدا وسقفها منخفض جدا وطويلة جدا لدرجة مش شايفين السواق فين

المهم العربية دي محدش يبلي بيها غير اللي يكون شرير اوي او مبيسمعش كلام ماما

المهم الاخوة المواطنين الشباب اول ما شاورو ليها ركبو في الكراسي الأمامية فاحنا قولناليهم بلاش العربية دي

هنتعب فيها قالولنا بمنتهي الغلاسة (هية دي وخلاص انتو هتنقوا)

قولنالهم طب قولو للسواق ان احنا عايزينو ياخدنا مخصوص لدمياط الجديدة قالولنا (مش قايلين ..احنا مالنا)

قولنالهم طب وسعو خلينا احنا نقولو ..(قالولنا مش قايمين احنا قعدنا وخلاص ومعدناش قايمين من مكاننا)

وبعد صراع مرير وجهاد في سبيل الوصول لأذن السواق استطعنا الاتفاق معاه عشان يوصلنا

بس عمو السواق كان من ذوات القلوب الرحيمة مكتفاش بينا بس كركاب للمكوك الفضائي بتاعه لااااااااااااااااااااا

ركب مواطنين بؤساء تانيين كانو عالطريق

وبرغم اننا آخدينو علي حسابنا الا انو تفضل مشكورا ووصل المواطنين البؤساء للمكان اللي هما عاوزينو

أما احنا فنزلنا في مكان صحراوي كدا وقالنا المسافة صغيرة اوي كملوها مشي..احنا قولنا بجد المسافة صغيرة

بس هيهات هيهات مشينا مسافة طويلة في شمس محرقة جدا وكنا عطشانين جدا جدا

بس الحمدلله وصلنا المصنع بالسلامة زيارتنا للمصنع علي المستوي العلمي والعملي كانت موفقة جدا وطلعنا

بنتائج كويسة جدا..وجه ميعاد الانصراف


الوقت كان اتأخر وبقينا قرب المغرب والمكان بجد خلاء ولازم نمشي شوية علي مانوصل للمكان اللي فيه

مواصلات ..اتفاجأنا بقا ساعتها بالاخوة المواطنين الشباب بيقولولنا باي بقا نستودعكم الله ..الباشوات كانو عايزين

يسيبونا ويمشوا هما من طريق مختصر وقالولنا ببراءة الاطفال بتاعتهم (ايه ياجماعة السكة متتوهش ..زي

ماجيتو ارجعوا)...وبعد توسلات ومباحثات كتيرة عشان يفضلو معانا ونمشي كلنا سوا لحين الوصول للمواصلات

للأسف كل توسلاتنا باءت بالفشل..لكن احنا مسكتناش وطلعنا آخر كارت معانا

وهوة اننا هنشتكيهم للدكتورة حمدية ونطلعلها سجلات الغياب اللي كنا بنتغاضي عنها

وطبعا معني طلوع سجلات غياب التدريب الميداني ان نص الدفعة تعيد السنة

ساعتها بقا تحولو فجأة لرجال حقيقيين وفجأة الشهامة ظهرت..وغصب عنهم وصولنا للمكان اللي احنا عايزينو

بس للأسف انا يوميها ايقنت ان كلمة راجل بقت مجرد مسمي في البطاقة الشخصية فقط عند كتير من حملة اللقب

دا..حقيقي كلمة شهامة ورجولة ومروءة معاني انتفت من حياتنا او وجودها للأسف بقا نادر جداااااااااااااا

انا هحكى احلى ذكرى مريت بيها فالكلية

كان اتحاد الطلبة عامل معرض للوحات وطبعا احنا معانا موهبة فظيعة اسمها بنت دمياط

طلبنا منها تشترك فالمعرض طبعا رفضت بس اعدت اغلس عليها لحد ما وفقت

اجت يوم تقديم اللوحات لقتها جاية متاخرة وندهت عليا وقالتلى انا عملت حاجة ونفسى تشوفيها

قوتلها خير لقيتها طلعت صورة تحفة غاية فالجمال الصورة دى تخيلة ايه

الصورة دى طلعت صورتنا البت اللئيمة طلعت رسمنا صورة جميلة جدا

يوم تعليق اللوحات وقفت من بعيد ارقب ردود الافعال

لقيت كل الناس مبهورة باللوحة

لدرجة ان اللوحة فازت بافضل لوحات المعرض

متتخيلوش احساسى ساعتها كان عامل ازاى

انا كنت سعيدة جدا وقررت ان الصورة دى تتعلق فى شقتى الجديدة

فعلا ربنا يخليكى ليا يا بنت دمياط وميحرمنيش منك ابدا

دى بجد احلى ذكرى فى حياتى

أكتر موقف كوميدى حصل فى الكلية ... فاكرينه ؟

بنت دمياط كتب:

انا حابة أوي ياجماعة الموضوعات الخاصة بالذكريات في الكلية

واسمحولي أبدأ بأول ذكري ليا هية مش من زمن قديم هية حديثة بالتحديد كانت في يوم 5 شهر مايو اللي فات

كان من المفترض ان الدفعة كلها مشتركة في بحث ميداني وفي اليوم دا كان ميعاد النزول لأحد مصانع الأثاث

عشان نعمل استبيانات ومقابلات متعمقة مع العمال لبحث المشكلات الخاصة بصناعة الأثاث

المهم حاولنا مع الكلية انها توفر لينا باص عشان ياخدنا المصنع في دمياط الجديدة بس مع الأسف مع الألم

الكلية رفضت حتي اننا نجيب باص علي حسابنا ولما جه اليوم الموعود اتجمعنا في الكلية عشرة صباحا

قولنا ناخد عربية من الموجودين امام كلية فنون تطبيقية بس للأسف ملقيناش فقولنا اوكي ناخد اي عربية تعدي

علينا كان معانا مجموعة مواطنين زملاء شباب خلونا في اليوم دا نكره كل الرجال اللي وجه الأرض

عندهم كمية لا مبالاة وغلاسة لا توصف تقريبا كانو متخيلين اننا طالعين رحلة وكل ما نطلب منهم يشيلو

مسئولية حاجة يقولو واحنا مالنا..ابتدت المأساة معاهم بأنهم وقفوا لينا عربية شكلها عامل 19 حادثة ومن جواها

ملزوقة بأمير أو سوليتيب عالية جدا وسقفها منخفض جدا وطويلة جدا لدرجة مش شايفين السواق فين

المهم العربية دي محدش يبلي بيها غير اللي يكون شرير اوي او مبيسمعش كلام ماما

المهم الاخوة المواطنين الشباب اول ما شاورو ليها ركبو في الكراسي الأمامية فاحنا قولناليهم بلاش العربية دي

هنتعب فيها قالولنا بمنتهي الغلاسة (هية دي وخلاص انتو هتنقوا)

قولنالهم طب قولو للسواق ان احنا عايزينو ياخدنا مخصوص لدمياط الجديدة قالولنا (مش قايلين ..احنا مالنا)

قولنالهم طب وسعو خلينا احنا نقولو ..(قالولنا مش قايمين احنا قعدنا وخلاص ومعدناش قايمين من مكاننا)

وبعد صراع مرير وجهاد في سبيل الوصول لأذن السواق استطعنا الاتفاق معاه عشان يوصلنا

بس عمو السواق كان من ذوات القلوب الرحيمة مكتفاش بينا بس كركاب للمكوك الفضائي بتاعه لااااااااااااااااااااا

ركب مواطنين بؤساء تانيين كانو عالطريق

وبرغم اننا آخدينو علي حسابنا الا انو تفضل مشكورا ووصل المواطنين البؤساء للمكان اللي هما عاوزينو

أما احنا فنزلنا في مكان صحراوي كدا وقالنا المسافة صغيرة اوي كملوها مشي..احنا قولنا بجد المسافة صغيرة

بس هيهات هيهات مشينا مسافة طويلة في شمس محرقة جدا وكنا عطشانين جدا جدا

بس الحمدلله وصلنا المصنع بالسلامة زيارتنا للمصنع علي المستوي العلمي والعملي كانت موفقة جدا وطلعنا

بنتائج كويسة جدا..وجه ميعاد الانصراف


الوقت كان اتأخر وبقينا قرب المغرب والمكان بجد خلاء ولازم نمشي شوية علي مانوصل للمكان اللي فيه

مواصلات ..اتفاجأنا بقا ساعتها بالاخوة المواطنين الشباب بيقولولنا باي بقا نستودعكم الله ..الباشوات كانو عايزين

يسيبونا ويمشوا هما من طريق مختصر وقالولنا ببراءة الاطفال بتاعتهم (ايه ياجماعة السكة متتوهش ..زي

ماجيتو ارجعوا)...وبعد توسلات ومباحثات كتيرة عشان يفضلو معانا ونمشي كلنا سوا لحين الوصول للمواصلات

للأسف كل توسلاتنا باءت بالفشل..لكن احنا مسكتناش وطلعنا آخر كارت معانا

وهوة اننا هنشتكيهم للدكتورة حمدية ونطلعلها سجلات الغياب اللي كنا بنتغاضي عنها

وطبعا معني طلوع سجلات غياب التدريب الميداني ان نص الدفعة تعيد السنة

ساعتها بقا تحولو فجأة لرجال حقيقيين وفجأة الشهامة ظهرت..وغصب عنهم وصولنا للمكان اللي احنا عايزينو

بس للأسف انا يوميها ايقنت ان كلمة راجل بقت مجرد مسمي في البطاقة الشخصية فقط عند كتير من حملة اللقب

دا..حقيقي كلمة شهامة ورجولة ومروءة معاني انتفت من حياتنا او وجودها للأسف بقا نادر جداااااااااااااا

رجالة بجد .....

جيوكندة كتب:

انا هحكى احلى ذكرى مريت بيها فالكلية

كان اتحاد الطلبة عامل معرض للوحات وطبعا احنا معانا موهبة فظيعة اسمها بنت دمياط

طلبنا منها تشترك فالمعرض طبعا رفضت بس اعدت اغلس عليها لحد ما وفقت

اجت يوم تقديم اللوحات لقتها جاية متاخرة وندهت عليا وقالتلى انا عملت حاجة ونفسى تشوفيها

قوتلها خير لقيتها طلعت صورة تحفة غاية فالجمال الصورة دى تخيلة ايه

الصورة دى طلعت صورتنا البت اللئيمة طلعت رسمنا صورة جميلة جدا

يوم تعليق اللوحات وقفت من بعيد ارقب ردود الافعال

لقيت كل الناس مبهورة باللوحة

لدرجة ان اللوحة فازت بافضل لوحات المعرض

متتخيلوش احساسى ساعتها كان عامل ازاى

انا كنت سعيدة جدا وقررت ان الصورة دى تتعلق فى شقتى الجديدة

فعلا ربنا يخليكى ليا يا بنت دمياط وميحرمنيش منك ابدا

دى بجد احلى ذكرى فى حياتى

موقف جميل وصداقة موفقة بينكما ولما الصورة تتعلق فى شقتك الجديدة .. افتكرينا بالجاتوه والكنز

عمر كتب:

الكلية دي جتها على أني زائر ...اتصنعلي منها قصة , او قصص لكن منعت القصص دي إنها تتحول لأطلال أبكي عليها .

فى انتظار قصص الأطلال يا سير عمر

ما ينفعش كليه التجاره

كبير والله يا بربر أهنيك علي كل حاجه حلوه حصلتلك و انا مش موجود

ميدو .. وحشنى يا جميل .. أشكرك .. وعايزين نسمع حكاياتك