دوام الحال من المحال
والقصه دي بتدل علي الموضوع ده
مره واحد اسمه تامر متعود كل يوم يصحا من النوم يلاقي جنبه تحت كبايه اللبن 100 ج مصروفه من ابوه
مره صحا الصبح ملقاش ال 100 ج
ابوه قاله الظروف اتغيرت دلوقتي ومش هقدر اديلك كل يوم 100 ج مصروف
هديلك 100 ج في الاسبوع الواد قاله هعمل ايه امري لله
نزل الشارع ومعاه ال 100 ج بتاعه الاسبوع
وقال لازم اعتمد علي نفسي
ماشي في الشارع لقي ست عجوزه بتشحت وقول ساعدني ربنا يساعدك
فقال لنفسه لازم اساعدها علشان ربنا يقف جنبي واداها 20 ج
وهو ماش لقي واحد بينده ويقول انا اللي ببيع الكلام اشتري مني الكلام
قاله انت بتبيع ايه قاله انا ببيع الكلام علشان تعرف لازم تدفع 20 ج الاول
الواد حاول يعرف منه الاول بس الراجل مرضاش الا لما اخد منه 20 ج
قاله لو قابلت واحده حلوه متقولهاش انها حلوه ولو قابلت واحده وحشه متقولهاش انها وحشه
بعدها بشويه لقي واحد بينده ويقول انا اللي ببيع الكلام اشتري مني الكلام
قاله انت بتبيع ايه قاله انا ببيع الكلام علشان تعرف لازم تدفع 20 ج الاول
الواد حاول يعرف منه الاول بس الراجل مرضاش الا لما اخد منه 20 ج
قاله من امنك لا تخونه ولو كان هو خاين
الواد اخد الكلام ومشي
قال لازم اشتغل واعتمد علي نفسي
راح لواحد جزار قاله انا عاوز اشتغل عندك قاله ماشي
الواد تامر قاله بس انا عاوز انام هنا في الشغل
قاله انا معنديش مكان تنام فيه غير الزريبه دي واللي بيبات فيها مبيطلعش عليه نهار
الواد قاله ملكش دعوة انت انا هنام هنا متخافش
الواد وهو نايم بالليل طلعتله واحده حلوه اوي قالتله ايه رايك فيا
لو قابلت واحده حلوه متقولهاش انها حلوه ولو قابلت واحده وحشه متقولهاش انها وحشه قالها مش اوي
فاتحرقت
طلعتله بعدها واحده وحشه اوي قالتله ايه رايك فيا؟ قالها مش اوي فاتحرقت برضو
ونام تامر وصحي الصبح لقي نفسه في مكان غير المكان
لقي واحد ماشي بينده وبيقول بنت السلطان عاوزه عريس بنت السلطان عاوزه عريس
فقابل واحد قاله ايه الحكايه؟
قاله مش هقولك حاجه الا لما تديني 40 ج
اداله ال 40 ج وقاله ايه الحكايه بقي؟
قاله بنت السلطان عاوزه عريس وكل لما تتجوز واحد ميطلعش عليه نهار
الواد قاله طب انا عاوز اتجوزها
قاله الراجل طب انا هنصحك نصيحه
لما تتجوزها في ليله الدخله هتلاقي بطيخه اقسمها ل 3 اجزاء
وسابه ومشي
راح تامر اتقدم لبنت السلطان ووافقوا عليه
في ليله الدخله دخل اوضه النوم لقي بطيخه قسمها 3 اجزاء اكل جزء وهيا اكلت جزء
فطلعله ثعبان كبير جدا قام تامر اداله حته البطيخه اللي فاضله فاكلها التعبان ومشي ومظهرش تاني
طلع علي تامر النهار وبقي الناس مش مصدقين نفسهم
السلطان فرح بتامر جدا وقاله انت هتعيش معانا علي طول
بس احذر انت ليك عندي 3 خطاء في السنه لو عملتهم هموتك
قاله ماشي انا موافق ومش ممكن اغلط في يوم من الايام
وتامر ماشي علي شط البحر لقي سمكتين بيكلموا بعض
السمكه الاولي بتقول للتانيه ده في ناس هتبعت للسلطان هديه وفيها سم هيموته
ولو حد سمعنا وقال للسلطان ثلثه هيتحول دهب
الواد سمع الكلام جري علي القصر لقي السلطان بيستعد علشان يستقبل الضيوف
قاله ممكن تخليني انا اللي استقبل الضيوف وانت تستريح
قاله ماشي
راح تامر استقبل الضيوف واخد الهديه ورماها
السلطان عرف بس مكلموش علشان هيا اول غلطه
بعد كده بنت السلطان حملت وخلفت ولد زي القمر
واتكرر موضوع السمكتين مرتين
وكل مره تاخد تامر الهديه ويرميها ويخاف يقول للسلطان علي الموضوع يتحول تلته لدهب
فكده تامر غلط ال 3 غلطات بتوعه
جابه السلطان وقاله انت غلطت 3 مرات وكل مره تاخد الهديه ترميها
انا هقتلك علشان الغلطات دي
الا اذا
قولتلي انت كنت بتعمل كده ليه
الواد خاف من الموت
قاله اول مره كان في اتلهديه سم كان هيموتك
اتحول ثلثه لذهب
قاله تاني مره كان في الهديه قنبله هتموتك
فتحول ثلثه الثاني لذهب
وقاله وثالث مره كان في الهديه برضو سم هيموتك
فتحول تامر كله لذهب
السلطان زعل اوي علي تامر وقال يعني هو يعمل كل ده علشاني وانا اكون السبب في تحوله لذهب
انا لام اشوف حل ليه
راح لواحد ساحر كبير حكاله علي القصه كلها
الساحر قاله مفيشغير حل واحد انك تذبح ابنه تحت رجليه وهو هيرجع تاني بني ادم
الموقف كان صعب علي السلطان بس قال مدام تامر مش موجود ابه برضو ملوش لزمه
اخد ابن تامر وجابه تحت رجلين تامر وجاب سكينه ودبحه واطرطش الدم علي تامر
قام تامر صحي من النوم
ولقي ال 100 ج مصروفه تحت كبايه اللبن
كابوس مفزع صح؟
ههههههههههههههههههههههههههههههههههههههههههه
الأحد 3 يناير 2010 - 9:45
الحمدلله انه صحى من النوم 
