مشادات بين معتصمى "التحرير" وأصحاب المحال على فتح الميدان للمرور

الواحد فعلا اتخنق و بعدين دول مش كتير و مش ثورة عشان الواحد يشوف ليهم سبب للتواجد فى الميدان و لو على اهالى الشهداء ممكن يكون فيه حلول تانية للتواصل مع الحكومة غير كل شوية قطع طريق و اعتصام

اولا مستغرب من كلام شخصيات مفروض يكونوا مثقفين يقولوا كده
هوللو انتى مش فاهمة حاجة ولذلك افهمك
كلنا عاوزين الاستقرار والاستقرار لا ياتى بريموت كنترول انما ياتى الاستقرار عندما يعم العدالة الاجتماعية لما اشوف الضابط يحاسب محاسبة جيدة لوفعل غلط مش مجرد كلام فى الهوا
ياتى الاستقرار لما الاقي الاسعار ترخص بدلا ما الان ترتفع ارتفاع الاسعار
انا افتكر من 13 سنة لما كنت بلاقي الطبق البيض غلى نص جنيه مكنتش اجيب من المحل اللى غلاه ما ان الفرق بسيط جدا انما ده جشع من صاحب المحل
انتى بتقولى كلام ان يبقي فى استقرار احنا بقالنا 6شهور من ايام الثورة ما هى التغيرات التى حدثت؟
لن تجدى تغيرات ---طوابير العيش لازلت موجودة ووزير التضامن بيلطم على خده علشان يوفر السلع التمونية
المحاكمات بطيئة ولو كان مكان اى وزير شخص عادى عمل جريمة فساد كان اتعدم من زماان
الشرطة بتنتقم مننا بعد ما فعلنا بيهم افعال صعبة فلذلك مفيش امن
مبارك ومحاكمته اعتقد انها صورية
الاسعار بتغلي مش بترخص
فين التغيرات اللى حصلت يا هوللو ؟
وبلاش تكلم على حد فى التحرير اللى بيديقوا التعب علشان خاطر ارسال رسالة الى المجلس العسكري لتنفيذ المطالب مش انتى اللى تتريق على حد
مفيش ضابط شرطة كويس انا بيعجبنى ضباط فى النيابة انا اتعاملت معاهم وكانت معاملتهم افضل من ضباط الشرطة العادين قبل الثورة وبعده
مش من حقك تتريق على حد فى التحرير لانهم بيديقوا التعب والمشقة وسعتك قاعدة فى تكيف 4حصان
ولابد من تطهير جهاز الشرطة بالكامل

انا بقولك مثال بقول example اكيد عارفة معناها

على اساس انك عايشة فى المريخ مش عارفة الكلام ده؟

Hollo كتب:

اول ما الثورة بدأت فرحت جداااااااااااا وتحمست جدا جدا جدا
ولما قلنا مبارك يمشي وبعدين نتفاهم .... ونحاول نحل ونربط ....
اهه مشي ... طب وبعدها بقي .........
بس للاسف بقي احنا كل يوم بنثبت عن طريق شوية جهله اننا شعب مايملاش عنينا الا التراب
انا بجد بتحسر على اني بقول كده علي شعب انا منه ... شعب مصر اللي ف وقت الازمه كل الدنيا حكت عنه وعن عقله وصلابته وشجاعته .... بس نعمل ايه بقي لو كان فيه ناس سايقين فيها اووووووي ...
كلكو فجأه كده يا عالة الميدان بقيتو فاهمين كل حاجه ؟؟ كلكو بقيتو رؤساء جمهوريه؟؟؟ ولا كلكو ان شاء الله بتقسمو التورته وهي لسه ف فاترينة العرض؟؟؟ ده عايز ياخد الفاكهه وده عايز ياخد الفانيليا وده بقي مش هيرضي غير بالشيكولاته والاخ اللي هناك وراهم هيلم بقي الفتافيت بعد ما كله ياخد نصيبه ...
بالذمه ده كلام؟؟؟؟!!!!!!!!
للاسف ... التهور ده انتو هتكونو اول ناس هتشوف عواقبه .... لا بتدو فرصه لحد يركز ف مصير دوله بحالها ولا حتي بتدو فرصه لنفسكو عشان تهدو وتتصرفو بعقل اكتر من كده
عارفين يا جماعه ليه الكل خايف من شوية بلطجيه؟؟ عشان للاسف الشراسه بتغلب الهمجيه
زي بالظبط الاسد اللي بيهجم علي قطيع بقر بري متشرد ف كل حته ف الغابه ...كلهم بيجرو ادامه وهما لا شايفين رايحين فين ولا حتي هيجرالهم ايه....

مترجعوش بقي ترمو اللوم ع البلطجيه ومتنتظروش حتي من الجيش انه يحميكم .... لانكو لا مديين فرصه لنفسكم انكم تتحصنو بعقولكم ولا حتي مديين فرصه للجيش عشان يحميكم من البلطجيه ...

طبعا في ناس هتقوللي ...مانتي لو كان استشهد هناك حد يخصك مكنتيش هتكتبي حرف واحد من ده ...
ساعتها بقي الرد الواضح والصريح ان زي ما شعب بريء مات في شعب برده الله اعلم بقي كان شهيد ولا...... وزي ما في ناس من الشرطه ماتو وكانو يستاهلو فعلا القصاص ...في برده ناس من الشرطه ابريــــــــاء راحو ضحية لجهلكم وقلة وعيكم .... يا ريت بجد نفوق ونعرف نكون ثوار حق

ربنا يهدي الجميع