عملت ايه فى الكلية النهاردة ...موضوع متجدد

نور راحت النهاردة واحنا تالتة ورابعة زى ما احنا فى الكلية مش هنتنقل وجغرافيا وفرنساوى هما بس اللى هيتنقلوا

هى فى تالتة هتاخد 3 مواد بيديها دكتور عبد الله زكى و 2 دكتولر حواس وواحدة بس دكتور اسلام ودكتور اسمه انور برده هيديها مادة

بتهيالى ان احنا برده هيدينا نفس الدكاترة وبتهيالى برده هيبقى فى تواجد قليل اوى من دكاترة المنصورة...

ده توقعى بس لسة الصلراحة ما شوفتش الجدول لو حد شافه يبقى يقول

عامة كان فى النهاردة زحمة فى الكلية بتهيالى برده سنة اولى

ده اللى عرفته من نور انا عن نفسى ما نزلتش النهاردة

والله يا عمر كانت زحمه جدا وممله بس الحلو فيها الناس اللى كانت موجوده وطبعا الاقسام اللى اتنقلت جدولها هيبقى فى دمياط الجديده بس كله تمام يا فندم والامن مستتب

smile كتب:

نور راحت النهاردة واحنا تالتة ورابعة زى ما احنا فى الكلية مش هنتنقل وجغرافيا وفرنساوى هما بس اللى هيتنقلوا

هى فى تالتة هتاخد 3 مواد بيديها دكتور عبد الله زكى و 2 دكتولر حواس وواحدة بس دكتور اسلام ودكتور اسمه انور برده هيديها مادة

بتهيالى ان احنا برده هيدينا نفس الدكاترة وبتهيالى برده هيبقى فى تواجد قليل اوى من دكاترة المنصورة...

ده توقعى بس لسة الصلراحة ما شوفتش الجدول لو حد شافه يبقى يقول

عامة كان فى النهاردة زحمة فى الكلية بتهيالى برده سنة اولى

ده اللى عرفته من نور انا عن نفسى ما نزلتش النهاردة

اعتقد ان دكتور زكى هيدي دراما وادب كلاسيكي وشعر
ودكتور حامد لغويات ويمكن تحليل نصوص
اسلام ممكن ادب عالمي مقارن
بالتوفيق
ده توقعي

هدير محمد الدبسى كتب:

والله يا عمر كانت زحمه جدا وممله بس الحلو فيها الناس اللى كانت موجوده وطبعا الاقسام اللى اتنقلت جدولها هيبقى فى دمياط الجديده بس كله تمام يا فندم والامن مستتب

ربنا يوفقك يا هدير

دكتور انور يا سمايل جديد

ربنا مع الرجالة

انا لسه راجعه من شويه والكليه كانت فاضيه خالص وكان في مححاضره لانفلونزا الخنازير بس طبعا محدش مهتم وطنشت نقلت الجدول وكان جميل وخفيف
بعد كده قابلت شيمو وهوللو وقابلت ناس وبنات كتيره من المنتدى وفرحت جدا والله اني شفتهم
بحبكم يا احلى اصحاااااب
الحرس بقى بيقولو ان المحاضرات هتبدا السبت الجاي
وناس زمايلي بييقولو ان 2 انجلش هتبدا يوم الاربعاء
انا بصراحه تهت ومش عارفه اعمل ايه
عموما انا قضيت يوم جميل مع الناس الحلوه اللي ف المنتدى
ولنا لقااء اخر

كان يوم ميعلمبو الا ربنا الكلية كانت فاضية
الناس الحلوة قعدة فى الخلف

بس على العموم احنا وراهم والزمن طويل
انا اعتقد ان التشديد على البوابة سيستمر
وانا بصراحة مدايق لان اصدقائى معظمهم انتساب
وشكل السنة دى هتبقا مهلبية بالمكسرات
كان يوم وحش من اسوء ايامى فى الكلية

انا روحت النهاردة الحمد لله وقابلت شيمو وهوللو وستوب وسويتي ياسو وايه واوكي دوكي وتومورو وفلة وكويين اليزابيث وفان وفرحت اوي اني شفتهم وحضرت محاضرة انفلونزا الخنازير بس ما استريحتش بصراحة للدكتور اللي بيديها

اما اكتر حاجة ضايقتني هو جدول الترم ده لان دكتور زكي هيديني تلات مواد ودكتولر حواس مادتين وده معكرلي مزاجي خالص....شكل الترم ده مش هيعدي على خير

مكنش فيه جديد و الكليه كانت بتلمع مشفتش حد غير صحابي بس ....،،،

خلطبيطة
خالص
ربنا يكون فى عونهم
اللى شفته النهاردة فى الكلية لا ينبىء بخير
ربنا يكون فى عونكوا

وقائد جديد للحرس مشدد جدا على الدخول والخروج وهو نقيب (شايف نفسه )
ومانع كل انتساب وان يروحوا الجمعة
حمبالايظ كتير

انا روحت وفعلا قرات ان انتساب ما يحضروش غير ايام الجمع....ده اللى كان مكتوب
و فعلا كان فى تشديد ع البوابة ..برده تشديد على ان انتساب ما يدخلش

اجدول اعلام لسة ما نزلش ..انا دورت على رابعة اعلام لواحدة صاحبتى فمالقتوش
و نقلت الجدول


السبت
حضارة دكتور حمدى شاهين

الاحد
شعر دكتور انور
لغويات دكتور حامد حواس
دراما دكتور زكى عبد الله

الثلاثاء
ادب كلاسيكى دكتور انور

الاربعاء
نقد نظرى وتطبيقى دكتور محمد عبد الوهاب

الخميس
رواية دكتور اسلام

و كان فى المفروض النهاردة عندنا محاضرة بدرى ودكتور كان عاوزها الساعة 8 ....دى محاضرة الشعر...مش عارفة ليه تبقى بدرى كده

كان فى محاضرة عن انفلونزا الخنازير الجزء التانى يوم الخميش واللى عاوز يحضر فى تربية يوم الاربعاء الساعة 11 ممكن
و الدكتور اللى كان بيديها قال انه هيرفع تقرير عننا لان حضورنا كان قيل و كان فى كلام فى المحاضرة دى

ده اللى شوفته فى الكلية النهاردةو شوفت اعضاء من شباب بجد واحلى سلااااااااااام ليهم كلهم

عندكم دكاترة جداد
منهم د عبد الوهاب
د انور
والغريبة ان مفيش د اسماء
ولا د سوزى عبد المنعم
ولا د علي مصطفي
معنى كده ان فى تنقلات بالنسبة لطلبة سنة رابعة لقسم انجليزي
ربنا يوفقكم يا سمايل

كان يوم وحش جدا
روحنا ولقينا نتيجة الاقسام بانت رحنا ندور لقيناهم معلقين الكشوف
وادور على اسمى فى انجليزى الاقى انجليزى قفل على 42 ونص وانا جايبة 42
ولقيت اسمى فى كشوف اجتماع لانى جايبة فى الاجتماع الدرجة النهائية
وكانت مفاجاة زى الزفت على الصبح
رحت قدمت طلب تحويل لانجليزى واتمنى ان اعرف احول

مبروك يا جميل على القسم وبوصى يا نهى تدريب ميدانى دا الدكتور محمود او الدكتورة حمدية بيحددوا معاكوا اما هيكون محاضرة عادية فى الكلية بس بيجى محاضرين من خارج الكلية ممكن مدير بنك او هيئة وبيعطيكوا المحاضرة والدكتور محمود او الدكتورة حمدية بيحددوا الميعاد والمكان وبتدوينى كل الى بيقولوا المحاضر لحد متاخدى الكتاب او بيبقى زيارة ميدنية للهيئات او ملجا او مؤسسة بس بتتقسموا وكل مجموعة هتروح مكان مختلف وبيحضر معاكوا دكتورمحمود او الدكتورة حمدية والمسئول عن الهيئة بيتكلم عن الهيئة واعمالها وبتكتبى برده المحاضرة دى لحد مهاتخدى الكتاب والدكاترة هيقولولك هتعملى ايه وهتكتبى ايه فى الكتاب وفى النهاية ليها امتحان شفوى وبتتقسموا برده وبياخدوا الكتاب منك بس كده سهلة يعنى ولو ليكى اى سؤال او استفسار اسـألى ؟

لا ولا حاجة يا جميل والله بس انتى عندك محاضرة للدكتور محمود او الدكتورة حمدية قبلها هما هيقولوا لو معندكيش روحى قسم اجتماع واسالى دكتور محمود او الدكتورة حمدية وهما هيقولولك بس تقريبا التدريب الميدانى مش هيبتدى الوقت الا لما الدكاترة هما الى هيحددوا الميعاد لان ساعات مش بيبقى فى الميعاد الى مكتوب فى الجدول مواعيد تانية الدكاترة بتقولها يعنى مفيش قلق وهو مش هيبتدى الوقت بس برده اسالى الدكاترة هما الى بيحددوا ممكن يبتدى على طول وممكن لسه
اى سؤال انا موجودة

ميرسى اوى يا نمنم
انا مش عندى اى حاجة فى الجدول بكرة ان شاء الله
بس عندى يوم الاتنين من الساعة 8 التدريب الميدانى دة اروح بكرة ان شاء الله اسال ولا اروح الاتنين على المعاد
وهوة ممكن الجدول يتغير فجاة كدة
اصل انا رحت النهاردة ومش خدت حاجة يعنى ممكن ياخدوا حاجة بكرة ان شاء الله