عملت ايه فى الكلية النهاردة ...موضوع متجدد

النهارده قابلت أصحابى و قعدنا نتكلم
و الجو اتغير قلت الحمد لله .. و أخيرا هتمطر
فضلت قاعدة مستنية المطر ما جاش و الشمس طلعت تانى عادى خالص
و لما وصلت البيت اكتشفت ان محدش فينا فكر يبص ع الجدول

د حامد حواس هيكون معه مادتين ترجمة وتحليل
والخبر اكيد

هههههههههههههههههههه
معلشي يا فريكيكوا أنا قلتلك متستنيش المطر اللي عايزك هو اللي يجيلك
انتي اللي عملتي كده في نفسك
علي العموم خيرها في غيرها (بحبك)

أما أنا النهارده قابلت اصحاب كتير مكنتش شوفتهم من زمان
وكان يوم يعني مش بطال
بس الكليه مكنش فيها حد كتير
وكمان مخدناش محضرات

مفيش جديد
شفت اصحابى بس
مفيش محاضرات

النهارده كانت الحاجه المفيدة الوحيدة اللى حصلت هى المطر
قابلت أصحابى و فضلنا قاعدين لحد الساعة 1 و نص نستنى على أمل
وفى الآخر ماخدناش أى حاجه .. و كالعادة محدش عارف و لا فاهم حاجه
آى نعم أنا اتبسطت م المطر بس بما انى مطبقة من امبارح
فالتركيز بقى منعدم تقريبا و متغاظة عشان خرجت و ماخدتش ربع محاضرة حتى
الناس دى مش عايزة تحترمنا أبدا

يا تري احنا هيكون عندنا احتفال زي باقي الكليات ؟؟؟؟؟

ولا احنا مش كليه!!!!!

محمد منصور كتب:

stop كتب:

يا تري احنا هيكون عندنا احتفال زي باقي الكليات ؟؟؟؟؟

ولا احنا مش كليه!!!!!

هههههههههههه
الأحتفال ده اتحول لمظاهرة كبيرة و اتقبض على ناس فى القاهرة النهاردة
ول و اخدنا الكلام ده فى الأعتبار
يبقى احنا اكيد...اكيد...مش كلية

امممممممممممممم كويس والله

رحت الكلية إمبارح وكان يوم جميل شوية , قابلت ناس كنت عايز أقابلهم , وشفت وجوه مألوفة , والترم دا أنا متفائل خير إن شاء الله

انهارده قابلت 3 بنات من الي معانا علي المنتدي لسه أول مرة أشوفهم

نور العين ومنه الله و nicegirl

كان يوم ظريف بس الجو كان برد جدااااا

رحت الكلية والحمد لله وربنا يستر كان فى محاضرة للدكتور زكى عبد الله للفرقة الرابعة والفرقة التالتة
وكان يوم سىء لان نتيجة صاحبى كانت مدمرة وكانت سيئة للغاية
وانا زعلان جدا عليه لانه كان كويس
يالا ربنا معاه

الكلية النهاردة كانت مش ولا بد , رحت مارست نشاطي المعتاد في الجنينة اللي ورا الكلية .

محمد منصور كتب:

محمدسميرهجام كتب:

يوم جميل جدا
اخيرا هنعمل الحفلة
اخدنا الموافقات وظبطنا التظابيط
منتظرينكم يوم الاتنين ان شاء الله
اللى يعرف ييجى ببدلة ييجى
منصور مستنيك بالكاميرا بتاعتك يا كبييييييييييير

جاىىىىىىىىىىىىىىى بأذن الله يا كبير

ههههههههههههه كاميرا ...ويا ترى كاميرا أبيض وأسود ولا ألوان . عايزاك تصور كويس الحفلة وهي بتبوظ ....

النهارده كان يوم حلو أوي لأن كان كل اصحابي موجودين
بس الجو كان برد ومطر. وبرده صممنا ان احنا نفضل قاعدين مع بعض

النهارده كان يوم جميل
دكتور زكى بدأ النهارده
الكتاب لسه طبعا ما نزلش و أكيد طلبة انجليزى عارفين كويس يعنى ايه محاضرة
لدكتور زكى من غير الكتاب ........ بس أدينا بدأنا حاجه
الجروب بتاعنا كله كان متجمع النهارده و اتكلمنا و ضحكنا كتير أوى .. ربنا يستر
و أحلى حاجه طبعا انها مطرت عليا و أنا راجعة البيت

النهارده الجو كان ممل شوية
د/ أسماء بدأت .. المحاضرة الأولى الحلوة اللى كلامها قليل دى
و كان فيه محاضرة كمان لد/ أحمد فهمى بس أنا زوغت
الجو كان حار و تعبت
لما حد تالتة انجليزى ييجى بقى يبقى يعرفنا المحاضرة
اتاخدت و للا ايه