بنت دمياط

mido_moony كتب:

احب اعرفكم بنفسي الاول

(احم احم)

اخوكم في الله احمد محرم - التركي -
من المنصوره
كلية اللغة العربية قسم التاريخ والحضارة الفرقة الثانية - ادعولي اتخرج منها يااااارب
سني 21 سنه - طبعا بالنسبه ليكم المفروض اكون مخلص بس الحظ الازهري بقي

ياريت اتشرف باساميكم لو مفيش مانع عشان ماحبش الاسماء المستعاره والكلام ده

تقبلوني كاخ ليكم

طبعا انتا بالتأكيد أخ عزيز لينا نتشرف بمعرفته..

بس احنا عموما وبالرغم من اننا اخوات حقيقي وبجد..بس محدش مننا يعرف التاني

ولا حتي اسمه..ودا افضل للجميع..

احنا يهمنا ان الموضوع لا يتحول لشات..لأن انا واحدة من الناس لو حسيت بكدة

هخرج من الموضوع فورا...

اعذر كلامي ..بس انا افضل الموضوع يفضل زي ماهوة ..زي الصالون النقاشي

اللي بنطرح فيه أي موضوع للمناقشة

أهلا بيك معانا ..وفرحانين والله بوجودك..ويارب متزعلش من كلامي

اهلا بيك خالد واحمد تشرفت بمعرفتكم والله

وبالنسبه للاخوات البنوتات اعتبر اساميهم المستعاره كدليل علي شخصياتهم الرقيقه وتشرفت بيهم بردك اخوات فاضلات

بس فين باقي الناس ؟؟؟؟؟؟ مكسوفين ولا ايه ؟

متيجو نتكلم فى حاجه مفيده
حد يقترح حاجه

اهلا بيك احمد بدوي واعتبرك اخ صغير انا اخويا الصغير سنه 18 سنه بردك

ايون كده عايزين همه ونشاط

طب سلملي عليه طالما طلع في نفس سني

انا عندي اقتراح ويارب يعجبكم ...

ممكن كل واحد فينا يقول حاجه كان بيتمناها ومحصلتش ويتمني لو يرجع بيه الزمن ويحققها
وحاجه بيتمني يحققها في المستقبل ان شاء الله

ونحاول نساعد بعض ازاي ممكن كل واحد يحقق حلمه ده

ماشي اقتراح حلو ياميدو يامقطقط

ياللا ابدئو انتم

ههههههههههههههههههههههه


يا ما اتكلمنا فيه والنبي بلاش نقلب فى المواجع ولا ايه يا هالك

لو اتكلمتم فيه اعتبرونى مش موجود

وبعد ما تخلصوا انا موجود

لأة ماليش دعوة هتتكلمو يعني هتتكلمو

ولا عاوزين ميدو المقطقط يزعل

انا مثلا كنت اتمني ان يرجع بيا الزمن ومايحصليش اللي حصل من تعب في امتحانات 3 ثانوي
واني ادخل الكليه اللي كان نفسي فيها

واتمني في المستقبل اني اتخرج من كليتي والاقي شغلانه محترمه وتوين اسره مسلمه سعيده
يااااااااااااااارب

انا مع البارون

انا اولا معترض على فكره البكاء على اللبن المسكوب اما فأمنياتك فى المستقبل فربنا يوفقك وتتخرج وتلاقى بنت الحلال

سبحان الله انا موقفي زي موقف ميدو بالظبط

كنت في ثانية ثانوي وكنت قسم علمي وكان حلم حياتي أدخل هندسة

واخد بالك ياهالك كنت هبقي منافس ليك وزميلة

وبعدين قبل الامتحانات بأسبوع حصلي انتكاسة صحية

فعلا عمري ماعييت بالشكل دة ..وطبعا معرفتش أركز لا في مذاكرة ولا في امتحانات

وجبت مجموع سيء جدا جدا..بجد اياميها كنت حاسة بالقهر..بس فوضت أمري لله

وحولت أدبي..بس مجموع تانية فضل مأثر معايا..ودخلت آداب

ولسة فاكرة يوم مادخلت الكلية أول مرة كنت لابسة نضارة شمس بداري بيها دموعي اللي مكنتش قادرة أكتمها

من حزني عالمصير اللي وصلت ليه....

بس سبحان الله داخل كل محنة منحة...ربنا وفقني جدا في الكلية وبطلع الأولي كل سنة الحمدلله بتقدير عالي

وبحلم اتعين معيدة فيها..وحتي لو ماتعينتش ..هكمل دراسات عليا لأني عاشقة مجال دراستي

هههههههههههههههههههههههه
ياجماعه المنتدي هيس معايا ع الاخر
الموضوع فيه 40 صفحه وكل لما ارجع صفحه تبقي هي الاخيره ومش لاقي كلام غير كلامي بس
هىهىهىهىهى ايه التهييييييس ده

انا مع هالك

اقفل المتصفح وافتحه تاني

ولو عندك الجوجل كروم اشتغل بيه ..بجد هوة معايا تحفة

يارب يا قطقوطه ربنا يوفقك ان شاء الله وتحققي حلمك يارب

وانا ياهالك ويابارون مش قصدي البكاء علي اللبن المسكوب او اننا نتالم من القديم
انا قصدي نتعلم من اخطانا ونحاول نساعد بعض لتحقيق ما نتمني في المستقبل

وعادي ياجماعه خدوا الامور ببساطه كده

والله يا جماعه حكايه ظروف الثانويه العامه
دي كلها نصيب والواحد ميعرفش الخير فين
اجمل حاجه فى الوجود الرضا بالقضاء والقدر
وعلى فكره يا بنت دمياط مكنتيش هتعرفى تعملى معايا حاجه
كنت هعد اغششك بقه فى الامتحنات
واكتبلك المحاضرات
لا دانتى اصغر صحيح
كنتى هتخدى منى المحضرات واللوح واعد اشرحلك
كنتى هتتعبينى على الاخر فكده الحمد لله
ولو مكنتيش دخلتى اداب مكنتيش هتتعرفى علينا

وانا مع البارون وهالك

مع احترامي لهالك وبارون

أنا مش معاكم..ذكرياتنا المؤلمة هي سر نجاحنا في المستقبل وأساسه السليم

هحكيلكم علي موقف..كنت في سنة أولي كلية..وطبعا كنت بكره الكلية جدا

ومبذاكرش وأقصي تقدير بجيبه جيد وبالعافية كمان

كنت أياميها متصاحبة علي خالتكم فزلكة ..منها لله بقا كانت سبب فشلي

والله العظيم كانت يوميا تكلمني ليلة الامتحان تعيط وترغي مدة طويلة تخليني معرفش اذاكر حاجة نهائي

وبعدين آخر السنة احنا الاتنين جبنا جيد بالعافية

لقيتها بتقولي بمنتهي البرود..انتي السبب في فشلي..انتي بتضلليني ومش بتخليني أذاكر

يوميها بسبب كلامها حسيت بمرارة واهانة فظيعة..

سبتها فورا وبعدت عنها..بس حطيت فدماغي اني لازم اكون أحسن منها

ولازم اكون علي عرش عالي متقدرش توصلو ابدا..وفعلا ربنا أكرمني

والحمدلله بقيت علي عرش وبطلع الأولي كل سنة وهية بقت نكرة

المهم انا

كل مافتكر الموقف دا بحس انو بيعطيني دفعة كبيرة للانجاز

mido_moony كتب:

يارب يا قطقوطه ربنا يوفقك ان شاء الله وتحققي حلمك يارب

وانا ياهالك ويابارون مش قصدي البكاء علي اللبن المسكوب او اننا نتالم من القديم
انا قصدي نتعلم من اخطانا ونحاول نساعد بعض لتحقيق ما نتمني في المستقبل

وعادي ياجماعه خدوا الامور ببساطه كده

صح بس فيه فرق كبير بين نتعلم من اخطاءنا والقضاء والقدر

ايام ثانوي
يااااااااااااااااااااااااااااااااااااااااااااااااااااااااااه





ربنا ما يعودها عليا تاني

تصدق صح ياهالك لو كنت دخلت هندسة أكيد مكنتش هسمع عن المنتدي

ولا كنت هتعرف بأحلي اخوات فالدنيا

الحمدلله ياااااااااه والله دا انا قبلكم كنت قردة وحيدة في أدغال كينيا