بنت دمياط

هو انا مش باعترض علي القضاء والقدر
ايه يا عم خالد انته هتوديني لفين ؟ انا شكلي اتفهمت غلط ولا ايه

بيقولك ايه الفرق بين القضاء والقدر والمصيبه؟
القضاء والقدر لو حماتك واقفه في البلكونه ووقعت والحمد لله
انما المصيبه لو طلعتلك تاني

دى بقي صحوبيه البنات

انما الرجاله والله ابدا ما يتعوضوا

يكفى بس لو فى حاجه مش فاهمها باروح لسنايبر ومش مهم هو ذاكر ولا لا انما بيحاول يفهمنى عل قد ما يقدر

وبرضه
اذا كان ححد فى الشله محتاج اى حاجه والله لو ليله الامتحان بنبقي موجودين كلنا مع بعض

ياسلام ياقطقوطه مين قالك كده ؟

مانا من المنصوره وفي الازهر ولا ليا اي علاقه بالمنتدي ولا كنت اعرف اي حد من المنتدي
واهون انا معاكم اهون واتعرفت علي ناس محترمين واخوات زيكم

الف شكر يا كبير

والله انت اللى محترم وتشرفنا بمعرفتك

أوكي سيبونا بقا من الذكريات المؤلمة

تعالو نتكلم في موضوع يشبع عقولنا..يعني موضوع يكون شيق ومهم جدا

وحشتني المناقشة الموضوعية معاكم

طب تعالو نعقب علي كلام بارون عن الصداقة..

هل صداقة البنات أقوي ولا الشباب

ولو حد عندو حاجة تانية يقترحها

هووووووووب استوووووووووووووووووووووب
انا قررت وقراري لازم يتنفذ بعامل فرق السن

كل واحد فيكم لازم وشئ اجباري يقول نكته

عشان انا زعلت وعايز اضحك

شكرا ليك بارون بس هو الموضوع ان حتي لو الواحد مش محترم يبقي لازم غصب عنه
لما يلاقي ناس محترمه زيكم كده لازم غصب عنه يكون محترم وسطهم

انا موافقانا شايف ان صداقه الولاد الرجاله
فعلا ادوم وابقى ممن صداقه البنات
والكلام ده بأدله وبراهين شوفتها قدام عينى
يعنى مثلا لو بنت غلت من بنت مستحيل تبص فى وشها تانى وساعات بحس انهم بيحاولو يوصلو لنقطه فراق على عكس الولاد بيحاولو يوصلو لنقطه اتفاق

الله يخليك

بصوا يا جماعه كان نفسي اطول لكن معلش

سلام يا بنوته

سلام ميدو

واحلى سلام ومعاه احلى كلام لحبيب قلبي هالك

ورايا شيت هاحله كده واشوف برضه شويه حاجات ورايا وبعدين اصلى الفجر باذن الله وانام

تصبحوا على الف خير

مبررررررررررررررررررروك للاهلى

وانت من اهل الخير والصحه والسعاده يا حبيب هارتى

وانا راى زي هالك
تمام يا ريس

صدقني ابدا

انا بحس ان صداقة البنات اقوي بس نادرا

يعني انا واحدة من الناس اتصاحبت طول عمري علي صحبات كتير

بس فالآخر طلعت بصديقة واحدة اللي هيا جيوكندة ربنا يخليها ليا

انتا عارف بحس كدة ان اي شلة شباب ماشيين مع بعض ..بيكونو سطحيين في صداقتهم

بدليل ان اول حاجة بيفكرو فيها لما يلاقو واحدة معدية قدامهم..انهم يحسنو هيأتهم ويتسابقو

في الظهور باحسن صورة..بصراحة بحس انكم بتغيرو من بعض

اعتقد ان البنت بطبيعتها لما بتتجوز مع مرور الوقت بتبعد نسبيا عن صحباتها
الولاد بقي سواء اتجوزوا ولا ايه حصل صداقتهم ما بتنتهين الا بشئ قاهر او مع مشكله كبيره جدا
وده انا شوفته بعيني محدش قاللي

انتوا لسه قاعدين ليه
قوموا ناموا بقا كفايه
كده
ولا انتوا اجازة بكره
عموما تصبحوا على خير
سلام

وانتا من اهل الخير يابارون..استني خد وردتك البيضا قبل ماتمشي

ياللا احلام سعيدة

هههههههههههههههههههههههه
بس مش كل الناس يابنوته

وانت من اهل الخير يا بارون

وانا كمان عندي شيت هيتسلم بكره
تصبحوا علي خير

موضوع ان الصداقة تقل تدريجيا بعد الزواج..دة بيرجع لقوة روابط الصداقة بين البنات

يعني لما تلاقي الروابط قوية صدقني مش هتفرقها الأيام

بس ايه رأيكم في موضوع الغيرة دة..صح دا طبع فيكم؟؟؟؟؟؟؟؟؟؟؟؟

ايه ياجماعة وفانتوم كمان ماشي

طب ايه هفضل لوحدي ..عموما انا معاكم لغاية الساعة 2

وهمشي بعدها واسيبكم تناموا يادجاج ابيض

تصبحوا علي الف خير يا نوامين

انا بقي اعد للفجر اللي اعد معايا يرفع ايدوا

على فكره الموضوع نسبى الى حد ما بيتحكم فيه اختلاف الشخصيات وانواع تربيتهم
وقليل جدا لما يتحكم فيه نوع البشر او جنسهم
بس على فكره يا بنت دمياط انا وشلتى عمرنا معملنا كده ولا قدام بنت ولا قدام ولد

بالنسبه لموضوع الغيره فلازم تكون نسبيه يعنى زيادتها غلط جدا وممكن يؤدي الى مشاكل كبيره قلتها مشكله اكبر لانها ممكن تؤدي الى تسيب

والبنات على فكره اكثر غيره من الاولاد

فعلا ياهالك انا معاك ان الموضوع نسبي

واكيد كل واحد فينا هيشوف الموضوع من وجهة نظره كولد أو كبنت

طب ليه بتلاقي شلة الولاد كبيرة ..مهو بصراحة كل مازاد عدد الأصدقاء كل ماقلت الروابط بينهم

وزادت المشاكل

يعني ليه مثلا قليلا مابنلاقي اتنين أصحاب ولاد بس ..بتهيألي دا بيزود الروابط وبيقلل المشاكل