بنت دمياط

بصى علشان نكون واضحيين
انتى هتركبى المنصوره من رأس البر ولا من تحت الكوبرى؟؟؟؟؟؟؟؟
ولا من عند البندر؟؟؟؟؟؟

ايه دا هوة فيه عندنا موقف للمنصورة من راس البر

والله اول مرة اعرف بص قولي الطريق الصح واركب منين ياهال

عشان انا تصورت اننا هاخد عربية من هنا تنزلني الكوبري ثم اخد مواصلة تانية تنزلني المنصورة وبعدين التاكسي

لكن اول مرة اعرف ان فيه تلات طرق

طب الموقف اللي في راس البر دا اخده من شارع كام مثلا

الموقف اللى ف رأس البر انا مش عارف الشارع بس هو هواه الموقف العادى اللى بنركب منه دمياط والمطرى والحتت دى

بصى يا اختى لو ركبتى من رأس البر المنصوره هتوصلى موقف طلخا اللى هو بره البلد خالص ولازم هاتخديله تاكسى
__________________________________________________________
لو ركبتى من تحت الكوبرى قدامك اختياريين يا تركبى المنصوره وهتنزلى فى نفس الموقف بتاع طلخا

-------------------------------------------------------
يا لو رايحه الصبح بدرى خالص بيبقى فيه مواصله اسمها الجامعه بتوديكى عند جامعه المنصوره(بس خلى بالك جامعه المنصوره فى حته واداب فى حته تانيه خالص)(بيقولو باعدينها عن الجامعه لانها لواحدها مصدر فساد)(شارع كليه اداب فى المنصوره اسمه شارع الزحلقه)
المهم
_____------------------------------------------------------
لو هتركبى بقه من عند البندر هتوصلى فى حته تانيه خالص اسمها الاتوبيس الجديد
وبرضه هتركبى تاكسى يوديكى الكليه
بس منصحكيش بطريق البندر لان ساعات بيصادف انه بيروح من على الزراعى لان فيه ناس بتبقى نازله الزرقا وكده وبيطول والطريق كله مطبات
____________________________________

فساد وشارع الزحلقة

يانهار اسوح واسود عموما ياعم اهم تلات سنين يعدو بالطول والعرض

بس انتا عرفت المعلومات دي منين شكلك كدا روحت تزلجت(اتزحلقت) في شارع الزحلقة قبل كدا

عموما بجد انا بشكرك اوي وانا طبعا هختار طريق راس البر واروح منو

يااااااااااااااااااااااااااه وربنا مانا عايزة امشي

بس للاسف لازم اقوم دلوقتي عشان اجهز وكدا والملم ورقي

بقولك ياهالك ماتيجي معانا نكمل رغي في الطريق

بجد فرحانة اوي اوي بالدقايق اللي رغيتها معاك

فكرتني بأحلي ايام يااااااااااااااااارب تعود تاني

أحلي سلام ياهالك والي اللقاء عشان اكيد لازم اقولك نتيجة المشوار والمغامرات والعجائب اللي هقابلها

مع تحيات

زميلة الكفاح الاجرامي السندبادة بنت دمياط

هههههههههههههههههههههه
لا اصل جدتى ساكنه فى شارع الجلاء اللى هو جنبالشارع ده على طول
المهم تروحى وترجعى بالسلامه
ومتنسيش تحكيلنا مغامراتك
ههههههههههههههه
الى اللقاء
زميل الكفاح الاجرامى(علاء الدين والمصباح السحرى)هلك

ايه ده لا اصدقي عينى
بنت دمياط

يا دى نور يا دى نور المنتدى منور بوجودك
ربنا يوفقك فى المشوار فى المنصورة وخلي بالك من المنصورة اصل المنصورة زحام شديد جدا
بس انا لو بدلا منك معملش ماجستير فى المنصورة
ليييييه
لاننا ارجع تانى للدكاترة المنصورة اكون شفت 4 سنين بلاوى من اغلبيتهم ارجع تانى ليهم
اخد ماجستير من القاهرة علشان اهرب منهم
انتى عارف ان اغلبية دكاترة المنصورة وحشين
على العموم ربنا يكرمك ويوفقك وترجعى الى دمياط سالما الينا لانك علامة من علامات دمياط وعلامة مهمة وحيوية للمنتدى
فخلى بالك من نفسك يا بنت دمياط
وربنا يعينك على مشوار المنصورة
ووالدتك واخويك خايفين عليكى
اى ام بتخاف على بنتها خاصة لو عندها بنت امورة جميلة محترمة اسمها بنت دمياط
والاخ بيخاف على اخته
فربنا يكرمك وكل دعواتى انك توفقى فى عمل الاوراق لماجستير وباذن الله تكونى استاذة دكتورة بنت دمياط وان شاء الله لو عندى عيال اقولهم اختكم اللى باحترمها بنت ددمياط موجودة فى كليتكم
اوعى تنسي الحريف واولاده يا دكتورة يا كبيرة
خلى بالك من نفسك يا بنت دمياط
وطمنينى عليكى

ربنا يخليك يابروف ايه ياعم الكلام الكبير الجميل الكومبو دا

والله ما عارفة اقولك ايه يارب استاهل ربع الكلام دا واطلع عند حسن ظنك يارب

بس فيه ملحوظة انتا هتقول لأولادك دي اختكم بنت دمياط ايه ياعم هوة انتا هتكبر وانا اللي الزمن هيحلف ماهو ماشي بيا

بص تقولهم دي خالتهم بنت دمياط ولا ايه؟؟؟؟؟؟؟؟؟؟اقولك خليهم ينادوني باسمي علطول اصل انا بحب العيال الصغيرة

تناديني باسمي عشان اعرف العب معاهم لأن لو احترموني وقالولي طنط مثلا هتبقي غلاسة مني لو لعبت معاهم

أما بالنسبة للتسجيل في آداب القاهرة فأنا فعلا فكرت في الموضوع دا خصوصا ان رئيس قسم اجتماع بآداب

القاهرة كان استاذي الدكتور علي المكاوي والحمدلله انا اعرفه وهوة يعرفني كويس وعلاقتي بيه جيدة جدا

بس المشكلة ماما هية اللي لو طالت تخليني اسجل ماجستير في مول حسان اللي جنبنا هتخليني اسجل

بجد هية استاءت اوي من عدم وجود دراسات عليا في كليتنا وكان البديل الاوحد عندها والاقرب مكانا

هوة آداب المنصورة..كمان فيه حاجةاحنا الحمدلله دكاترة قسمنا ناس كويسين جدا ومش زي الفكرة اللي انتو

واخدينها عنهم خالص وطبعا انا بستشير استاذي الجليل في كل شيء في حياتي وهوة اللي اشار قالي اسجل في المصورة عشان ابقي تحت رعايتهم واشرافهم

وعموما ربنا اللي بيوفق مش البشر وانا مسلمة امري لله ومتوكلة عليه وكمان عندي ضمير في المذاكرة فواثقة اننا هقدر اوصل لهدفي باذن الله

هحكي بقي نبذة مختصرة عن مغامراتي

طبعا بدايتا بشكر العزيز والغالي هالك لأنو اول واحد يقولي علي معلومة ان فيه موقف هنا في راس البر

فأنا طلبت من ماما نروح النهاردة مواصلات وبلاش اخويا يودينا بالعربية المهم ركبنا من 51 عربية للمنصورة

وبجد الناس الللي كلياتها في المنصورة دي ليها الجنة حقيقي الطريق طوييييييييييييييييييييييييييييييييييييييييل

وفي منتهي الملل دانا كنت هنام والله..بس الحقيقة الطريق امان والناس الراكبين طيبين ومتعاونين جدا

والسواق بردة كان راجل طيب بس فيه عيب واحد ميضرش انو كان بينام وهوة سايق عادي يعني مفيش مشكلة

المفروض الناس هية اللي تتفاداه يعني هوة الراجل اجرم يعني عشان بياخد تعسيلة شوية

المهم وصلنا ونزلنا الموقف وروحنا ناخد تاكسي لقينا واحد بيسألنا احنا راحين فين قولتله كلية الاداب قالنا

اتفضلو..انا قولت ياااااااااااااه ناس طيبين اوي دا السواق نازل بنفسه يسأل ويدور عالركاب وركبنا

بعدها بقا لقيناه بيقولنا الاجرة 15 جنيه قولنالو هوة دا العادي يعني دي الاجرة قالنا ايوة انتو جايين من موقف برة البلد يعني المسافة طويلة

ودفعنالو اللي هوة عايزة ووصلنا الكلية وطبعا مش عايزة اتكلم عن الصدمة الحضارية اللي حصلتلي اول ماشوفت منظر الكلية والنافورة(ام مية زرقا) والمسجد اللي جوة الكلية

وكمان الكلية نضيفة جدا المهم خلصت ورقي ودفعت المصاريف الحمدلله وكل شيء تمام التمام والمحاضرات تبدأ واحد عشرة وحان وقت العودة لأرض الوطن

وقفنا تاكسي من قدام الكلية وقولنالو موقف راس البر وركبنا ووصلنا فاحنا ادينالو عشرين جنيه ومنتظرين يرجعلنا 5 جنيه لقينا الراجل رجعلنا 15 جنيه

قولنا يا افندي انتا حضرتك ناسي ولا ايه مش الاجرة 15 جنيه قالنا دا مين النصاب اللي قالكم كدا

ياجماعة البونديرة 5 جنيه عموما

ساعتها بقا افتكرت كلام هالك عن شارع الزحلقة وقولت لماما( ماما احنا اتختمنا بختم الزحلقة الأبدي)

ودي يا جماعة كانت مغامرتي مع اول زحلقة اتزحلقتها واول صابونة اخدتها في العام الجديد السعيد..........عقبالكم

وأخيرا احب اقول ....هوة دا العادي من مصر

بنت دمياط كتب:

mido.moony كتب:

يو يو يو فين بنت دمياط قطقوطه التوته كونوته

هاي عليكم جميعا قصدي سلام الله عليكم ورحمته وبركاته
ازيكم يا شباب وبنات المنتدي
لاوين رايحين بابعتلكم كلكم اغلي الازهار ولبنت دمياط خاصه زهرة ياسمين

ميدووووووووووووووووووووووووووووو ياااااااااااااااااااااااااااااااااااااااه فينك من زمان

ازيك يابني والله ليك وحشة كبيرة جدا

كل دا غياب بجد افتقدناك جداااااااااااااااااااااا بس الحمدلله انك طمنتنا عليك

ومتشكرة جدا جدا علي زهرة الياسمين واسمحلي اهديك باقة ورد ابيض كبيراااااااااااااااااااااااااااااااااا احتفالا برجوعك

معانا في المنتدي

يارب تكون بخير دايما وفي افضل حال وقلبك يعمره ربنا بالرضا والسعادة اللهم آمين

أحلي سلام لميدو اللي كان واحشنا جداااااااااااااااا

plash ward abead aslan a2ta3 gna7e tane (hhhhhh)1
wllahe entom wa7shne akter bkteeeeeeeeer aaaad ktahowan

mido.moony كتب:

بنت دمياط كتب:

mido.moony كتب:

يو يو يو فين بنت دمياط قطقوطه التوته كونوته

هاي عليكم جميعا قصدي سلام الله عليكم ورحمته وبركاته
ازيكم يا شباب وبنات المنتدي
لاوين رايحين بابعتلكم كلكم اغلي الازهار ولبنت دمياط خاصه زهرة ياسمين

ميدووووووووووووووووووووووووووووو ياااااااااااااااااااااااااااااااااااااااه فينك من زمان

ازيك يابني والله ليك وحشة كبيرة جدا

كل دا غياب بجد افتقدناك جداااااااااااااااااااااا بس الحمدلله انك طمنتنا عليك

ومتشكرة جدا جدا علي زهرة الياسمين واسمحلي اهديك باقة ورد ابيض كبيراااااااااااااااااااااااااااااااااا احتفالا برجوعك

معانا في المنتدي

يارب تكون بخير دايما وفي افضل حال وقلبك يعمره ربنا بالرضا والسعادة اللهم آمين

أحلي سلام لميدو اللي كان واحشنا جداااااااااااااااا

plash ward abead aslan a2ta3 gna7e tane (hhhhhh)1
wllahe entom wa7shne akter bkteeeeeeeeer aaaad ktahowan

يابني حرام عليك يابني

دا انجليزي دا يامرسي؟؟؟؟؟؟؟؟؟؟؟؟؟؟

ايه ياعم الطلاسم دي النبي عربي يا مقطقط لحسن اعضك

بس والله فرحني وجودك ايوا كدا ياعم طمنا عليك ومتبقاش تغيب كتير كدا

والله ياميدو بجد احنا كلنا بنعزك جدا وبنفتقدك حقيقي

بجد بجد متبقاش تغيب عننا

أحلي سلام لأحلي ميدو مقطقط بيوحشنا جداااااااااااااااااااااااااااااااااااااااا

والله انا مش مصدق نفسي وحاسس اني باحلم بنت دمياط كانت عندنا في المنصوره وانا ماعرفش يانهار مش فايت

طيب كنتي قولتيلي كنت جيتلك انتشلتك من الضياع والزحلقه دي

علي العموم انتي اكيد نورتي المنصوره بوجودك فيها تو داي واكيد شعاع النور اللي كان خارج من عند كلية اداب ده كان بسبب بنت دمياط قطقوطه

بس خلي بالك من نفسك في الكليه دي زي ما قالك هالك دي عندنا كلية (اداب) اسم علي مسمي ولو محتاجه بادي جارد ياريت ياريت ماتقوليليش

ومره تانيه نورتي المنصوره يابنت دمياط وخلي بالك من الزحلقه ولو احتجتي اي حاجه من الكليه قوليلي انا عندي صاحبي زي اخويا موجود هناك هو ومراته واصحابه يعني ليا هناك ظهوووووووور

ربنا يخليك
وده العادى يا بنت دمياط
وحمد لله ع سلامتك

وحشتووووووووووووووووووووووووووووووونى

واهلا تانى بالبرنس الغالى

وهنرجع زى زمان قول للزمان ارجع يا زمان

بجد وحشتنا يا ابو البرانين

وحمد عالسلامة

the red baron كتب:

وحشتووووووووووووووووووووووووووووووونى

هيييييييييييييييييييييييييييه هييييييييييييييييييييييييييييييه هييييييييييييييييييييييييييييييييييه

أخيرا رجعت تاني وتوقيعك القديم غيرتو بتاع سلام افتكر بكدا خلص الكلام يااااااااااااااااااااه دا كان توقيع سقيل وغلس وبيخلينا نحس انك مهاجر

بجد والله ماتعرف اد ايه فرحت انك رجعتلنا يا أبو البرانين سابقا وأبو الشعب حاليا

ربنا يخليك للشعب يا أبو الشعب ياغالي

انتا بجد رجعت ولا انا جالي حول في عقلي وربنا مانا مصدقة

حد يضربني يامواطنين عشان اصدق ان دا مش حلم

https://stop.1talk.net/montada-f15/topic-t16289.htm#196501

واد ياعوضى ايه السفينه دى
هى دى اللى انت كنت ناوى تهرب بيها من رأس البر
هههههههههههه

نورت يا بارون
ويارب تكون بخير

نورت يا بارون
ويارب تكون بخير

HULK كتب:

https://stop.1talk.net/montada-f15/topic-t16289.htm#196501

واد ياعوضى ايه السفينه دى
هى دى اللى انت كنت ناوى تهرب بيها من رأس البر
هههههههههههه

هالك بذمتك مش الوردة الحمرا المندهشة بتاعت التوقيع بتاع زمان كانت أحسن ومنظر الدم اللي كان نازل منها كان منظر تحفة بيوحي بالاجرام

ياااااااااااااااااااااااااااااه والله الليلة عيد ..الليلادي عيد..والعيد الليلااااااااااااااااااادي

ازيك يا بنت دمياط وازي جيوكندة
طمنييي عليكى وعلى جيوكنده

والله وحشتنى القعده معاكم والله

ياااااااااااااااااه

ايام جميله والله

الحمدلله يابروف احنا بخير وآخر تمام

خلاص جيوكندا بقت بتلعب في الوقت بدل الضايع

والحمدلله كله في التمام

يارب يخليك يابروف كلك ذوق والله يا بروف ياغالي

أحلي سلااااااااااااااااااام