بنت دمياط

والله فرحت لجيوكنده

بلغيها سلامى وقوليلها مبروك

the red baron كتب:

والله وحشتنى القعده معاكم والله

ياااااااااااااااااه

ايام جميله والله

يابني انتا بتحكي فايه قعدة ايه اللي معانا

انتا اساسا وبناءا رغبة الجماهير لازم تحكيلنا كل حاجة عملتها ومريت بيها من ساعة ماسبتنا لما لدلوقتي

هه لاااااااااااااازم وبالتفصيل الممل

كلنا آذان صاغية لأبو الشعب

لااااااااااا

دى نظريات اقتصاديه وشغل

وما ينفعش تطلع بره

دى حق حصرى بس

هتدفعوا كام

احنا بردة اللي ندفع كام يابني دانتا تلاقيك راجع بخميرة تمام التمام

مش احنا كنا قاعدين زي الكبب في البيت لا شغلة ولا مشغلة

اعطينا مما اعطاك الله داحنا اخواتك وغلابة وورانا مصاريف ياما

وهتحكيلنا برضه والا هتتعض

فاكر زمان كنا مبهدلينك انا وهالك في الحزب

حتى انتى كمان

يا ساتر يا رب

خمسه وخميسه

وبعدين ايه هات هات هات

هو انا بابا نويل

وزمن البهدله انتهى

خلاص

بقيت انسان جديد

اليوم يومك يا بارون
افرح يا عم

فتره من الصمت الرهيب

اخص عليا رجعت بعد مالناس مشيت

ايه ياقوم مشيتم ليه

أبو الشعب مشيت ليه بس

منها لله جارتنا كان لازم تيجي تزورنا دلوقتي ماحنا مرميين قدامها بقالنا عشرين سنة

ماتجيش تزورنا الا النهاردة

بجد والله آسفة اننا ضعيت النهاردة من ايدي وسبتكم تمشو

بس أنا عموما نايمة هنا النهاردة مستنياكم

روحت انام مجاليش نوم

شكلي اتحسدت

حد يشرب شاي معايا

مش عارفة ايه الصمت الرهيب اللي الناس فيه دا

انتو بتنامو بدري اوي

انا هنا

the red baron كتب:

انا هنا

طب تشرب شاي ولا انتا اكيد مبتحبوش

بارون شفت موضوع نها بتاع السهر بجد موضوع مخيف

طب هوة احنا بجد بنسهر ليه وعشان ايه

هل ادمان للوحدة ولا حالة توحد ولا عشان الهدوء المكاني والنفسي ولا احنا بجد مرضي

احب اعرف فلسفتك باعتبارك كائن ليلي غريب الاطوار فاكر الكلمة دي دايما كنت تقولهالنا هية وكلمة

لا تعليق...ههههههههههه فاكرها

ايوه مظبوط

عموما بالنسبه لى

الليل دى هو نهارى


كائن ليلى غريب الاطوار ههههههههههههههه

اولا ربنا جعل الليل عشان المخلوقات تنام وتستريح فيه

اكيد له حكمه فى كده

وبعدين

الساعه البيولوجيه للانسان اذا ما نمش كويس بيتعب وعمره بيقل

بالنسبه لى حكايه تعود

مش بنام اكتر من 3 ساعات وعودت جسمى على كده

طب هسألك سؤال رفيع

هوة طنط مامتك مش بتقولك حاجة علي سهرك دا

اصل انا عندي ماما بتعمل دوريات مراقبة كل شوية تقوم تشغل اسطوانة هوة انتي مش زي البني آدمين

انتي بتعدمي نفسك قومي نامي والحركات اللي انتا عارفها بتاعت الامهات دي

والله ياعم شكلها ماشية معاك حلاوة وبتسهر براحتك

ما هو يا بنتى

انا ماليش دعوه بالبيت نهائي

انا بالنسبه ليهم فرد عايش معاهم كانى ماجر اوضه فى الشقه

مش قولتلك ماشية معاك حلاوة طحينية

انتا بقي مش ناوي تحكيلنا اي حاجة مريت بيها الصيف دا

يابني دانتا كنت في بؤرة الاحداث عالبلاااااااااااااااااااااااااااااااااااااااااج

يعني اكيد مريت بمواقف واحدة عاكستك عيل رخم رشك برمل أي حاجة طيب

اهو بردة نوستوفيد من خبرتك طول الاجازة

كمان عايزة اسألك عن رمضان كنت بتعمل ايه فيه بجد كان حر جدا حقيقي مشفقة عليك اكيد مر عليك صعب اوي

خصوصا بسمع ان البلاج كان شغال عاااااااااااااااااااااااادي جدا

واكتر من عادى

بس الحكايات دى بكره
لمت تصحى باذن الله

يلا اتفضلى قومى نامى وكفايه كده

ايه ياعم انام ايه انا بستني الفجر

انتا ايه عايز تاخد الثواب لوحدك من اولها

يااااااااااااااااااه تصدق وحشني وانتا بتهشني كدا دايما كنت بتحسسني اني دبانة غلسة واقفة علي مناخيرك

انتا عارف يابارون برجوعك فكرتني بجد بأحلي ايام عشتها سواء معاكم عالمنتدي او الحروب بتاعت

رابعة اجنماع اللي بتمني يوم واحد من ايامها

بجد ريحة الأيام دي حلوة اوي تصدق انا شاماها دلوقتي شاممها انتا كمان؟؟؟؟؟؟؟؟؟؟؟؟؟

بس هه انتا وعدتني اهو بكرا هتحكيلنا واحنا جميعا منتظرين ومش هنتنازل

باذن الله

وادعيلى امانه

طب تدفع كام انا عاملة تسعيرة الدعوة عشين جنيه

عايزيني أقول آمين بخمسة وعشين

لو عايزني ازود عن كدا تدفع تلاتين هه موافق

طبعا هدعيلك يابارون انتا تؤمر يا أبو الشعب

ربنا يوفقك ويريح بالك ويرزقك الخير والبركة يارب

متخافش مش دا بس الدعاء انا هدعيلك كمان بس بعد الصلاة وهدعيلنا جميعا بالهداية وراحة البال

احنا بجد كلنا محتاجين راحة البال

ياااااااااااااااااااااااااارب انعم علينا بيها

ياااااااااااااااااااااااااا رب

تصبحى على الف خير

وانتا من أهله يابارون يا أبو الشعب

حاسة بوحدة رهيبة

جيوكندا خلاص فرحها الاتنين الجاي

يااااااااااااااااااااه حاسة ببعدها من دلوقتي

ربنا يوفقها في حياتها الجديدة ويسعدها يارب

وعقبال الناس الصامتة اللي كنت برغي معاها زمان في الموضوع هنا ماتخرج من صمتها دا علي خير

فينكم يا مواطنين كل واحد فينا عايش في شرنقة لوحده ومبقاش عايز يكلم حد ليه

هههههههههههههههه
هتلاقيهم فى الشرفه بين قوسين بلكونه

يعنى ايه شرنه يا بنتى

شرنقة مصنوعة من مادة شفافة كلنا مستخبيين جواها بنبص عالناس من بعيد فاكرينهم مش شايفينا

بس هما شايفينا وشايفين ضعفنا وجبننا وانعماسنا في وحدة ملهاش لازمة ابدا

ضرها اكتر من نفعها

احنا لسة شباب صغيرين وقلوبنا صغيرة الافضل نفتح قلوبنا ونتفائل ببكرا اللي اكيد هيكون أحسن

عشان نقدر نكمل حياة زي السفينة اللي ماشية في البحر

رب العباد واحده بس اللي عالم هترسي فين وامتي النهاية

فهمت بقا ياتوتيات يعني ايه شرنقة