موضوعى ده هيتناقش عن ما يحدث فى جمهورية مصر العربية
وما يحدث فيها من فساد واضح وضوح الشمس الصغير قبل الكبير يروا هذا الفساد الذى اصبح مث الهواء نتنفسه يوميا فى حياتنا الذى نعيشها
ابسط مثال التجار اللى بيدخلوا سلع غذائية منتهية الصلاحية علشان يحققوا المكسب المادى
اليس هذا فساد ؟
الموظف اللى بتديله مقابل مادى مقابل انهاء الورق اللى عاوزه
اليس هذا فساد؟
اعسكري المرور اللى بياخد مقابل مادى ويقولك المقابل دى استصباحية وكان استصباحية موجودة فى القانون
بمعنى اى عربية ماشيه لازم تصبح على العسكري هههههههههههههههه
اليس هذا فساد ؟
اللى واصلين واللى ليهم شخصيات كبار فى الدولة تدافعهم عن فسادهم
اليس هذا فساد ؟
الفلاحين اللى بيرشوا مبيدات مسرطنة ومبيدات تخلي المزروع كبير فى الحجم
ابسط مثال وهذا ما شاهدته
مرة كنت باشترى فراولة لاننا باحب الفراولة جداااااااااااا
فالمهم فنظرت الى الفراولة فلقيتها كبيييييييرة جدا مختلفة عن الفراولة اللى مفروض تكون صغيرة
كنت نفسي ارمى الفراولة فى وش الراجل بس سيبته ومشيت ورفضت ان اشترى الفراولة الكبيرة الحجم
وهذا يدل ان فى حاجة غريبة حصلت خلت الفراولة تكبر بهذا الشكل
اصل اتعلمت وانا فى مدرسة ان الفراولة صغيرة
ايه اللى خلالها تكبر
هى الفراولة دى عاملة زى الطفل اللى بيكبر فلازم تكبر الفراولة ههههههههههههههه
اليس هذا فساد؟
الدكتور اللى بيسقط بسبب انك مجبتش الكتاب وانت حليت فى امتحانه كويس ومع ذالك لقيت نفسك شايل مادته بسبب عدم شراء كتابه اللى سرقه من كتب اخرين
اليس هذا فساد ؟
مجاملة وزير او محافظ او صاحب مصلحة او صاحب موقع او منتدى لبعض اصحابه على الاخرين
اليس هذا فساد
كثرة الجرائم والاغتصاب والمجون والبذخ والغباء والقتل والسرقة ومن هذا القبيل
اليس هذا فساد؟
كثرة الاديان اللى بنسمعها مثل البهائية والاحمدية وغيرها من الاديان اللى اى حد يعمل دين ويسميه باسمه ويقولك عاوز مساواة
اليس هذا فساد ؟
وغيرها وغيرها
عاوز اقول ان احنا منطلبش من الحكومة حاجة
الشعب اغلبيته فقد الثقة فى حكومة وبالذات الوزراء انهم يحلوا حاجة
احنا كشعب وكشباب وبنات متعلمين ان نحل احنا بعض الفساد اللى بنشاهده
وكل واحد يبدء بنفسه ويحاول يحل على قدر المستطاع
لانك لما تموت وتقابل ربنا فى يوم الحشر يوم القيامة ويسئلك الله ماذا فعل لحياتك
سعتها تعرف ترد بدل ما تقول وانا مالي هو انا اللى احل المشاكل لوحدى
قبل ما اننهى اشيد بالاخت شيمو لانها عملت موضوع عن شنطة رمضان وانها محتاجة تبرعات لعمل شنط رمضان لان فى دمياط ناس غلابة كتير وفقر مدقع
انا باشيد بيشمو وكل من تبرع لهذا الموضوع لانه عمل انسانى وجميل
وده اللى باقوله فى موضوعى ان احنا نحاول نحل مشاكل الناس
صحيح انها كتير وصحيح ان فى مشاكل صعبة علينا انها تحل لكن بنحاول على قد ر المستطاع
فياريت اللى متبرعش لحتى الان ياريت يتبرع وينفق فى سبيل الله
احنا يا جماعة ذنوبنا كتير اوى
كلنا عندنا ذنوب تودينا الى النار والعياذ بالله
ممكن تبرعك ده يوديك الى الجنة
نسئل الله ان يدخلنا جميعا الى الجنة
واوعى تقول اصل الحالة نايمة ومفيش شغ والحياة صعبة واوفر اللى ادفعه
ده حرام
الانفاق فى سبيل الله يزيد الله لك اموال كثيرة بسبب الانفاق
فنتعاون جميعا ان ننفق لاعداد شنط رمضان
وكلنا مع شيمو لانه عمل خير وعمل لا يكلف من وقتك ولا من مالك كثير ولكن ما تنفقه فعند الله الكثير والكثير
وفقاكم الله لهذا العمل الطيب المبارك
فياريت اسمع رايكم فى هذا الموضوع ونتناقش
الجمعة 6 أغسطس 2010 - 21:55
