كلام فى كلام (بالعامية)

قبل ما تقرأوا معلش لو كنت هطول عليكوا بس يا رب تحبوها ولو ما حبتوهاش عادى مش مشكلة

كلام فى كلام فى كلام
كلام فى صمت
وصمت فى كلام
احلام واوهام
تجريح وندم
ذكريات والام
السم فى العسل
بشرب ونعسان
بسقيه وغفلان
مجروح وندمان
زهقان وتعبان
بلف وبلف
ويا ريتنى كسبان
اعمل ايه
مانا فى الاخر انسان
ضعيف غلطان
كلام فى كلام فى كلام
حياتى بقت كلام
بعمل الغلط
واقول ندمان
بكرر الى كان
واقول نسيان
بفكر وانتظر
واقول عشقان
بحب وانجرح
واقول كمان
بزهق وامل
واقول انسان
بجوع واكل
واقول جعان
بعطش واشرب
واقول عطشان
يقولوا كفاية
اقول طمعان
كلام فى كلام فى كلام
حياتى بقت كلام
بدعى واتمنى
واقول يا رب كمان
يا رب فلوس وجواز وعيال
واما ييجوا
اقول يا رب صحة
ما انا عيان
والتانى يقول
يا رب رزق
ما انا فقير وغلبان
بننسى نقول الحمد لله
معلش ما احنا انسان
بننسى نقول الحمد لله
عشان ربنا يزيد ويبارك
كمان وكمان
بس ربنا كريم اوى وغفار
اعلم بضعف عبده الانسان
بيغفر ويسامح
ويقول ادعونى كمان وكمان
يا رب سترك وعفوك ورضاك
يا رب قوينا بالايمان
كلام فى كلام فى كلام
ما بعملش فى حياتى
غير الكلام
طب انا ليه مضايق من الكلام
مش دة الى مفرقنا
عن الحيوان
والا احنا بردة مش انسان
ولا انا غلط فى العنوان
لالا
الغلط مش فى العنوان
الغلط فيا انا الانسان
بكلم كتير اوى ونسيان
ان لسانى شاهد على
يوم الحساب
يا رب اغفرلى وسامحنى
وقوينى بالايمان
اجعل لسانى ما يقولش
الا الحق والحكمة
والعدل و القران
يا رب اجعل لسانى
رقيب عليا مش سجان
الحمد لله على العقل
الحمد لله على الايمان
لازم نسكت شوية
كفاية كدة كلام
عايزين شوية همة ونشاط
مش بيقولوا
العمل من الايمان
عايزين شوية تغيير
كفاية شفقة واحسان
نعمل ايه ما الشباب بقى
يا كسلان يا سرحان يا فى التوهان
ما هو حتى الحب بقى بيعة
يا خسران يا كسبان
حتى الحب بقى كله
كلام فى كلام
كفاية ندم يا ندمان
كفاية حزن يا زعلان
والله الفرح فى الامكان
بس نعمل الى علينا
ونرضى
ونقول يا رب
ارزقنا بالحلال





طولت عليكوا
كفاية كدة كلام
بجد انا اسفة انى طولت عليكوا ويا رب ما تحرموناش من الردود

حضرتك ملخص فى هذا القصيدة كل اللى بيحصل فى هذه الحياة
شكرا ليك على القصيدة الرائعة
كل التحية والتقدير

لو التطويل حلو كده فانتى تطولى زى ما انتى عايزة
ايه الحلاوة دى يا جيرسى ؟
بجد جميلة .. كلام م القلب أكيد عشان وصل للقلب
ربنا يوفقك و يكرمك دايما

شكرا ليكى يا سمسمة على كلامك وبجد شكرا على تشريفك للموضوع
شكرا ليك يا حريف وربنا يخليك وبجد نورت الموضوع
شكرا ليكى يا فريكيكو وبجد والله كلامك دة كتير عليا وشكرا ليكى على اهتمامك بالرد
شكرا ليكى يا شمس وبجدمتشكرة اوى على التشجيع دة

بجد كلام تحفة
اية الجمال دة يا قمر
بجد تحفة
والكلام كلة ماشي مع بعضة
اتمنالك تالق دائما

ربنا يخليكى يا جميل والله كلامك دة كتير
ربنا يخليكى بجد شرفتى الموضوع

بجد كلام حلو قوىىىىى ودائما الى الامام وشكرا على موضوعك بجد عجبنى قوى

شكرا ليكى يا جيرل ربنا يخليكى يا ذوق
بجد شرفتى الموضوع وشكرا على دعواتك

أكيد مش محتاجه رايي بعد كل اللي اتقال ليكي من الأعضاء

ربنا يخليكى يا بوسى كلك ذوق
نورتى الموضوع يا جميل

مهما حصل ده موضوع جميل
انا مبسوط بالموضوع
تسلم ايديكي

بجد حلوه اوي اوي اوي يا جيرسي ايه الكلام الجميل دا يا قمر وفعلا كل كلمه قولتيها فعلا حقيقيه كلامات جميله جدا ودا مش جديد عليكي يا قمر لانك جميله دايما بالتوفيق والنجاح يا جيرسي

جميل

جميلة اوى تسلم ايديك
ربنا يوفقك