تأكد إصابة أحمد حسن بقطع في الرباط الصليبي واللاعب يغيب 6 أشهر

تأكد إصابة أحمد حسن بقطع في الرباط الصليبي خلال لقاء مصر وسيراليون الذي أقيم الأحد وانتهى بالتعادل 1-1، وهو ما يعني غياب اللاعب لفترة تقترب من 6 أشهر.
وعلم Yallakora.com ان حسن تأكد من الإصابة بعد الأشعة التي أجراها الاثنين تحت اشراف ايهاب علي وأحمد ماجد طبيبي الأهلي والمنتخب.
وحاول الصقر التأكد من الإصابة بشكل أكثر وقام بعرض الأمر إلى الدكتور أحمد عبد العزيز الذي أكد له إصابته بقطع في الرباط الصليبي.
ويغيب قائد المنتخب المصري بذلك عن باقي مباريات الأهلي في دوري أبطال إفريقيا بالإضافة لمعظم مباريات الدوري هذا الموسم، ومباريات منتخب مصر في تصفيات أمم افريقيا 2012.

اقتباس :

يلا بالسلامه وياريت ياخد معاه ابو تريكه ووائل جمعه بالمرة
عشان نجدد المنتخب المشلول ده بقى؟؟؟؟

يا جماعه لو سمحتم الزملكاويه مكانهم مش هنا دول مكانهم .............. تحت
ههههههههههههههههههه


بطل حقد بقى يا زملكاوى هو المنتخب اتشل من قله غير من لاعيبى الزمالك ؟؟؟؟؟

زمالك مين يا ابو حمام
المنتخب اغلبه من الاهلى
اظن عرفت دلوقتى هو اتشل ليه
اكيد مش من محمود فتح الله اللى جبلكو الجون

وفعلا المنتخب محتاج تجديد على حساب لاعبى الناديين الكبيرين (الزمالك والاهلى)

hulk كتب:

زمالك مين يا ابو حمام
المنتخب اغلبه من الاهلى
اظن عرفت دلوقتى هو اتشل ليه
اكيد مش من محمود فتح الله اللى جبلكو الجون

دايا ناصفنى كدة هههههههههههههههههه

على رايك والله ولا الحضرى اللى شال بلاوى وكانت اجوان مؤكدة
والباشا وائل جمعه فى التراوة
وابو تريكه خلص خلاص
واحمد حسن كفايه كدة بقى عليه وكان اعد يلف فى مكانه وتايه
وسيد معوض لعب الشوط الاول والتانى اختفى
ومفيش مهاجم عدل

منتخب عنده شللللللللللللللللللللللللللللللللللللللل

ماشى ياعم الفلحوس طالما انتا شايف ان لاعيبى الاهلى ودعو وبقو مينفعوش فين لاعيبتكم يا زملكاوى اللى ينفعو المنتخب ندخل احمد غانم مكان ابو تريكه والصافطى مكان جمعه؟؟؟؟؟؟؟؟؟؟؟؟

المنتخب كله تعبان
الدفاع كله شوربة ممكن يخترق بسهولة
وسؤال للزمالكاوى اذا كان حسن شحاته الزمالكاوى يختار لاعيبة الاهلي لييييييييييييييييييييييييه ؟

اولا اى مدرب بيلغى عنده حته الانتماء للنادى يعنى بيلعب لمصر مش للزمالك ولا للاهلى
ثانيا يا سنيبر محدش قال بدلما نكحالها نعميها ومحدش طالب بلعيبه الزمالك مكان لعيبه الااهلى كل اللى بنقوله ان المنتخب محتاج تجديد ومش ذنبنا ان اغلب المنتخب م ن الاهلى

انا كاهلاوى قلت المنتخب بالكامل تعبان
ومحتاج تغيير
وارجو عدم مجاملة من حسن شحاته للاعيبة بعينها لان اى خسارة سيتحملها حسن شحاته ووكلنا هنلومه لوما كبيرا على مجاملته لكثير من اللاعيبة

هو تقريبا مبيجاملش حد بدبليل انه مأخدش ذكى ولا شيكا

بس الظاهر ان فيه اسماء تعبانه والاسماء دى ليها سلطه جماهيريه اكبر من شحاته
عموما يارب ديما النصر لمصر حتى لو بلعيبه اسمنت السويس