الــــســـــجــــن الأدبـــــــــــــى....

1_ إن الحب هو الحياة و أنت حياة قلبي....أحبك بكل المعاني يا دواء ما أعاني

الحب مفتاح الحياه .نعمه ونقمه .شىء غريب ان تعود المرء عليه
احس بالوحشه اذاغاب عنه
علشان كده ههدى البيت ده لجدتى لانها غايبه عنى بقالها اكتر من 3 اسابيع
ترجعيلنا بالسلامه يا حجوج

2_ إن العيون التي في طرفها حور... قتلننا ثم لم يحيين قتلانا
إنّ العيون التي في طرفها حور قتلننا ثم لم يحيين قتلانا
يصرعن ذا اللب حتى لاحراك به وهن اضعـف خلـق الله اركانـا
لغه العيون من اخطر اسلحه المرأه عموما
بس لغه حلوه بتبعث النشوى فى القلوب
بيقولو كل نار وليها بنزين اهى لغه العيون دى هى بنزين نار الحب
ليه بقه واحد صاحبى بيقولو عنيه ماشاء الله حلوه
(هو مفيش فيه الا عنيين يعنى)
اهدى البيت ل(ريد بارون)
وهو ان شاء الله هيرجعلنا الاسبوع الجاى

3_ نقل فؤادك حيث شئت من الهوى ...ما الحب إلا للحبيب الأول
الحبيب الاول
؟؟؟؟؟
المشكله ان الناس فاهمه ان الحبيب الاول ده غلط

على فكره الحبيب الاول ممكن يكون اخر حد انت حبيته
هو الاول بس الاول فى دخول القلب مش فى الترتيب
لان كتير ناس بتفتكر انها بتحب وهى ولا بتحب ولا نيله
وبيتحسب عليها حب وخلاص

ههديها لزيكو
4_ لا تشكو للناس جرحا أنت صاحبه ...لا يؤلم الجرح الا من به ألم
فعلا محدش بيحس بألم حد مهما عبرله عنه
وعلى رأى منير اكتم انينك يالى تأن مفيش لجرحك ارحم من يد الليالى لما تحن بدل القمر يطلع قمريين
اكتم انينك دارى الصوت لو فيها موت خلينا نموت ده الموت يخلى العمر اتنيين
اكشف جراحك وسط الناس واياك تأن
وبما انى ماشى بالمبدأ ده فأهدى الابيات دى لنفسى
5_ لا تقطعن ذنب الأفعى وترسلها ...إن كنت شهما فأتبع رأسها الذنبا
لو شبهنا الافعى دى بالفساد مثلا
فعلشان تغير الفساد فى حاجه محتاج مراحل
فلو بدأت بذيل الافعى (الفساد ) لازم تكمله للاخر وتقطع الرأس متقفش فى نص المشوار
الفساد بقه عندنا فى المنتدى هو الكساد
وعمر بدأ يضيع الكساد ده علشان كده بهدى البيت لعمر
6_ تعلمت أزيف ضحكتي والقلوب أسرار... على أنى بخير بعين من يجهل أحزاني
الله البيت ده حلو
ساعات الواحد مبيحبش يحسس اللى قدامه ان فيه حاجه علشان ميهموهوش
معاه
بس انتوا عارفيين الاجمل ان اللى قدامى يحس اللى بيا من غير ما اتكلم
علشان كده بهدى البيت ده
لاصحابى اللى بيحسوا بيا حتى لو كنت بضحك فى وشهم بيحسوا بألمى

7_ يذوب قلبي في نواظر عيونك.... واشتاق لك شوق الغريب لدياره
_________ لا احد
8_ رفيق اذا خسرته خسرت العمر كله ...ورفيق لاخسرته سلمت من الخساره
فعلا ساعات الواحد بحس ان له صديق فعلا غالى عليه ولو خسره بيبقى خسر كتير
وساعات بنحس ان فيه صديق لازم نخسره لانه من الاول مكانش لازم نعرفه
بهدى البيت ده لسنيبر علشان يرتب مين اصدقائه ومين اللى المفروض يبعد عنهم
9_ كل هم يزول وكل ضيقه تنتهي لا تحمل... قلبك جروح ترى أيام الحزن ما تنتهي
هو كده فعلا فإن مع العسر يسرا إن مع العسر يسرا
بس لما تبقى فى عسره بتحس انها الى ما لا نهايه
بهدى البيت لساد جيرل
بسبب موضوع حيره ويأس
10_ العلم يرفع بيتا لا عماد له ...والجهل يهدم بيت العز والشرف
العلم نور والنور كهربا والكهربا خطر فالعلم خطر بهدى البيت ده
للناس الجهله اللى متبنيه الفكره دى