مواقـــــف وطرائـــف شبـــــاب بجــــد"موضوع متجدد"

موقف الكلاب هههههههههههههههههههههههههههههه لازم يعنى الفضايح دى مااااااااااشى

بصى يا ستى كنا ماشيين يوم رايحين لواحد صاحبنا ساكن فى حته كده جنبها ارض زراعيه كبييييييييييييره (و خدى بالك من المساحه ) المهم واحنا مروحين لقينا كلب بيهوهو فى الارض دى (كلبه) قام الكابتن هالك رادد عليها بهووهو فالكلب افتكر انه بيعاكسها ولقينا مايقرب من 50 كلب بيجرو من الارض وجايين علينا وعينك ماتشوف الا النور كل واحد فينا جرى زى الصاروخ .المهم بقى الحاجه اللى تضحك ان والكلاب دى بتجرى ورانا عدينا على كلب مسطول و فجاه ...... هو كسل يقوم يقف و قام مهوهو بالراحه (هوهوه مسطول يعنى) لقينا الكلاب وقفت وقامت راجعه لواحدها معرفش ليه .

كانت ايام

اسيبلك بقى موقف (العرسه ) يا هالك
ههههههههههههههههههههههههههههههههههه

ههههههههههههههههههههههههههههههههههههههههههههههه
موضوع جميل جدا
هههههههههههههههههههههههههه
بس الواضح ان معظمكم مع اخواته فى محبه طاغيه
الى كانت هتموتها والى كان هيوقف شعر اخوه من الرعب
ههههههههههههههههههههههههه
يا ساتر يا رب

موقف كل ما افتكره اضحك على نفسى وعلى أشرف صحبى الى هو الاستاذ

كنا عندبتاع العصيرالى فى شارع الكليه ومعانا زميله عزيزه قوى

وطلبت تلاته عصير المهم والراجل بيصب
جت بنت وطلبت واحد عصير انا قولت دى من الاتحاد بتاع الطلاب
وبصت لزمليتنا وابتسمت وكلمو بعض وطبعا انا واشرف مش عارفين بيتكلمو فى ايه
فقومت قايل لأشرف هحسبلها فقالى ماشى على اساس ان هى معاه بقه فى الاتحاد
ورحت محاسب على اربعه عصير اربعه جنيه اربعه جنيه اربعه جنيه كل ما أفتكر المبلغ يلا يلا
اربعه جنيه

وقلت للبنت الاستاذه دى خلاص خلاص متحسبيش واشرف قالها خلاص
البنت بصطلنا بستغراب حتى زميلتنا المهم مشيت وهى مستغربه
ولقيت زمليتنا بتقولنا مين دى
أشرف قالها نعم هى دى مش زميلتك قالتله لا
قومت أنا قولتلهم نــــــــــعم يا خويا انت وهى
لهو انت يا أشرف متعرفهاش قالى لا
قالولى اومال حاسبت على اساس ايه
قولتلهم على اساس انها زميلت اشرف فى الاتحاد
وفى الاخر طلعت البنت محدش فينا يعرفها وكانت بتكلم زمليتنا عادى
بتقولها انتى معانا فى الكليه وكده يعنى
قلتلهم يا حـــــلاوه يعنى أنا حسبت لوحده منعرفهاش
وع الضحك الى ضحكنا على منظرنا
واقولهم يلا رزق البنت واتاريها بتبص لنا بستغراب
مجانيييييييين

هي دي المواضيع ولا بلاش ايون كده خلونا نخرج من جو الاكتئاب المزمن ده

والله ياجماعه علي الرغم اني غريب عنكم ومفيش حد فيكم يعرفني الا اني معاكم حاسس اني مع اخواتي بجد

وعشان كده انا عندي ليكم موقف هو محرج شويتين تلاته وبصراحه هو محرج اوي بس مش خساره فيكم

اكششششششن

كنت في ابتدائي وكنت معروف اوي في المعهد كله لاني كنت وقتها الاول علي المعهد 3 سنين وكنت باتحرج اوي
المهم كانت عندنا مدرسه باحبها اوي وباعتبرها ولدتي وحصتها بالذات لازم اكون معاها ال 45 دقيقه اللي هما زمن الحصه وفي بداية الحصه حسيت احساس غريب اوي ال ايه محتاج الحمام يجيلي لاني مش هاقدر اقوم من مكاني اروحله هههههههههههههههههههههههههههههه
المهم اني مش عايز اسيب الحصه واروح الحمام لحد الحمد الله قبل الحصه ما تخلص كنت عملتها علي روحي وفي البيت بقي عينيكم ماتشوف الا الشبشبه من امي

اتمني ماحدش يتريق احسن له والا هاقول لامي


ومره تانيه موضوع رهيييييييييييييييييييييب يا شيمو

هههههههههههههههههههههههههههههه

موقفى هيشهد عليه هالك وسنايبر

معروف عنى انى عندى فوبيا من العناكب

فى مره واحنا بنلعب ماتش سنايبر مسك عنكبوت وجرى وراياا

وبالرغم من خفه حامد وسرعته هو وهالك

انما كانت سرعتى من الخوف اكتر بمرات وفضلوا يجروا ورايا لغايه ما وقع منه

وبعد ما رحت ليهم لقيت هالك بيقولى يخرب بيتك

انت لو هتجرى كده فى الماتش هاجيبلك عنكبوت كل يوم

ايون كده عايزين الشغل كله يطلع بس تخافي من القطط ... كده بقي اكتبلك الروشته

كنت ماشي في ظل حر سماء البحيره في احد الايام حاقة البروده
المهم راجع من الشغل وماشي كالعاده مع نفسي في وسط الصحراء ومافيش اي ابن ادم ماشي في الطريق غيري
انا عادة مابخفش من الكلاب بس لما فجاه الاقي كلب نايم في نص الطريق وعينه عليه ومخرج لسانه
من وانا جاي من بعييييييييييد لازم اقلق
المهم ماينفعش اقف او ارجع لاني خلاص بقيت في نص الطريق المهم خرجت الهاتف الجوال من جيبي واجريت اتصال طبعا باحاول اشغل نفسي بحاجه تانيه بس مفيش حد بيرد عليا
وباحمد الله عديت من جنب الكلب ومافيش بيني وبينه اكتر من سنتي مترات لا تتجاوز ال 10 سنتي

المشكله اني كل 10 متر الاقي كلب طالع من حته واجري نفس الاتصال الي ان اوشكت علي الوصول وفجاه ........................................................................

لقيت نفسي محاصر باكتر من 10 كلاب وعملين عليا دايره وانا المره دي باتصل وماكنسلش وكنت اتمني ان حد يرد عليا بس والله مافي بنو ادم عبرني

والحمد لله فضلت ماشي بلاد تشيلني وبلاد تحطني لحد ما وصلت والكلام ماشين حواليا

حقيقي كان شكلي عامل شكل الراعي والذئاب بس المهم اني وصلت بالسلامه

هو ده الكلام يا مشمشتي ... تسلم أفكارك يا حبي
بجد فكرة جامده جدااااااااااا ... وما تستنيش مني أقول على أي حاجة أنا كفاية أضحك على المواقف الجامدة دي

ههههههههههههههههههههههه
جامد جدا الموضوع ياشيمو وخصوصا موقف الاستاذ جزره

انا بقه هاقولكم ع موقف حصل معايا
كنا كالعاده كل اما نكون عايزين نخلع من الحصص نطلع ع سطح المدرسه بس عشان حظنا الاسود الدنيا مطرت مره واحنا فوق طبعا مش عارفين ننزل اخدنا يومها دش بارد طبيعى مالوش حل المهم بعديها لقينا مدير المدرسه طابب علينا وراسه والف سيف يجمع المدرسه كلها فى الفسحه ويتفرجو علينا
وتم الامر كان شكلنا وحـــــــــــــــــــــــش اللى يضحك بقى ان واحد معانا اتزحلق والبنطلون من ورا
بقى طبعا يومها والله اتزف ف المدرسه

الله يمسيه بالخير المدير ده كان لنا معاه مواقف جامده هههههههههههههههه اكيد هاحكيهالكم

طب فى مرة كنا بنلعب فى ......... ولا اقولكم خليها للمرة الجايه

من المواقف الغريبه اللي بتحصلي ( والباد بويز ياما شافوا)

ركبنا مكروباص انا والزمالكاوي وقعدنا ف الكنبه اللي ورا وكان ف ولد تقريبا ف مرحلة اعدادي كده قاعده جوه قعدت انا ف النص والزمالكاوي ع الطرف والواد كان صاحي وزي الفل فجأه الواد ده حط راسه ع حجري وسمعنا احلي شخير ونام ت
اضطريت اخد دور خالتي اللتاته وقعدت اطبطب عليه واقوله يا ضنايا يا بني والواد نعسان والاخ الزمالكاوي ميت ع روحه من الضحك

وبعدين وصلنا للمكان اللي هننزل فيه قولتله قوم يا بني معلش عشان قايم ادخل الحمام( الولد بعد فتره صحي وبصلي ومنطقش ولا
كأن حاجه حصلت)

الحاجه التانيه مطاردة التعبنين عقليا ليا وده ليهم مواقف كتير بشكل غريب جدا ابقي لسه سايب الراجل اللي بينف عند الكليه (هتلاقي بتوع اداب دمياط غالبا عارفينه) اروح سوق الحسبه الاقيه اقعد ع قهوه الاقيه ويبصلي وانا اعمل مش شايفه
ده غير واحد كان عند الكورس دايما يشتغلني ويقولي بص ف الحته الفلانيه ومفيش اي حاجه فبص عشان اريحه يتبسط هو بقي وقال ايه انه اشتغلني ويقعد يضحك ويضرب كف ع كف

ربنا يشفيهم يارب ويشفينا من امرضنا النفسيه والعضويه

الاقرع اللى كل ما نروح فى حته ييجى جنب الشهاوى