مواقـــــف وطرائـــف شبـــــاب بجــــد"موضوع متجدد"

احتراف مين دى مصر ام الدنيا والناس موجودين على قفا من يشيل يعنى ضحايا قصدى زباين اكتر ها ها ها ها ها ها

هيييق بتدعى عليا وانا الحيلة دلوقتى لو جرالى حاجة ماماتى تعمل ايه من غيرى ومن غير مقالبى ؟؟

عموما مقبولة منك......وربنا يقربك قصدى يبعدك عن شر اللى زيى

SCORPION كتب:

ههههههههههههههههههههههههههههه شرك دا ميحيش حاجه جنب كميه الشر اللي أنا بشره

تحبي تجربي بنفسك ؟؟!

يا عم شر الرجالة ما يجيش نقطة فى بحر مكر وشر الستات ( ان كيدهن عظيم) ولا انت مش شايف كده؟؟

ايه دا يا سولى
ايه ايه ايه هاهاها
لالالالالالالالالالالا

مين قالك انى بحاول انا بقول الكلام ده عن تجربة واقتناع 100%

صدقنى اى تحدى بتدخله بنت ضد ولد اكيد هى اللى بتكسب ومش بالقوه بحاجة كده اسمها المكر الانثوى صفة استحالة تبقى عند الولد فإنت اللى ماتحاولش

شر ايه اللي انت جاي تقول عليه ... انت عارف ابله معني الشر اااااااااااااااااااااااايه

خد بقي عندك دي وسجل يا تاريخ في كتابك اااااااااااااااااااه كان زماااااااااااااااااان

في يوم ربيعي خريفي شتوي متصيف في ابتدائي
الرجاله بتوع فصل الصبيان واللي انا واحد منهم شايفين كل واحد داخل خارج مولع سيجاره
الرجاله بقي عايزين يجربوا يشربوا سجاير بس طبعا كنا عيال ومفيش حد معاه
فانتابتني فكره شيطانيه بتقطيع اوراق الكراسات ولفها ومن ثم لفها بالسلوتيب اللازق
المهم الرجاله عملو كده وكان واحد معاه ولاعه والفصل كله شغل الانفاس وعينك ماتشوف الا الدخان

اللي قفشنا بقي ان واحد منهم طلع في الطرقه ادام البنات (الفتانين يعني) ونفخ الدخان في وش واحده منهم
نزلت لشيخ المعهد (= المدير) وقالتله وعينك ماتشوف الا العروسه والقطر (العبط و الضرب علي اسفل القدم) توضيح مش اكتر
الداهيه بقي ان فيه ناس كانت هاتموت من الحركه دي
ولنا مزيد مما هو قادم من حركات حلقات يعني

لا بجد انتوا صعبين يا خبر
دا انا كنت ملاك على كده

----------

كنت رايح الميريلاند برفقه الزملكاوى والعضو احمد الخضر الشهاوى( حبيب قلبي )

المهم كنا قاعدين فى الكرسي اللى ورا السواق احنا 3 جنب بعض

وبعدين بنتكلم وبرضه الناس اللى ورانا بتتكلم

وفجاه الكلام وصل بينا انا والزملكاوى على اذا كان الشهاوى كان معانا فى اخر مره على الميريلاند ولا لا

فباقوله متهيالى كان معانا

وانا مودى وشي الناحيه التانيه وسمعت صوت بيقول لا الشهاوى مكنش معانا

ولاحظوا انى قاعد جنب الباب والشباك مفتوح يعنى هواء وهيصه

فلفيت وشي ناحيه الزملكاوى وانفعلت وقولته بصوت عالى لا يا عم الشهاوى كان معانا

ههههههههههههههههههههه

ولقيت الزملكاوى وشه احمر وبدا يضحك بشكل غير عادى واحمد الخضر خلاص هيموت من الضحك

فسالتهم على السبب واتضح ان اللى قال الشهاوى مكنش معانا واحد من الكرسي اللى ورانا

وبيتكلم عن واحد صاحبه وبرضه اسمه الشهاوى

شفتم الصدف المحرجه بقي


بس السؤال اللى بيطرح نفسه


يا ترى الشهاوى كان معانا

لا يا عم الشهاوى مكنش معانا ههههههههههه
بس بجد الموضوع جامد ولسه اول مرة اشوفه
بس هحكيلكم بقى فى مثل بيقول الغريب ديما اعمى بيتهيالى تعرفه المهم مطولش عليكم فمره كنت انا وولدتى فى مسجد الشيخ زايد بدولة الامارات الشقيقة فالمهم انا كنت اول مره ادخل المسجد ده ومكنش معانا حد تانى غير صحبة مامتى المهم دخلنا صلينا الجمعة وبعدين انا كنت واخده معايا الكاميرا وقعدت ازن على ماما علشان تصورنى فالمهم صورتنى فى اماكن مختلفة وبعدين صحبة مامتى لما لقتنى بحب الصور كدا فقالتلى ايه دا فى مكان الرجالة فى نجف وعماويد كتيـــــــــــــــــــــر حلوة ممكن تتصورى فيها فالمهم مكنش في فاصل بين مصلى السيدات والرجالة الا جيطة زجاج احنا نشوفهم بس هما ميشوفوناش فضلت قاعده مستنية ابص لحد لما لقيت مصلى الرجال فاضى فطبعا كالعادة مع شوية زن على ماما وافقت فرحت انا وهى وصحبتها وطبعا الكاميرا معانا ومشغلا الفيديو فدخلنا مصلى الرجال فلقيته فااضى بس روعة فيه نجفة من اول المصلى لاخره وفى وسط كل الجمال ده المنبر بتاع الخطيب قولت بس هو ده انا هطلع عليه وماما تصورنى فاطلعت وقعدت على الكرسى اللى فوق وماما لسه بتصورنى لقيت راجلين واحد طخين اوى وواحد رفيع اوى طالعين يجروا ورا بعض نحيتنا الضخين قاعد يبرطم بصوت عالى طبعا انا مش فاهماه لانه بعد كدا اكتشفت انه تونسى والتانى الرفيع كان صامت المهم زعيق منه فى الاخر فهمت انه ممنوع الدخول فى مصلى الرجال تسالونى عرفوا منين اننا موجودين فى مصلى الرجال اترين المنبر بتاع الخطيب متراقب بالكاميرات وانا مش واخدا بالى خالص وطالعه مبسوطه على السلم المهم اليوم دا عمرى ما هنساه فضلت مخضوضه طول اليوم بس يالا حصل خير.