رسالة هامة لأعضاء المنتدى وللجميل عمر

خلاص يا جدعان افتكر ان فكره بربر وصلت لينا وليها كل الاحترام واحنا كمان وصلناله فكرتنا واعترضنا على الاسلوب وهو وضحلنا ان الحكايه اخدت المنعطف ده معاه لما شاف واحد بيتهزا وهو ملهوش حق الرد اوالمداخله
ونحب نقولك يا بربر ان لؤى على عينا ورسانا من فوق وانا بعتذر عن اى تجريح فيه بالنيابه عن اصدقائى سواء كان دلوقتى او قبل كده
وتعالو نبدا صفحه جديده وكفايه خلافات
بس برضه مستنيين من بربر الشخص والصديق العاقل انه يعترف بخطأ ف التعبير بالالفاظ زى ما احنا اعترفنا بخطأنا فى اننا زودناها مع لؤى بعد ما مشى
ورجااااااااااااااااء كفاااااايه كلالالالالالالالالالالام فى الموضوع ده
وربنا يصلح حال لؤى ببربر بعمر بالباد بويز والباربى جيرلز بالمسلميين اجمعيين

ياريت كفايه كلام لان الموضوع مش مستاهل اساسا دى حاجه خلصت والسلام بس لسه حوار الاعتراف بالخطا فى الالفاظ

كلام ما فى بعده كلام

(Ahmed elkhder) كتب:

طبعا كلامك مظبوط ومكنش ينفع نزود ف الكلام بعد طرده
بس زي ما قال خالد(هالك) انت ردك برضه مهين جدا بس اسكوربين عاميا (ابقي تعالي) ومحمد بربر( شيم عاهرات وطبل وما شابه ) بس باللغه العربيه
وطبعا معروف مين (الاوشاس) بس احنا لا بنطبل لحد ولا بنرقص لحد ومادام الرد بالطريقه دي فاحنا نبقي اصحاب واخوات اوي بره المنتدي
عشان مش سايت ع النت الي هيخسرنا بعض وانا اول من يكون عضو زائر فقط مش مشارك(لأن معتش ف صدر رحب يبني منتدي)
اما بقيت كلامك عن قسم الالعاب ومفيش اهتمام بمواضيع جاده وتفاعل إلا ما قل_ فانا معاك جدا
والف شكر يا محمد

احنا اتقابلنا يا عمنا وانا بعتذر انى استخدمت اللفظة دى وان كنت متعمد استخدامها ... لكن والله مش كنت اقصد حد معين بالأشاوس دى .. الشتايم فى الراجل مش قليلة برضه :)

اكيد روحت ونمت كمان

عمر كتب:

21 نوفمبر 2008 ..الوقت اللي قررت فيه أشهر المنتدى في الكلية بعد ما كنت (فرشته) تقريباً كويس ..وهنا خدني الجنايني لمحمد بربر اللي كانت معرفتي بيه وقتها بالأسم وكان عنده فكرة عن المنتدى عن طريق رسالة خاصة كانت جتله في منتدى سارة القديم ..وكان معادي مع حرجة متصورتش إنها هتحرق دمي بالشكل دا يومها الجنايني : ها يا بربر أزيك عمر عامل منتدى وأنت معانا إن شاء الله ...وقبل ما الجنايني يرد كنت أنا بوشي المبتسم كالعادة : أه يا عم هجام خلاص قال للراجل وإن شاء الله هو معانا وهنا كان رد محمد بربر : لأ أنا موعدتكش لسا أني هبقى معاكوا ..متتصورش يا بربر دمي فضل محروق قد أيه اليوم دا ..وعدا اليوم واليوم اللي بعد واللي بعده واللي بعده ووصلنا ليوم 20 فبراير 2009 , واتفاجأت بالموضوع عنوانه
ضربة شمس فيه 6 كلمات بس "عايزين قسم ضربة شمس بس خلاص ". وقتها مخبيش عليك رحت لمحمد منصور وكان أول يوم تعارف مباشر بيني وبينه وحكيتله على الموقف كله وقلتله قد أيه كان دمي اتحرق من الكلمة دي ومن الموقف ككل ...ومخبيش عليك برضو أني وقتها في عقل بالي وصفتك بالانتهازية وبالغرور ...وتمر سنة والتانية وأنا تعاملي كان بيبقى معاك بتحفظ شوية بس واحدة في واحدة لقيتك بتثبت بالمواقف قبل الكلام أنك شخص راجل ...شخص مش فارقة معاك ...شخص محترم ..وموضوعك دا أكدلي أنك مش حكاية مش فارقة معاك بس لأ أنت فعلاً مهتشوفش حاجة غلط وتقول عليها لأ لأن أنت عندك مبدأ ...بالنسبة للموضوع نفسه فالأعضاء ردوا مش عارف هقول أيه بعد ردودهم وتعقيبك ...لكن كل اللي اقدر أقولهولك غلط أن كلمة واحدة تتكتب من ناحيتي في الموضوع دا بعد ما قفلته مرتين مرة سخنت فيها الكلام لدرجة لا تحتمل :


نبـــــــــأ هام جدا ....."سياسات داخل منتدانا شباب بجد " متجدد ...مايفوتكش

ومرة تانية بردت فيه الكلام زي ما الحداد بيعمل لما يحب يشكل "حديد" على شكل نهائي وثابت :

الحريف ما له و ما عليه

واتمنى أن محدش في الأعضاء يفهم من كلام بربر أنه متلسعش من لؤي اتمنى بس يشوف الصورة دي :




وبعدها بيوم لما جالي بربر وقالي أنت مش قلتلي أنك وقفته نهائي أيه اللي رجعه تاني أنا كنت همسك فيك في رسالة خاصة (: ...دا لأن نفس الشكل اللي انتوا شايفينه دا كان بيتكرر بنفس الأسلوب في خمس أقسام على حدا بشكل عجيب منهم قسم ممنوع الدجخول نفسه ...ووقتها مكناش لسا عارفين نستخدم خاصية الألغاء العام للمواضيع فكنا بنمسح موضوع موضوع وليكوا تتخيلوا ...التعب اللي تعبناه أحنا الاتنين ...لكن

لكن مينفعش في نفس الوقت يا بربر تكتب على أي عضو هنا أنه بينافقني لأن دي مش محافظة ولا وزارة ولا رئاسة جمهورية . هو مجرد منتدى عادي جداً بل أقل من العادي ومجرد كلنا أصحاب في بعض بنتكلم فيه ..ولو حد بينافق التاني يبقى أنا اللي بنافقهم وأنا اللي اتمنلهم الرضى يرضو . هقول أيه في الختام لؤي راجل محترم حصل وضايقنا وضايقناه ورجعنا صالحناه وقبل الصلح في رسالة خاصة هتقراها في موضوع الصلح اللي فيوق ...مش دا اللي أنا عايزه مبحبش الصورة الوردي ولا بحب النهايات الحالمة لكن كل اللي أقدر أقوله أني بتصرف وبكتب بما يمليه عليا ضميري ..وربنا يكرمكم جميعاً ...وأقوم أنا بقى علشان صديق العمر أمير جايلي وقاعد مخليه مستني جنبي لما أكتب الكلمتين دول ...بقالي كتير جداً مشتفوش لظروف عمله في القاهرة , وقعدته فعلاً بالدنيا واللي فيها وسلام مؤقت يا أحلى أعضاء .

صباحك سكر يا عمر ....... أنا كدة اتثبت هههههههه ...... ربنا يعلم أنا بعزك قد ايه واسأل حتى الهجام بقول له ايه دايما عليك ... بس على فكرة ردى عليك يومها بالشكل ده .. انا حالا بعتذر لك عنه .. أنا عارف كويس ليه انا عملت كدة بس هبقى أقولك بينى وبينك ... المهم ... أنا كتبت الموضوع ده علشان أنا بحب المواجهة والنقد وجها لوجه , عامة أنا حبيت أوجه رسالتى والحمد لله وصلت , ومش تتخيل انا فرحان قد ايه بردك ده .

[quote="the red baron"][quote="the red baron"]

Mohamed Berber كتب:

the red baron كتب:

رابعا : الأسلوب المتدنى اللى انت واصف بيه موضوعى , هو الأسلوب الأمثل لكل حد شايف نفسه , وفرحان أوى انه بيشتم واحد , مش قادر يدافع عن نفسه , أيوة , مليون مرة بقولها , لؤى غلطان , وينطرد , دى مفيهاش مشكلة عندى , المشكلة ان مش يخرج بقى واحد ويعمل فيها عم صلاح الدين وحامى حمى المنتدى وينزل سب وشتيمة وتريقة وسخرية فى لؤى ..
خامسا : أنا بدافع عن حق انسان , أخطأ فعوقب فطرد من المنتدى , وهذا يكفى .......

افهم من كده ان مسعد العربانى فاكر نفسه حامى حمى المنتدى , وعشان كده عمل كده

طب لاحظ كلامك كده

انت كده , بتعمل نفس الدور

حضرتك بتمثل حامى حمى لؤى الفداوى

الا لو هو مش شايف انه يقدر ياخد حقه بنفسه

ولذا لجا ليك على اساس ان حضرتك يا اخى الفاضل , اللى هتعرف تاخد ليه حقه

وترجع اللى غلط فى حقه عند حقه

تصدق بالله ... لو مش لؤى .. لو مليون لؤى ... دفعوا لى مليون جنيه ... وأنا مش مقتنع بكلامى مش هكتبه .. انت بس اللى مش تعرفنى ... مسعد صاحبى وانسان محترم زى ما لؤى انسان محترم ... وكان لازم نحط نهاية للشتايم اللى بتحصل وكل واحد غلط يعرف غلطه ومش يتكرر ... وأنا سعيد ان ده حصل

HULK كتب:

خلاص يا جدعان افتكر ان فكره بربر وصلت لينا وليها كل الاحترام واحنا كمان وصلناله فكرتنا واعترضنا على الاسلوب وهو وضحلنا ان الحكايه اخدت المنعطف ده معاه لما شاف واحد بيتهزا وهو ملهوش حق الرد اوالمداخله
ونحب نقولك يا بربر ان لؤى على عينا ورسانا من فوق وانا بعتذر عن اى تجريح فيه بالنيابه عن اصدقائى سواء كان دلوقتى او قبل كده
وتعالو نبدا صفحه جديده وكفايه خلافات
بس برضه مستنيين من بربر الشخص والصديق العاقل انه يعترف بخطأ ف التعبير بالالفاظ زى ما احنا اعترفنا بخطأنا فى اننا زودناها مع لؤى بعد ما مشى
ورجااااااااااااااااء كفاااااايه كلالالالالالالالالالالام فى الموضوع ده
وربنا يصلح حال لؤى ببربر بعمر بالباد بويز والباربى جيرلز بالمسلميين اجمعيين

أعترف بالخطأ فى التعبير بالألفاظ زى ما اعترفتوا بغلطكم

فرحان ان فيه ناس زيك موجودة فى المنتدى والله ياهندسة

طبعا مقابلتنا امبارح انا ومحمد وهو يعلم ده ان صعب جدا انك تحل مشكله ع المنتدي
لان ف الغالب الكلام بيتفهم بطريقه غلط
واحنا هنا اخوات ومبنزعلش من بعض بس ممكن نشد زي اي اخوات بس ف الاخر متجمعين ف قلب وكيان واحد ومبنشيلش من بعض
ولؤي من اطيب الشخصيات بس دايما له اراء مخالفه وده الي سبب المشاكل بس هو بره المنتدي ع دماغنا كلنا بجد

رب ضاره نافعه
حصل خير خلاص