افضل 100 جملة سينمائية يمكن كتابتها علي مؤخرات الميكروباصات والتوك توك ..! عمر طاهر

افضل 100 جملة سينمائية يمكن كتابتها علي مؤخرات الميكروباصات والتوك توك
اختار اكتر جمل عجباك

الناس الدنيا ساطلاهم من غير حاجة«جميل راتب..الكيف».

> أنا بقيت زي الجزيرة أقرب واحد ليا علي البر التاني «محمود يس..الجزيرة».

> لازم يكون فيه واحد مسئول يخلي الباقيين مش مسئولين«إمبراطورية ميم»

> السجاير هتخسر صحتك ماتخليهاش كمان تخسر أخلاقك «فاتن حمامة.. إمبراطورية ميم».

> عليكي لعنة الفلاح..خديها من فلاح إبن فلاح «يوسف وهبي..الأفوكاتو مديحة».

> عشان مصر تعيش أغلي الناس بتموت«ماجدة..العمر لحظة».

> هيه الجيوش العربية هتظهر إمتي؟ «محمود الجندي..ناجي العلي».

> الحكومة مالهاش دراع عشان تتلوي منه «كمال الشناوي..الإرهاب والكباب».

> عيش وسبني أعيش «طلعت زكريا... التجربة الدنماركية »

> أمك بس هي اللي تعرف مين أبوك « نبيلة عبيد.. الآخر ».

> ارقصوا ارقصوا «عفريتة هانم ».

> ماشي يا بني آدميين « محمد سعد..اللمبي ».

> صابرين وشاكرين وحامدين..إعمل حاجة بقي «فريد شوقي ..الكرنك».

> إحنا صغيرين قوي يا سيد...لا يا أمي إحنا كبار بس مش عارفين نشوف نفسنا «سناء جميل وأحمد زكي..اضحك الصورة تطلع حلوة».

> نزل إيدك يا خال دم هنادي بينقط منهم «فاتن حمامة..دعاء الكروان».

> كلكم أقطاي «تحية كاريوكا..وا إسلاماه».

> مشكلة أبويا إنه مش قادر يصدق إنه أعمي «شريف منير..الكيت كات».

> ماحدش بيتجرح قوي غير اللي بيحب قوي «مصطفي شعبان..أحلام عمرنا».

> عالم و*** « محمود عبد العزيز ..الكيت كات» .

> عارف الإنسان بيقابل مين في آخر الرحلة؟...الشيطان؟...ياريت ! ده بيقابل نفسه «عزت العلايلي..الاختيار»

> قول ورايا يا يحيي.. مصر هتفضل غالية عليا «محسن محيي الدين.. وداعا بونابرت».

> طظ.. «حمدي أحمد ..القاهرة 30».

> الجواز مش للغلابة اللي زينا «أحمد زكي ..الحب فوق هضبة الهرم».

> أنا حلمي كان صغير وفضل يصغر يصغر لحد ما اختفي ومابقتش أشوفه «علاء ولي الدين..عبود علي الحدود».

> كلنا مجرمين وكلنا ضحايا «كمال الشناوي..الكرنك».

> إنهم جياع يا عظمة السلطان «الناصر صلاح الدين».

> أنا حاسس إن ربنا بيعذبني في الدنيا عشان شايل لي فرحة كبيرة قوي في الآخرة «حسين فهمي..الإخوة الأعداء».

> دقيقة واحدة تفرق يا آمال «زكي رستم..نهر الحب».

> أي كلام يتقال بحماس لازم يتسمع بحماس «سعاد حسني..خللي بالك من زوزو».

> الراجل اللي يسلم نفسه لواحدة ست زي الست اللي تسلم نفسها لراجل مافيش فرق «عبد الوارث عسر..شباب امراءة».

> ملعونة الست اللي يحبها جوزها وتفرط فيه «تحية كاريوكا..لعبة الست».

> اللي مالوش أهل الحكومة أهله «راقية إبراهيم..زينب».

> كلكوا بقيتوا فتوات؟أومال مين اللي هينضرب؟ «توفيق الدقن...الشيطان يعظ»

> إحنا لو رحنا الجنة مش هنلاقي حد نعرفه.. «عادل أدهم.. الراقصة والطبال».

> اللي يشوف البلد دي من فوق غير اللي يشوفها من تحت «عادل إمام..طيور الظلام».

> كنتُ مُغفلا «عبد المنعم مدبولي..الحفيد».

> انت مابتحبش أمك عشان هيه أجمل واحدة «حسين فهمي..مافيا».

> إحنا في زمن المسخ «عادل إمام..يعقوبيان».

> واطيعوا الله والرسول وأولي الأمر منكم..أنت هتكفر يا بني؟ «البارودي..الزوجة الثانية».

> الحشيش لو حلال أدينا بنشربه.. لو حرام أدينا بنحرقه «نور الشريف....العار ».

> أنا مش شايف في مصر غير بيبان مقفلة «محمد العربي..حمام الملاطيلي».

> الراحة مابتجيش غير بطلوع الروح «شكري سرحان..اللص والكلاب».

> يالك من شنقيط « عبد المنعم إبراهيم .. إسماعيل يس في الأسطول»

> أنا الدموع اللي بتفضح صاحبها «شكري سرحان..اللص والكلاب».

> ستات المعادي يتعدوا علي الصوابع «أحمد رمزي..بنات اليوم».

> أنا بني آدم يا سي محمد «فاطمة رشدي..العزيمة».

> أنا مشيت ورا قلبي اتجرحت..مشيت ورا عقلي اتجرحت أكتر «بوسي ..حبيبي دائما».

> مافيش حاجة مالهاش ذاكرة «عمرو واكد.. جنينة الأسماك».

> أنا أمي بتتخن من الجوع «عمرو سعد..حين ميسرة»

> أنا لوكنت باعلم كلاب كان زماني بقيت مليونير بس انا بتاع بني ادمين «الريحاني..غزل البنات»

> الكونياك... مشروب الفتاة المهذبة «إستيفان روستي»

> قٌدام متكهرب «أشرف عبدالباقي.. علي جنب يا اسطي»

> الذين يحبون لا يتزوجون «نور الشريف..السكرية».

> الغازية لازم ترحل «توبة».

> ومن الذي جعلهم أعداء؟ «الناصر صلاح الدين».

> عملوا لك إيه الناس يا زرياب «أشرف عبد الباقي..آيس كريم في جليم».

> مادام بطيخ مولانا أقرع يبقي مولانا أقرع «فريد شوقي..السوق».

> يعني العين ماعادتش تشوفك تاني يا أخويا؟ «سعاد حسني..شفيقة ومتولي».

> ياما بيوت مليانة رقاصات مابيشتغلوش في كباريهات «سامية جمال ..الرجل الثاني».

> علي ايامنا البنات كانوا بيتمنوا أي حاجة فيها شعر وريحتها سجاير « هدي سلطان عودة الابن الضال».

> اللي اتعود يعيش إله .. صعب إنه يعيش عبد « خالد صالح .. الريس عمر حرب».

> البلد بقت قاسية أوي علي أولادها يا باشا « هند صبري عمارة يعقوبيان».

> ابن الجنايني بقي ظابط يا انجي « أحمد مظهر رد قلبي».

> كل اللي بيروحوا السينما هيدخلوا النار «محمود حميدة بحب السيما».

> الحب عند الصعايدة حب صعب..«ميرفت أمين .. الحب قبل الخبز أحيانا».

> الموت أجبن من البني آدم لأنه بيجي له من ضهره بيجي له علي غفلة « فريد شوقي...السقامات».

> الفلوس بتيجي عشان تروح «جومانة مراد.. كبارية».

> في بلدنا ابن الضابط لازم يطلع ضابط وابن تاجر المخدرات لازم يطلع تاجر مخدرات «كريم عبدالعزيز.. خارج علي القانون».

> الحرامية لما يتخانقوا مع بعض.. الحكومة بتطلع منها «عادل إمام... اللعب مع الكبار».

> المجتمع مش غفور رحيم «عبد الوارث عسر.. شباب امرأة».

> هو فيه حد في الدنيا يقدر يحوش من المرتب؟ «رشدي أباظة..عالم عيال عيال».

> لما الواحدة تعوز تعمل حاجة ماحدش يقدر يمنعها «سعاد حسني.. غصن الزيتون».

> واحد مصاحب علي علوكة وأشرف كوخة عايزينه يطلع إيه؟ «محمد سعد ..اللي بالي بالك».

> جاتكم القرف مليتو البلد « محمد هنيدي..جاءنا البيان التالي».

> ممكن توقف لي القطر؟ «يسرا...المنسي».

> السجن علمك حاجات و***.. وانت السوق علمك حاجات أ*** «سعاد حسني ..الحب في الزنزانة».

> أنا أهلس آه..لكن أخون صاحبي لأ « تامر هجرس..عمليات خاصة».

> كلنا زي بعض..زبالة «ليلي علوي.. المساطيل».

> شعبي يقول عليا إيه؟ «أحمد زكي ..السادات».

> ماحدش بياكلها بالساهل «نجمة إبراهيم..ريا وسكينة».

> ورحمة أبويا تعبت «مني زكي.. سهر الليالي».

> إنتي أجمل مكنة شفتها في حياتي «فؤاد المهندس..عائلة زيزي».

> ماتبسطهاش أكتر من كدة «عبدالسلام النابلسي.. شارع الحب».

> الأفكار ليها أجنحة ماحدش يقدر يمنعها توصل للناس «سيف عبدالرحمن.. المصير»

> مسيرها تروق وتحلي «أحمد زكي...أحلام هند وكاميليا».

> أنا خايف التعويرة تفضل تكبر تكبر لحد ما تضيّق علينا المكان «محمد سعد..كركر».

> إنتي مادخلتيش دنيا؟ ولا دخلتي وبتستعبطي؟ «عادل أدهم..ثرثرة فوق النيل».

> بلدي قوي يا حسين «يوسف وهبي ...إشاعة حب».

> الرجالة مابيحملوش يا عبده «خالد الصاوي... عمارة يعقوبيان».

> وأما أحب أكلم شعب مصر أكلم مين؟ «محمد صُبيح.. وا إسلاماه».

> إزاي أولاد الحاج عبد التواب مايعرفوش أصول التخزين؟ « العار».

> الشيء اللي ماينفعش نعمله قدام الناس يبقي ماينفعش نعمله خالص «سعاد حسني ..أميرة حبي أنا».

> كل الستات كدابين واللي يصدقهم المغفلين «نجيب الريحاني.. لعبة الست».

> الخطة الخمسية معمولة علشان الأجيال اللي جاية... طيب والأجيال اللي عايشة دلوقتي تعمل إيه ؟« لبلبة.. معالي الوزير»

> إنتو عيلة و*** وريحتكو فاحت من زمان «سهير المرشدي ..عودة الابن الضال».

> البني آدم لما بيموت ..روحه بتطلع فوق ... وجسمه بيتدفن تحت... وبتفضل سيرته علي لسان الناس. «فريد شوقي ... أصدقاء الشيطان»

الشيء اللي ماينفعش نعمله قدام الناس يبقي ماينفعش نعمله خالص «سعاد حسني ..أميرة حبي أنا»

> مادام بطيخ مولانا أقرع يبقي مولانا أقرع «فريد شوقي..السوق».

يالك من شنقيط "إسماعيل يس في الأسطول"

البني آدم لما بيموت ..روحه بتطلع فوق ... وجسمه بيتدفن تحت... وبتفضل سيرته علي لسان الناس. «فريد شوقي ... أصدقاء الشيطان»
افضل 100 جملة سينمائية يمكن كتابتها علي مؤخرات الميكروباصات والتوك توك ..! عمر طاهر 977193

افضل 100 جملة سينمائية يمكن كتابتها علي مؤخرات الميكروباصات والتوك توك ..! عمر طاهر 977193

شكرا عمر وتمورو :)

افضل 100 جملة سينمائية يمكن كتابتها علي مؤخرات الميكروباصات والتوك توك ..! عمر طاهر 692881

على فكره كلهم احلى من بعضهم بجد تسلم يا واد افضل 100 جملة سينمائية يمكن كتابتها علي مؤخرات الميكروباصات والتوك توك ..! عمر طاهر 166815

بس انت نسيت حاجه مهمه كانت ثانويه عامه ف امتحان الرسم :

* إسلام و اسراء

ترجعلنا بالسلامه يا بابا

الله يمسه الواد سونه بقى كان شااااااااااااااااااااااااهد على العصر اياااااااااااااااام بقى افضل 100 جملة سينمائية يمكن كتابتها علي مؤخرات الميكروباصات والتوك توك ..! عمر طاهر 62621

افضل 100 جملة سينمائية يمكن كتابتها علي مؤخرات الميكروباصات والتوك توك ..! عمر طاهر 62621

ههههههههههههههههه جامدين كلهم يا حبيب قلبى قريت نصهم ولسه الباقى
وفى اكتر من واحده عاجبنى..تسلم على الموضوع افضل 100 جملة سينمائية يمكن كتابتها علي مؤخرات الميكروباصات والتوك توك ..! عمر طاهر 166815

طب خد دى لعمر طاهر برضه

بيقول مصر البلد الوحيده اللى الميتين فيها هما اللى بيصرفوا على الاحياء

هههههههههههههههههههههه

شوف ممياوات الفراعنه بتدخلنا دخل اد ايه

تمام يا شقيق افضل 100 جملة سينمائية يمكن كتابتها علي مؤخرات الميكروباصات والتوك توك ..! عمر طاهر 62621

أنا حلمي كان صغير وفضل يصغر يصغر لحد ما اختفي ومابقتش أشوفه «علاء ولي الدين..عبود علي الحدود».

انا فاقده الامل خالص

موضوع جميل

حلوين أوى , تسلم ع الموضوع

> الأفكار ليها أجنحة ماحدش يقدر يمنعها توصل للناس «سيف عبدالرحمن.. المصير»

> مسيرها تروق وتحلي «أحمد زكي...أحلام هند وكاميليا».

دول اكتر جملتين عجبونى

الحشيش لو حلال أدينا بنشربه.. لو حرام أدينا بنحرقه

موضوع جاامد

أنا الدموع اللي بتفضح صاحبها «شكري سرحان..اللص والكلاب».

عارف الإنسان بيقابل مين في آخر الرحلة؟...الشيطان؟...ياريت ! ده بيقابل نفسه «عزت العلايلي..الاختيار»

الصراحه كلها جمل ولا كلمه..تسلم يا هالك
وانا اخترت منها دول عشان ليهم مواقف عندي...
افضل 100 جملة سينمائية يمكن كتابتها علي مؤخرات الميكروباصات والتوك توك ..! عمر طاهر 166815

عشان مصر تعيش أغلي الناس بتموت«ماجدة..العمر لحظة».
> كنتُ مُغفلا «عبد المنعم مدبولي..الحفيد».
وأما أحب أكلم شعب مصر أكلم مين؟
الجمل جااااااااااااااااااااامدة اوووووووووووووووي
تسلم ايدك ودول اكتر 3 عجبوني

أنا حلمي كان صغير وفضل يصغر يصغر لحد ما اختفي ومابقتش أشوفه «علاء ولي الدين..عبود علي الحدود».
يالك من شنقيط "إسماعيل يس في الأسطول"
> كلنا مجرمين وكلنا ضحايا «كمال الشناوي..الكرنك».

جميلة الجمل بجد تسلم عالمجهود

اقتباس :: > ارقصوا ارقصوا «عفريتة هانم ».

> اللي يشوف البلد دي من فوق غير اللي يشوفها من تحت «عادل إمام..طيور الظلام».

> واطيعوا الله والرسول وأولي الأمر منكم..أنت هتكفر يا بني؟ «البارودي..الزوجة الثانية».

> الحشيش لو حلال أدينا بنشربه.. لو حرام أدينا بنحرقه «نور الشريف....العار ».

> طظ.. «حمدي أحمد ..القاهرة 30».

My Favourite

كلهم حلوين اوى بس دى اكتر واحده عجبتنى
الشيء اللي ماينفعش نعمله قدام الناس يبقي ماينفعش نعمله خالص

وبوجه الشكر الى كل من محمد الانصارى وذاجيم وزملكاوى والبارون ونهاوماجيك وسولى داد وسام وبطوط ومستر اهلاوى ونرميين وسكوربيون وقمر الزمان وبابا وماما وخالتو اسماء ولحماده بمناسبه عيد ميلاده واحب اهدى الاغنيه الجايه ليهم كلهم ولاسره البرنامج الجميل ههههههههههههههههه

أفضل جملة فعلاً ممكن تتقال دلوقت

الحكومة ملهاش دراع علشان يتلوي

اها مناسبه للموقف جدا

ELGAMAL كتب:: وبوجه الشكر الى كل من محمد الانصارى وذاجيم وزملكاوى والبارون ونهاوماجيك وسولى داد وسام وبطوط ومستر اهلاوى ونرميين وسكوربيون وقمر الزمان وبابا وماما وخالتو اسماء ولحماده بمناسبه عيد ميلاده واحب اهدى الاغنيه الجايه ليهم كلهم ولاسره البرنامج الجميل ههههههههههههههههه

» حبيبة بابا بقلم عمر طاهر
» مقاله للرائع والمتألق دائما عمر طاهر ...
» الشاب بيرقص عالتربيزه والفلوس نازله عليه ...وهيصه..ادى اخره الميكروباصات
» هناك دائما ً(4) أشياء لا يمكن إصلاحها.. كيف ؟
» كيف يمكن التعامل مع الرجل العصبي