رأيكو ف الخطاب التالت...!!

هو ما قالش جديد

ما كل ده قاله احمد شفيق

بالنص

هو ما جابش جديد

ونيجى تانى للموضوع الشائك الازلى من الاول

الفرخه ولا البيضه


هههههههههههههههه


الكل يدور فى دائره مفرغه

طبعا بعد ما الناس قالت انه هيتنحى والاستخبارات الامريكيه توقعت ده ونقلته على لسانها الكل كان

منتظر التنحى او الجيش يمسك الحكم لمده سنه عقبال متكون كل حاجه تمام واكيد طبعا الكلام اللى قاله

مرضاش الناس اللى كانت مستنيه اللحظه دى

وبجد انا كل اللى هاممنى حاله الناس اللى بجد خلاص فلوسها خلصت ومعدش عندهم حاجه ف ناس باعت حاجتها ولاول مره اعيط من ساعه اللى حصل لما لقيت ناس كبير بتعيط وبتقول نجيب منين
والناس اللى ف الميدان طبعا مش عايشين معانا خالص وربنا يستر بقى من اللى هيحصل بكره
وبجد حرام يتهدر دم شبااااااااااااااب تانى كده كفايه يااااااااااااااااااااااااارب يحقن دماء المسلمين

اما بقى اجتماع الجيش فممكن يكون علشان تلميحات رئيس اركان الولايات المتحده على قناه السويس
او ممكن علشان الحاملات الامريكيه اللى ف المياه الاقليميه على قرب من حدود مصر الجغرافيه
او حتى اسرائيل اللى طبعا خايفه بعد كلام ممثل الاخوان على الجزيره ان معاهده السلام لازم يتنظر
فيها تانى واكيد ممكن تقل بعقلها وتاخد شريط من سيناء اللى اخدناه بالسلام

بجد الوضع مش مستحمل خاااااااااااااااااالص اى حاجه غير ان نتجمع ونلم شملنا وتستقر الاوضاع
وطبعا انا لو اللى ف الميدان لازم يمشو كده كفايه كله هيقولى انت عميل للنظام
على فكره بكره ممكن الثوره الشعبيه تمتد لاكتر من مكان وبردوا تسيطر على اماكن تانيه وترجع
البلد لحااااااااااااااااااااله الركود تانى
بس لازم ناخد ف بالنا ان ف 40مليون مواطن مصرى رزقه على اده والله اعلم ممكن الناس دى
تعمل ايه ؟ او حتى الناس اللى ف الميدان والمؤيدين ليهم يعملو معاهم ايه؟

Scorpion كتب:

هو لا شك إن اللي بيحصل ف البلد

من مظاهرات و إضرابات و عدم أمان

مسبب حاله من الركود و هتستمر لحد فتره كمان

بعد ما الهوجه تخلص " الله أعلم إمته بقه "

و فعلاً زي ما إنتا بتقول في ناس كتير فلست

- بمعني الكلمه مش هزار -

بس لو الريس بتاعك كان مقدر اللي بيحصل

من خراب و دمار بسبب مطلب مفيش مفر من تنفيذه

لو بيحب بلده بجد زي ما بيقول مش يسيبها تولع

و يرمي خطاب عامله عيل ف 5 إبتدائي و يسافر يتعالج


مش غلطه أي شاب إنه بيطالب بحق

دي غلطه الحاكم بتأخره و عنده المستمر

و ده إسمه لوي درااااع

عشان الناس تجوع و يرجع يتحكم تاني

هو مش هيحكم تانى خلاااص خلصت الكلام ده كان زمان

وبيتهيالى هو قدم حقوق كتير الفتره اللى فاتت اللى هى طبعا من حقنا

بس بردوا هو عاوز هو عاوز يقضى فترته ويسلم السلطه لاى واحد يختاره الشعب

وبعدين ليه متقلش هو خايف من الفوضى اللى هتحصل لو مشى

تفتكر هو كتير اننا نستنى شويه لحد متتنقل السلطه سلمى؟

ونعيش ف امان الفتره دى ونجنب نفسنا المخاطر اللى ممكن تحصل ؟

وهل الناس اللى ف التحرير هيمشى لو هو رحل ؟

Scorpion كتب:

كلامك 50% منه صح و الباقي غلط

لإنك لو فضلت قاعد معاه بايظه

ولو مش معاه بردو بايظه

لإن إقتصادك خلااااااااااص راح

و البلد خربت يعني معدش في مجال

للعوده مره تانيه



معرفش والله يا محمد الراجل ده عايز إيه

بس كل اللي أعرفه إن معظم الخطاب

مكنش متوجه لينا م الأساس


لو لاحظت حركات الريس هتلاقيه بيتكلم

بـ بادي لانجويج فيه تحدي رهيب

مش لينا .. لكن للدول اللي عماله تدي أوامر من بره

بيتحدي بره ع حساب شعبه



كفايه إن ف عز ما الإستخبارات الأمريكيه طلعت منشور رسمي

إنه هيتنحي و واشنطن كانت متوقعه ده يحصل يخيب آمالهم

الموضوع ده مش هيعدي ع خير و هنبقي زي العراق لو مبطلش عند


عند رهيييييييييييييييييب

دا على فكره مش عيند دى عقيده عسكريه مش هيسيب الدنيا ويجرى ويديها دهره

طب لو الجيش كان شايف انه يمشى ليه معملش انقلاب عليه دا ناس من الشعب معاهم؟

لانهم ممكن يكونوا بيبصوا لابعد من كده

على فكره علشان كلامى دا ميتفهمش غلط انا مؤيد للاستقرار مش للنظام

وطالما الاستقرار ف استمراره يبقى موجود لحد ميخلص فتره حكمه

وعاوز بردوا تركز 5 دقايق بعقلك كده وبقلبك وتفكر ف الناس اللى مش لاقيه دى هتعمل ايه؟

لما تلاقى راجل يمكن اكبر من ابوك بيعيط ومش عارف ياكل عياله ؟ ولا الطفل اللى ملوش

ف اى حاجه وميعرفش حاجه؟ عارف انت ممكن تحس بده امتى كمان لما تلاقى حد عزيز عليك

ووقع منك فجاه وانت ومعكش توديه للدكتور او تجبله علاج ساعتها هتفهم انا بقصد ايه.

طب ليه واحنا ممكن حياتنا تمشى بالتدريج لحد منوصل للى عاوزينه بس بالعقل

تفتكر ان من الديموقراطيه اننا نقوله امشى دلوقتى ؟ ومنسمعش اى كلام من اى حد معارض لرأينا

يا حبايبا قلبي

قطع غيار الاسلحه بتتجاب منين

العراق اتقطع عنها قطع غيار الاسلحه لمده 10 سنين وامريكا جت

يدوبك حركت طيارتين ودبابتين هوبا احتلت العراق

جيشنا بيعتمد بشكل كبير على قطع غيار امريكيه

واغلب اسلحته الوقت بنستوردها من امريكا والسبب السادات الله يجحمه

وبتهدد بالتدخل

يبقي تفتكر القياده العسكريه هتضحى بالشعب والجيش و تشترى مبارك

طب لو انت بتقول ما اتخلوش عنه

ليه عملوا مجلس بدونه مع انه المفروض القائد الاعلى للقوات المسلحه


بعدين لسه الله اعلم بيان رقم 2 هيقول ايه

وما اخدتش بالك من البيان رقم 1 بيقول انعقاد المجلس بشكل دائم

ودى ما بتحصلش غير فى اقصى حالات التهديد سواء داخلى او خارجى