رأيكو ف الخطاب التالت...!!

انا يهمينى من الفيلم ده كله الناس واللى ممكن يحصل

تقولى امريكا وقطع سلاح وسادات اقولك احنا دلوقتى المهم ايه اللى ممكن يحصل ؟

وعلى فكره اجتمعوا من غيره لانه ممكن يكون مش موجود ف البلد اصلا او ممكن موجود وبيشتغلنا

يعنى انتوا شايفين الحل فين دلوقتى ؟ الناس تفضل واقفه وتحتل اماكن تانيه وممكن تزحف لقصر الرئاسه

وتبقى ولعت ؟ ولا ان الجيش يمسك البلد ويحكمها من غير دستور بالاحكام العرفيه يعنى لمده معينه لحد
ميتعمل دستور جديد وترجع البلاد لوضعها ؟

على فكره انا متوقع ده انه الجيش يعلن انه هيحكم البلاد وهيطير النائب وساعتها هيبقى شالو النايب مش
الرئيس وبكده هو يكون بره البلاد اصلا

ممكن يكون دا صح لان حاسس ان قيادات الجيش متفقه معاه على حاجه مش عارف ليه وبردوا ممكن
يكون غلط الله اعلم بقى

انا عارف ان ف ناس عماله دلوقتى بتشتم فيا بس معلش ربنا يسامحكم

وياريت اللى يشتم يشتم ف سره مش يزعق ويلم البيت كله وهو بيشتم

عمر كتب:

those who choose security over liberty deserve neither ..Benjamin Franklin

من يقومون بنصف ثورة يحفرون قبورهم بأيديهم ...محمد سمير هجام (مش عارف سارقها ولا جايبها منين)

من على مودرن سبورت واحد قالها
انصاف الثورات تحفر قبور اصحابها

ELGAMAL كتب:

مش عاوز اقول رأيي لانه هيزعل ناس كتير مش عاوز ازعلها
مش عارف انهى منطق اللى بتهجموا بيه ناس رايحه تجيب حقوا وانتوا قاعديين ف بيوتكوا
انهى منطق اللى يخليك تقول للناس دى ارجعوا ويبقوا هما مصدر المشكله مع ان المشكله فى كلمه مع شخص احقر من انى اذكر اسمه يعنى هو ف روح امه هيتعب لو قال اتنحى ولا هو خايف ليتحاسب ع المليارات اللى اخدها ولا خلاص الكرسى لزق ف... معدش عارف يسيبه وكأنه مصر على اننا منسواش حاجه
محدش قادر يصبر خلاص ولا الاقى واحد بيمصمصلى ف شفايفه ويقولى والله هتعرفوا قيمته بعد ما يمشى يا اخى ايكش يولع هو عارف ان الامور هتوصل للاشتباك بالجيش وافتكر ان مصلحه الجيش ان يفضل كفه الشعب على كفه الرئيس السابق
وده اللى انا حاسس انه حصل انهم كانوا اخدوا قرار خلاص بالتنحى وانهم يمسكوا البلد بس فيه حاجه حصلت ورجعوا ف القرار ده
الامر بكره هيخلص والناس هترجع تاكل عيش تانى متقلقوش بس شوفوا مين السبب الاول ف قطع لقمه العيش وبعديين ابقوا اتهموا الشباب اللى ف التحرير

كل اللى حصل ده بين حاجات كتير وعلى عينك يا تاجر

بين المحترم وبين الفاسد

بين اللى بيفهم واللى بيدعى الفهم

بين ان مصر مش وحشه لكن اللى كانوا ما سكينها هما اللى ولا ستين ....


ولسه لغايه كل قرش ما يرجع لينا

من شله الحراميه