محتاجين نختار اسم لتوتة كل اللي عنده اسماء بنات حلوة يدخل يقترح علينا

لسلام عليكم ورحمة الله وبركاته
من اربع ايام اعز صديقة ليا رجعت من السعودية المفاجأة انها مكانتش لوحدها كانوا اتنين
توتة ده الاسم الحركي المؤقت للبيبي حاليا "يارب توصل بالسلامة.... ادعولها"
المهم السؤال اللي بيؤرق بال الأمة حاليا هوه
هنسمي توتة ايه ان شاء الله؟!!!!!!!!!!!!!
فلو سمحتم كل اللي عنده اسم بنوتة لذيذ وجديد ومعناه حلو يشارك معانا ويقترح اسم لتوتة لأن أم توتة جننتني خلاص

اقولها أسيل.....تقولي هيتريقوا عليها ويقولولي غسيل
اقولها أسمي"ايون المسلسل التركي".........تقولي هيندهولها ياللي ماتتسمي
اقوله هينار........تقولي لاء اسم متدلع
مش عارفة ليه مطلعش ولد كنا خلاص اخترناله الاسم خلاص.............."عتريس"

عشان كده انا بوجه الدعوة الي اصحاب القلوب الرحيمة بنات وشباب :
ساعدونا في اختيار اسم لتوتة
ومين قدم اسم بيداه التقاه
وهنيالك ياللي هتساعدنا في اختيار اسم لتوتة
وشكرا لوقتكم وعقبال مانلاقي اسم لتوتة

ياااااه شكرا شكرا شكرا
شكرا لماجيك جيرل وشيمو ولوست ومانا وستوب
مش عارفة اقولك ايه ربنا ما يغلبكوا في اسم ولادكوا
جاري تسجيل جميع الأسماء وربنا يهديها وتختار اسم وتريحنا بقه
ومعاكي والله يا ستوب ماله مريم؟
يللا يا جماعة كل اللي عنده أسماء تانية يشارك معانا اصل الأخت معاها قايمة بكل الأسماء العجيبة والمشكلة انها مش عاجبها ولا اسم "اصحاب تخنق"