اللي يؤيد الكابتن حسام البدري يدخل بسرعه الموضوع يستاهل المشاركه(للاهلاويه فقط)

اولا شكرا علي دخولكم
وثانيا يا ريت اللي يدخل ويرد يكون اهلاوي خالص حتي النخاع
مع احترامي الكامل للزمالكويه
وعدم احترامي للاسمعلاويه البراطيش
المهم ايه رايكوا في مستوي الاهلي مع الكابتن المحترم حسام البدري
انا اول واحد هقول رايي
انا شايف انه ناجح لحد دلوقتي في الخطه الجديده
الراجل ماسك اللعيبه من فتره قصيره جدا
وما شاء الله عليهم حفظوا حوالي 70% من الخطه وده دليل علي النجاح
طبعا مفيش حاجه كامله لان الكمال لله سبحانه وتعالي
بس لازم اللعيبه تغلط علشان تتعلم من الاخطاء دي
وماتش الحرس اول درس للعيبه ولازم نصبر عليهم شويه
وانا من موقعي هنا بقول
اهلاوي وجاي الليله علشان اقول
وراك يا اهلي مهما العمر يطول
اولاد صالح سليم
علي الفوز دايما ناويين
انصر فريقنا يا رب العالميييييييييين

ارجو المشاركه

نعطي له الفرصة الكاملة قبل الحكم عليه

انا رايى من رايك يا كبير

ومن رايى اللى يحكم على مدرب من اول ماتش يبقى........مالوش فى الكوره..........

شكرااااااا يا كبير

شكرا ليكم علي مروركم
علي فكره انا عارف انه مينفعش نحكم عليه كده من الاول
بس انا رايي علي المستوي العام
او النظره الاوليه للفريق
والانطباع العام بس
يا ريت يكون المقصود وصل
وشكرا

الكابتن حسام البدري بيحب نادي الاهلي جامد واكيد هيحاول يثبت نفسه ويحط خطط للاعيبه كويس علشان

يشرف النادي الاهلي والجماهير كمان ربنا يوفق الاهلي لانه بجد نادي تمام وكل الاعيبه متعاونين وان شاء الله

من نجاح لنجاح ويارب المبارايات الجاية تكون احسن ونفوز شكرا لموضوعك يا هيرو

اهلاوية وافتخر

شكرا ليكي نرمين علي مرورك الكريم
ويا رب يكون الموضوع عجبك
وزي ما انت بتفتخري ان انتي اهلاويه
الاهلي بيفتخر انه عنده مشجعه جميله زيك
واحنا كمان فرحانين ان انتي اهلاويه زينا
ربنا يخلينا للاهلي نشجعه بحماس
ويخلي الاهلي لينا يفرحنا كمان وكمان

ياخد فرصته لانه عاوز يطبق طريقة لعب 4-4-2 ودي طريقة جديدة فلابد ان ياخد فرصته قبل الحكم عليه

شكرا على كلامك يا مستر اهلاوي

شكرا مرورك يا سمسم
وشكرا مرورك يا حريف بك
وعلي فكره احنا كلنا ورا الكابتن حسام البدري لحد اخر المشوار
انشالله ما ناخدش السنه دي ولا بطوله بس لازم نصبر لحد ما الطريقه الجديده تاخد وقتها براحتها
ما حرس الحدود اخد فرصته حوالي سنه ونص عقبال ما بدأو يعرفو يلعبوا بيها كويس
وان شاء الله انا عندي امل كبير في حسام واللعيبه بعد ربنا ان الاهلي ياخد وقت اقل من كده بكتير
وبالتوفيق للاهلي دايما

وانا معاك فى كلامك يا هيرو
لابد ان نترك له فرصة زى مانويل جوزيه
اشمعنى البدري منسبيهوش زى مانويل جوزيه علشان نشوف فكره
ومهما حصل انا مقتنع بحسام البدري
وانا كاهلاوي ميهمنيش بطولات السنة دي بس على الاقل نكسب مدير فنى شاب اسمه حسام البدري

تسلم يا حريف
قول ورايا
اللهم ادم لنا الاهلي
ولا تشمت فينا لا زملكاوي ولا اسماعيلاوي
ربنا يخلي الاهلي لينا كده دايما مفرحنا
شكرا ليك يا حريف

مش عارف هما الاعضاء مش متابعين معانا ليه
مع اني اعرف ان معظمهم اهلاويه
يمكن الموضوع مش حلو
الله اعلم
هسيب الايام هيا اللي تثبت
وعلي العموم برضو عندي ثقه في باقي الاعضاء
وبشكر الاعضاء اللي شرفوني

HIERRO كتب:

شكرا ليكي نرمين علي مرورك الكريم
ويا رب يكون الموضوع عجبك
وزي ما انت بتفتخري ان انتي اهلاويه
الاهلي بيفتخر انه عنده مشجعه جميله زيك
واحنا كمان فرحانين ان انتي اهلاويه زينا
ربنا يخلينا للاهلي نشجعه بحماس
ويخلي الاهلي لينا يفرحنا كمان وكمان

شكرا لردك يا هيرو ربنا يخليك

اى واحد يشجع الاهلي لابد ان نحترم الزمالك
لان الزمالك نادى كويس
نشجع الاهلي دون تعصب والعكس للنادي الزمالك

شكرا لردك يا حريف

انت فعلا حريف في اسلوبك في الكلام

وانا احترم وجهه نظرك

هي الناس مبتحبش الكابتن حسام البدري ولا ايه؟

ولا انا اللي مش عارض الموضوع بشكل كويس

يا رين اعرف من الاعضاء المحترمين