"اسأل مجرب" .... اقتراح جديد

ااوك واللله فكره جميله واهو نتعلم كام اكله عشان نحس اننا بنات ههههه ونعمل طبعا قسم للطبخ واقترحي على مدير المنتدى

شكرا ليكي يا انجلش ولو محتاجه اي حاجه في المطبخ انا تحت امرك يا قمر

ماشو يا هولو انا موافقه بس لازم يكون الاكلات من اللى احنا بناكله

ايه دا احنا طلع عندنا مواهب فى المنتدى واحنا مش عارفين

ههههههههههههههههههههه طبعا يا كوين انتي وستوب وان شاء الله
هتبقوا احسن بنات تطبخ 0000 يلا حد عايز ياكل معايا؟؟؟؟؟

الهي يكرمك يا لولتي يارب
ايوه كده يابنتي انقذينا نلحق نتعلم اي حاجه
موافقه جدا علي الفكره
بس اللي يقول حاجه يكون جربها واللي يشوفها يجربها بردو ويقول رايه فيها
وطبعا اللي عاوز حاجه معينه يطلبها
بس لو طلبنا قسم كامل كده عمر معتقدش هيوافق
ياللا باقي البنات تقول رايها
تسلمي يالولتي علي الافكار الجامده

ماشى يا هولو بس انا فعل مش كلام وبس ماشى

طيب00هنبدأبطريقة عمل حتة اكله بس في الجون
هي

الرز و العدس
المقادير :
كيلو ارز ابيض
كيلو عدس اصفر
مقدار من الزيت او السمن00حسب الرغبه

الطريقه
1- يخلط الارز والعدس معا في اناء الطبخ
2- يغسلو جيدا حتى يصبح لون ماءهم شفافا نظييييفا
3-نضع مقدارا من الملح لظبط الطبخه
4-نضعهم على البوتاجاز في نار عاليه حتي يبدأ الاكله في الغليان ثم نجعل النار هادئه ثم نغطي الاناء ونترك منه ثقب لخروج البخار الزائد
5-عندما تمتص الاكله كل الماء وتنضج نبعدها عن النار
6- نضع اناء به مقدار من الزيت او السمن00حسب الرغبه حتى يسخن جدا "يقدح"
7-نسكب الزيت او السمن السخن على الاكله ونقلبها ثم نغطيها ونضعها على نار ولكن هادئه جدا لمده 5 دقائق تقريبا
8-نغرف الطبخه في اناء التقديم مع تزيينه بالخضره البسيطه

ملحوظه :يجب تقديمها مع المقبلات البسيطه مثل :
البطاطس المحمره-البيض المسلوق - السلطه المكتملة العناصر - البصل الموضوع في الخل

وبالهنا والشفا000الى اللقاء مع اكله جديده مع هوللو
ان شاء الله المر ه الجايه يا بنات هنطبخ مع بعض00000شوربة عدس00ماتزهقوش
اصلنا يا بنات ماشين مع بعض وحده وحده
عن اذنكم انا رايحه آآآآآآآآآكل
ماتنسوش تغسلو سنانكم بعد الاكل يا حلوين

شكرا يا هولو بس هو كل مره عدس ماشى مش مشكله الحمد لله كلها نعمه ربنا

مااااااااااااااااااااشي ياكوين
عشان خاطرك المره الجايه هعمل لك
فراخ وملوخيه 0000راضي يا قمر؟؟؟ خدي بالك معايا كده00محدش رد على الرز والعدس شكلهم كده مش بيحبوه ولا ايه؟؟؟

انا بموت فيه يا هولو بجد الرز والعدس والعدس الشوربه رائع وانا هجيبلك طريقه اكله رائعه اوى بس كمان شويه

اسمعوا بقى يا جماعه
انا هقول لكم طريقه عمل المرغولا اكيد كتير ميعرفهاش بس هى طريقه سهله اوى.
المقادير:

ملوخيه ناشفه-بصله متوسطة- طمطماية- لمونة- زيت.

طريقه العمل:
نجيب البصله ونقطعها ونضع عليها 3 ملاعق من الملوخيه الناشفه ونضع ملعقه زيت وبعد ذلك نقطع الطماطم ونضعها على الملوخيه والبصله ونضع عليها ماء ثم نعصر عليها اليمون وبكده يبقى الطبق جاهز .
ويا رب يعجبكوا واللى مجربوش يجربه

يه الجمال ده بجد مش عارفة اقولكم ايه يا كوين وهولو بجد جبتم الديب من ديله زى ما بيقولوا غلبتم شيفات برنامج من كل بلد اكلة.... بجد بشكركم على موضوعاتكم وخطوة جميلة منكم بس دى حاجات سهلة جدا عايزين اصعب حاجة مش بتتعمل على كده انا ماهرة فى المطبخ بعمل لحوم ودواجن وخضار وبقوليات .. شاطرة من يومى يا خواتى

الاصعب اكيد هيجى يا توموروا بس واحده واحده لان اكيد فيه ناس مش بتعرف تعمل اى حاجه خالص وشكرا ليكى على الرد

رز وعدس
ماشي ياهوللو الله يسامحك
كله نعمه من ربنا طبعا بس يعني روقينا شويه

ماشي يا كوين انتي وتومورو وشيمو وشكرا يا ملكه ع المرغوله وورينا مواهبك و شطارتك يا بكره وانت كمان يا شيمو هنطبخ لك كل اللي انتي عايزاه بس وحده وحده يا قمر

شكرا ليكى يا هولو بجد الفكره حلوه اوى

بنوتاتي الحلوين جايبالكم حاجه تظبطكم شويه بعد العدس بتاع هوللو
اكلتي هي كريب باللحمه المفرومه
المقادير:
الكريب
2 كوب دقيق
2 بيضه
1كوب لبن
ملح وفلفل
بنحط المقادير دي كلها علي بعض ونقلب كويس وبتبقي سايله وبعدين نصفيها علشان تبقي خفيفه خالص
وبعدين نجيب مقلاه وبنحط فيها ملعقه زيت,وناخد 3 ملاعق من الخليط اللي عملناه ده ونحطهم في المقلاه علي نار هاديه خالص ودقيقتين ونقلبها علي الناحيه التانيه ودقيقتين ونشيلها,وبعدين نعمل الحشو بقه
الحشو:
لحمه مفرومه
بصله مفرومه
فلفل اخضر مقطع قطع صغيره
ملح وفلفل وبهار لحمه
الطريقه:
تحمر البصله مع الزيت وبعدين نحط اللحمه ونسيبه 5 دقابق علي نار هادئه وقبل منشيله من ع النار نحط الفلفل الاخضر والملح والفلفل والبهار
وبعدين نجيب واحده من الكريب اللي عملناه ونحط جزء من الحشو ونلفها علي شكل اسطوانه وبعدين نحطهم كلهم في صينيه ونحط ع الوش جبنه رومي مبشوره او بشاميل ونحطها في الفرن لمده ربع ساعه ونطلعها
وبالهنا والشفا
قولولي رايكوا بقه

شكرا يا شيمو هبقى اجربه ويا رب يطلع حلو

حلو اوي يا شيمو طيب ده انا حتى جعت وشكلي كده هاكل دراع كوين

كده يا شيمو هتخلى هولو تاكل دراعى معتيش تعملى اكل لتاكلنى كلى وانا عارفاها .هههههههههههههههه انا بهزر يا شيمو

ههههههههههههههه
تسلمي ياكوين وهوللو علي المرور
وكوين ابعدي عن هوللو احسنلك بقه

ههههههههههههههههههههههههههههههههه ماشي يا شيمو انتي اللي غليكي الدور بعد كوين00خافي على نفسك هههههههههههههه

يل حاجه هولو انتى مش هتكملى احنا على كده هنطبخ كل يوم رز وعدس