النهاردة حبيت ابتدى بموضوع كدة لذيذ يمكن تفتكرونى
ازاى تطفشى عريس جى وانتى مش عايزة
اولا:العريس جاى كمان اسبوع عايزاكى فى الاسبوع دة متفكريش مجرد تفكير انك تستحمى ولا تغيرى هدومك .
واوعى تفكرى تنفضى الشقة ولا حتى سريرك خليها كدة .
ثانبا:بصى يا ستى عارفة عم محروس اية عم محروس الزبال خالية يشوفلك عند بنتة جلبية تكون معفنة ومتغسلتش من 40 سنة علشان المحروس اللى جى يتفرج عليكى.
ثالثا:بصى يا ستى انا عايزة يو المحروس ما يكون جى تكون الريحة بتاعتك اية مسمعة والجيران يشتكو وابوكى وامك يسيبو البيت ويمشوا واخواتك يتخنقوامن الريحة طبعا .
رابعا:الشربات واياكى من الشربات وطريقة عملة ركزى وهاتى ورقة وقلم واكتبى وراية .
طريقة عمل الشربات :
طبعا عارفة عم محمود العطار روحى عندة وخلية يديكى بجنية ملج انجليزى وب2 جنية زيت خروع وب2 جنية بردقوش وب2جنية كركدية علشان اللون بس وبعدين اخلطيهم كويس ولو عندك ملح وشطة وفلفل هيبقى كويس اوى وبعدين بلاش سكر علشان غالى .
نرجع للموكوس يييييييي قصدى المحروس بصى بقى يا ستى
خامسا :المحروس واقف قدام الباب وفرحان بنفسة وبالبدلة اللى امة شحتهالة من عند ميزو جارهم خالى اخوكى الصغير يفتح ويتنح علية على قد ما يقدر مثلا عمو عمو انت جى لية عمو عمو جبتلى مصاصة معاك وكدة بقى ما انتى عارفة العيال وتناحتهم.
سادسا : البسى جلبية بكيزة بنت عم محروس الزبال وانكشى شعرك على قد ما تقدرى وحطى الشربات فى كوب بلاستك قال يعنى انت معندكومش كاسات واطلعى قدميها للمحروس طبعا الواد احتمال يجيلة انهيار عصبى فيها بس مش هينطق وهيبتسم قال اية انتى عجباة يعنى وتلقية عمال يعد الدقايق علشان يخلع واقعدى جنبة علشان الريحة توصل وسيبية بقى يشرب الشربات ههههههههههه بعد ما يشربة ب5 دقايق هتلاقى مش قادر يقعد وهياخد امة ويجرى على الشارع وبكدة يبقى انتى يا قطة طفشتى العريس اللى كان جى .
ملحوظة :
تانى يوم فى الجرنال هتلاقى اسمة فى صفحة الحوادث شاب فى مقتبل العمر يقدم على الانتحار هههههههههههه
طبعاا يا جماعة الموضوع دة مجرد هزار يارب يعجبكوا ومتنسوش الرد بقى
انا مقرتش كل مواضيع المنتدي فلو اي حاجة بنزلها متكررة قولولي
الجمعة 24 أبريل 2009 - 21:24
