ازاي تطفشي العريس ...الخطه رقم 555 خاص بالبنات فقط

بسم الله الرحمن الرحيم


نبدأ الخطة سوا:


1- لا تظهري لاهلك عدم الرضا ... (عشان تعرفي تكملي الخطة)



2- اهم شئ فى الخطة من يوم ما تسمعي بالعريس لحد ما ييجي اوعي تستحمي ,


خلي الريحة الحلوة تطلع ...
(ماتنسيش تفرمي بصل كتير واذا في ثوم خيييير و بركة ..)
طبعا
(انتي بتساعدي ماما ما حدش هيقول حاجة)



3- طبعا النهاردة اهل العريس عايزين ييجو يشوفو (قمر الزمان)





عشان كدا قمر الزمان لازم تفضل نايمة,,,,لقبل الموعد بساعة (عشان وشك يستريح وما يظهرش انه تعبان)






و بكدا بتكوني
ضيعتي على اهلك فرصة
انهم يكشفوكي.




4-اهل العريس جم... سلمي على امه بكل برود ...
واعملي نفسك قرفانة و شايفة نفسك>>بعدها اسحبي نفسك على غرفتك ... (عشان تزبطي نفسك امال ... - مش انتى لسة صاحية من النوم - )



و يلا نعرف خطوات احلى ميك اب ,
لاحلى مناسبة مناسبة :




1 - الكحل : الكحل جميل جدا على العيون ... اتكحلي ... بس خلي الكحل
فى عين اكتر من التانية..
وكدا بتضمني تكوني (حولة رسمي)



2 - كريم الاساس: اكيد عايزين كريم اساس بس على الشفايف ..
كدا يبان معاكي بفقر دم..........,,ياعيني مسكينة



3 - الشادو : طبعا الشادو هو اللي بيخبي البلاوي (وهو اللي بيبيّن البلاوي )
الشادو الاسود على العيون
و ثقلييييييييه مع شادو اصفر
على وشك بدل (البلاشر) ,,,,



و بكداااااااااا يبان معك كوليرا و بلهاريسيا.... هههههههه



و لازم تلبسي احلى موديل :خضرا (لون الخيار )
و بلوزة حمرا (لون الحب)



- يعنى من الاخر جو الوان الطيف -



و البسي طرحة من سنة الف و تسعمية و ستة وخمسين و السابو خشب من العصر الحجري...
تححححححفة




5- روحي عالمطبخ عشان تأخدي القهوة ... بس اوعي امك تاخد بالها من العك اللى انتى عاملاه




6- امشي بكل ثقة الى غرفة الضيوف ...
(كل ما تكون ثقتك بنفسك اكتر تباني انك خبيرة في الأمور دي)



... وكدا.... الفار يلعب فى عب ابو العريس ...
ويسأل نفسه>>مدام هيا خبيرة كدا
ليه اللي قبلنا طفشو؟!!



بس الفار فى عب ابو العريس مش كفايه...



لازم يلعبلو شويه فى عب العريس ذات نفسه هههههه



امسكي القهوة ... بصي بعيونه (واحولي عينيكي) ... المسكين بكون وقع
في الصدمة(من اول نظرة)
هو طبعا من شدة الصدمة هينسى القهوة... وطعمها المريب - بالشطة الحارة -
طبعا سيبي الرجالة يتكلمو في المهم .... (اماااااااااااااااااااال)
ارجعي لام العريس اللي عايزة تشوف جمال شعرك
(المرة دي مش هنعمل مقلب ... خليه حلو مافيش مشكلة ... سشوريه و زبطيه)
بس ..................
اقعدي اهرشي و اهرشي و اهرشي قدامها ...
تخيلي انه في حديقة حيوانات في راسك ...
(( لو كنتي مش محجبه يعني ))





ههههههههههههههههههههههههه مسكينة طنط (ام العريس)
اذا نفذتي الخطوات دى مية مية بأكدلك .. هتسمعي كلمة : " يا الله "
وتسمعي صوت ابوكي
بيقول للجماعة " شرفتونا" ... لانه الضيوف عايزين (يفلسعو ) قبل ما يتدبسو
بـ بلوة منيلة بستين نيلة....
اه رأيكم ايه رايكم ....





تنفع ؟؟؟ اكييييييييييييد




اما انت ايها الشاب المسكين



فعشان ما يتعملش فيك المقلب ده



>>>مقلب ... ؟؟؟
>>>ايوة طبعا مقلب



قبل ما تفكر تتجوز او تخطب ... تاكد جيدا انه فيك هذه الصفات
(حسب مؤسسة المقاييس و المعايير الدولية للبنات في زمن الفضائيات)



1- هيبة و جلال وتقى : سامي يوسف



2- رومانسية و جاذبية : تامر حسني



3- طولك طول احمد عز واذا اطول خير و بركة.



4-ثقافة : جورج قرداحي



5- اناقة : نيشان ديرهورتنيان



6-عندك مواهب : ابو تريكة



7- ضحكة وسنان : محمد حماقي ..
.( اموت واعرف ايه المعجون اللي بيستعمله ايه ؟؟ )



8-خفة دم : احمد حلمي ...

هههههههههههههههههههههههههه

يارب ما تحصل لحد

كله ده عشان تطفشه

طب ما تقوله ف وشه بدل ده كله

هههههههههههههه

الف شكر ليك يا حريف وموضوع جميييييييييييل

شكرا ليك على المرور الكريم

ميرسى جدا
انا فى امس الحاجة للخطة دى

ههههههههههههههههههههه
هههههههههههههههههههههه
شكراا على الموضوع

(ونسيت نظرة عينين أحمد زكي

اللي بتوه فيهم لما بأكون بتابع فيلم ليه

زي فيلم البريء مثلا...دي لو في أي راجل أنا هخطفه فورا)

بس ميرسي علي نصايحك يابروف

وأكيد هجربها بس لو اتسببت في مشكلة أو خناقة

هدعي عليك...ماشي

شكرا ليك ع الموضوع