محمد منصور .... و الكلب !

هذا الموضوع يعتبر جزء ثانى من رؤية اصبحت لدى بسبب ظرف طارئ طرأت على حياتى......و اعود واكرر اننى لا اقصد احد بهذا الكلام...ولكنه قد يكون نصيحة لمن يهمه الأمر...و قد يكون بصمة اتركها فى هذا المنتدى قبل ان اتركه قريبا

يوم الخميس الماضى احضر اخى من احد اصدقائه كلبا صغيرا جميل الشكل..لم يتعد عمره شهرين او ثلاثة اشهر على اكثر تقدير...اثار شكله اعجابى و اعجاب كل من شاهده و قررنا ان نقوم بتربيته خاصة اننى اكتشفت انه من الممكن ان تكون الكلاب اوفى من بعض الأصدقاء...و الأحباب
قمنا بتجهيز مكان له.....و تركناه فيه ......و قمنا بالنوم مبكرا لأنه كان لدينا عدة رحلات ستأتى فى الصباح الباكر........استيقظت صباح الجمعة على صوت انين منخفض...فاستيقظت و نزلت مسرعا الى مكان الكلب...فوجئت به مذبوحا بطريقة بشعة...ويجلس بجانبه الكلب الذى هجم عليه...ما حدث هو ان احد الكلاب المسعورة التى تتجول فى شوارع رأس البر اشتم رائحة هذا الكلب و رائحة الطعام الذى امامه...فتوصل الى مكانه و هجم عليه واصابه هذه الأصابات القاتلة....بمجرد دخولى هجم على هذا الكلب المسعور...ولكنى قمت انا و باقى عمال المكان بضربه حتى مات ........بعد ذلك و قفت ليس بيدى اى حيلة وانا اشاهد هذا الكلب الصغير يعانى من جروحه البالغة حتى مات

فكرت وقتها....كيف ان الوحدة شئ سئ جدا...تخيلت هذا الكلب الصغير وهو يقف وحده امام هذا الكلب الكبير....تخيلته وهو عاجز حتى عن الدفاع عن نفسه....رأيت انه مثل كل شخص فينا....قد تكون هموم و مشاكل الحياة اكبر منه.....قد تؤذيه مثلما فعل الكلب الكبير فى الكلب الصغير......ولكن الأستعانة بالله و التمسك به بالتأكيد ستنجينا من مثل هكذا مواقف

رأيت ايضا ان الموت شئ بشع جدا.....لقد حضرت وفاة عمى الذى كان مريضا بمرض خطير...ولكن لم تكن وفاته بهذا الشكل فى عينى........قد ياتى الموت بغتة وبدون اى مقدمات...بل و حتى قد يأتى من جهة لا نتوقعها........فيجب ان نكون مستعدين فى اى وقت

ايضا عرفت ان الأشياء الجميلة....و الأوقات الجميلة دائما ما تمر بسرعة و تنتهى بسرعة...وهذه طبيعة الحياة....فالأشياء الجميلة لا نشبع منها....و ننتظر ان تدوم للأبد...ولكننا نجهل ان لكل شئ بداية..ونهاية

فهمت ايضا...ان الغدر قد ياتى من اقرب الناس اليك...قد ياتى حتى من اهلك او اصحابك ...فالجميع بشر....فلا نأتمن الا من يستحق ان نأتمنه علينا......والدنيا مليئة بأقارب و اصدقاء غدروا ببعضهم البعض

اكتشفت ايضا انه من الممكن ان يكون المنظر الخارجى لشخص ما جميل و طيب...لكن باطنه بشع و مريع..كما هذا الكلب الذى كان قبل مقتله جميلا جدا......انظروا الأن كيف اصبح

الصورة التى قمت انا بتصويرها قد تكون بشعة فى نظر بعض الناس هنا فى المنتدى......ولكنها للأٍسف الحقيقة التى دائما ما تكون بشعة و حزينة
فليشاهد هذه الصور من لا هم لهم الا ان يؤذوا غيرهم........من لا عمل لهم الا النفاق و الكذب......ليعلموا الى اى منقلب ينقلبون
ففى النهاية...مهما فعلوا فى الدنيا.....فموعدهم مثل موعد هذا الكلب......يموتوا وحدهم......ولن ينقذهم احد من هذا المصير
(هذا ليس كلاما مأساويا حتى لا يزايد عليا بعض الشخصيات الظريفة فى هذا المنتدى...ولكنه كلام واقعى و منطقى...لن يفهمه الا عدد قليل جدا فى هذا المنتدى)
ودمتم...سالمين

شكراً ليك يا محمد , أنا لسا راجع من بطولة النهاردة في الشطرنج وأتغلبت وزعلان جدا . وإمبارح كنت بلعب وكسبت وفرحت جداً . فواضح إن الحاجة اللي الواحد بيفرح بيها . هتزول من وشه . والغريب إن دا بيحصل تحديداً لو كانت هي دي الحاجة الوحيدة (مهما كانت بسيطة) اللي فرحتك في وسط دائرة من الحزن .

يا ساتر يارب
انا عندى عماتى التلاتة ماتوا فى وقت قريب
وفعلا في بعض الناس باطنه فيه الرحمة وظاهره الخيانة والنفاق
صحيح في ناس كويسة بس قليل جدا
شكرا ليك على الموضوع
ومتزعلش وربنا معاك

شكرا لمروركم يا عمر و يا حريف ..و انا مش زعلان ولا حاجة يا حريف.....ربنا معانا كلنا

خرج ابن آدم من العدم قلت :ياه
رجع ابن آدم للعدم قلت :ياه
تراب بيحيا ...وحي يصير تراب
الأصل هو الموت ولا الحياة؟؟
وعجبي!!!
هي دي دنيتنا
لااااااااازم يوم لينا ويومين تلاته علينا
وعلشان نشوف الحلو حلو لازم نشوف الوحش

شكرا يا فلة على مرورك الكريم....و هذا هو بيت القصيد...ولكن من يفهم !

كلامك اثر فيا كتير اوى يا محمد

شكرا ليك بجد

شكرا ليك يامحمد على الموضوع بالرغم من ان الصورة مؤلمة بس كلامك بجد اثر فيا جدا وانت عندك حق فى اللى انت قلته وانا اكتشفت بجد من حياتى ان كل اللى قلته صح وكلامك كله عندك حق فيه بس اهم حاجة سلامتك وان الكلب الكبير عرفتوا تموتوه وميهجمش عليك
دمت سالما يارب

شكرا لمروركم الجميل و المميز
شمس
نورا محمود
وجميل جدا ان الكلام ده أثر فيكم
ربنا يحفظكم يارب

كلامك بيوجع يا محمد عشان واقعى أوى بس العزاء موجود فى حاجات حلوة و ان كانت قليلة .. حاجات مش بتموت
و أدينا بنحاول نعيش صح على أد ما نقدر فى الدنيا دى عشان فى الآخر يكون معانا عمل حلو .. مش نكون لوحدنا
أنا فعلا مش عارفة أقول ايه .. كل ما آجى أكتب حاجه ألاقى الكلام بيصغر لحد ما يدوب و يختفى
ربنا يرضيك يا رب

كلامك مؤثر جدا والصورة صعبة اوى

freekeko
yasmeen
شكرا لمروركم الكريم....و ربنا يحفظنا جميعا

يااااااااااااااااه
الصوره بشعه بجد يامحمد,,والكلام بصراحه مؤثر جداااا
بس انا عاوزه اقلك حاجه,,,انا معاك في ان الغدر موجود ولازم نعمل حساب ومنديش الامان الكامل بس في نفس الوقت لازم نتفائل شويه ونشوف الصور الحلوه حوالينا حتي لو قليله بس لازم نبص ليها علشان نقدر نكمل
ممكن يكون الوحش اكتر وده اللي ادانا الاحساس المظلم ده بس دايما لازم نفكر في ان الدنيا لسه فيها حاجات كويسه
والحاجه اللي بتخليني قادره اكمل حياتي وسط كل ده ان دايما بقول لنفسي الجزء الحلو في حياتي لسه معشتوش علشان يفضل عندي الامل في بكره احسن
يارب بجد بكره يبقي احسن لينا كلنا
شكراااا

shemo كتب:: يااااااااااااااااه
الصوره بشعه بجد يامحمد,,والكلام بصراحه مؤثر جداااا
بس انا عاوزه اقلك حاجه,,,انا معاك في ان الغدر موجود ولازم نعمل حساب ومنديش الامان الكامل بس في نفس الوقت لازم نتفائل شويه ونشوف الصور الحلوه حوالينا حتي لو قليله بس لازم نبص ليها علشان نقدر نكمل
ممكن يكون الوحش اكتر وده اللي ادانا الاحساس المظلم ده بس دايما لازم نفكر في ان الدنيا لسه فيها حاجات كويسه
والحاجه اللي بتخليني قادره اكمل حياتي وسط كل ده ان دايما بقول لنفسي الجزء الحلو في حياتي لسه معشتوش علشان يفضل عندي الامل في بكره احسن
يارب بجد بكره يبقي احسن لينا كلنا
شكراااا

شكرا ليكى يا شيمو..و انا متفق معاكى فى مجمل كلامك
ولكن انا مش بادعو للتشاؤم.....كلامى بعيد كل البعد عن التشاؤم
لأنى هنا باتكلم عن حقائق مهمة لازم تفضل فى دماغنا دايما...بغض النظر عن شعورنا النفسى الحالى

افضل كاتب فى المنتدى
ومن اقوى وافضل موضوع فى المنتدى
انت رمز من رموز اداب

agient13 كتب:: افضل كاتب فى المنتدى
ومن اقوى وافضل موضوع فى المنتدى
انت رمز من رموز اداب

ربنا يديك على اد ذوقك و احترامك يا جناينى
والله انت من الرموز (القليلة) المحترمة اللى قابلتها فى خلال رحلتى الغريبة فى هذه الكلية المجنونة
تحياتى

زائر

انا الصراحه مش عارف ارد

بس جزاك الله كل الخير عنا وعنك

الف شكر ليك منصور

أحمد الخضر كتب:: انا الصراحه مش عارف ارد

بس جزاك الله كل الخير عنا وعنك

الف شكر ليك منصور

شكرا ليك يا احمد على تعليقك الكريم

» محمد منصور .... و اليمامة
» مبروك للاخ محمد منصور
» هل ستختنق مصر..مائيا؟ بقلم محمد منصور
» عيد ميلاد النهاردة النجم الكبييييييييييير محمد منصور
» حبيب قلبي واخويا الجميل محمد منصور