بسم الله الرحمن الرحيم
انا كنت سمعت برنامج كان بيجي على راديو صوتكم
هو مش برنامج اوي بس مدته كانت خمس دقليق واسمه جدد حياتك هو بيبقى زي الفاصل كده بين كل وقت والتاني على مدار اليوم للاستاذ عمرو خالد
سمعته كان بيتكلم عن موضوع الحلقه وكان اسمها
لعله خييييير
انا هحكي لكم القصه اللي قالها
كان في مره ملك وكان الملك ده ليه وزير بشوش جدا
كان كل ما الملك تحصل له مشكله او كارثه ف الشغل او ف بلده يروح الوزير مبتسم له وقايل..."لعله خير" فالملك كان بيتغاظ اوي م الوزير ع الكلمه دي ويقول له انت شايف المصايب دي وبتقول لعله خير؟
الوزير يرد عليه ويقول له "لعله خير"
ف مره الملك كان طالع يصطاد واخد الوزير معاه فوهو بيصطاد صبعه اتقطع
الوزير راح قايل له "لعله خير "
الملك اتنرفز منه اوي ونادى لحراس ياخدو الوزير ويحبسوه
فالوزير وهو ماشي برده قال للملك"لعله خير"
واثناء ما الملك كان مروح بقى ..طلعو عليه ناس شريره وخطفوه
ربطوه على عمود وقررو يهدوه للتماثيل اللي كانو بيعبدوها "القرابين" دليل على ولاءهم يعني ليها
المهم لسه جايين يقتلوه لقو صابعه مقطوع فقررو يطلقوا صراحه وقالو ..مش معقول هنهدي الالهه بحاجه مش كامله وصابعه مقطوع
فالملك رجع وكان فرحان جدا وبيحمد ربنا ... وفجأه افتكر كلام الوزير"لعله خير"
فراح للوزير السجن وقالله انا دلوقتي بس عرفت انت ليه لما بتحصللي كارثه بتقول "لعله خير"
طيب انت بقى وانت داخل السجن قلت ليه "لعله خير" ؟
ضحك الوزير وقال له ما هو انا لو مكنتش اتحبست كانو هيوهبوني انا للقرابين هههههههههههههههه
لعله خير
شفتو يا شباب والله لو كل واحد فينا كان عنده يقين من جواه ان "لعل اي حاجه تحصل لبنا خير " صدقوني والله هنتغير كتير وربنا عمره ما هيضر خلقه ابدا
المهم يكون عندنا امل وثقه ويقين بالتفاؤل
ولو حصل لكم اي حاجه بعد الشر وحشه او حلوه خلوا الجمله دي دايما ف قلبكم وعلى لسانكم ...لعله خير
وان شاء الله خير
الجمعة 29 مايو 2009 - 4:28
