كام واحد دخل كليه اداب قابلته و اتلاقيته شخصيه غريبه

الي مش عايز يقرا ينتقل لاسفل الصفحه خالص و يقرا و يعطي رائيه و ممنوع عدم التفاعل بقول كلمه شكر فقط
مع بدء دراستي في كليه اداب اتعرفت على ناس و محاولتش اتعرف على ناس تانيه كده
بس الحاجه الغريبه الي قابلتها هو ان انا اتلاقيت اربع امثله من الشخصيات في الكليه استغربت منهم جدا و مش فاهمه ده حقيقي ولا بيهزروا
اول مثال قابلتها و اتعرفت عليها هي احده و للاسف استغربت من طريقه مواضعها و المواضيع نفسها و للاسف بعد فتره اكتشفت انها بتكدب طيب ليه الكدب اكتشفت بعدها انها عايزه طبقه اعلى من مستواها بالرغم ان احنا كلنا الي موجودين في الكليه من الطبقه المتوسطه فليه تتباهى باشياء غير موجوده و تكدب علشان تبان اعلى من مستواها سواء العلمي او الاجتماعي و متلقتش مبرر و حاولت اوصلها المعلومه لكن فشلت في ان اوصلها ان الكدب حرام و يجب الحد منه و نفسي بجد انها تبطل كدب على حاجات هااايفه مش هتستفيد حاجه بالعكس هتخسر دينيا و دنيويا لانها هتخسر الناس الي حوليها من كتر الحكايات الكدب و الروايات المشهتفدها في حاجه و ان الكدب يوصل لنتيجه الثانويه العامه متعرفش ان ممكن بسهوله اي حد يعرف النتيجه و يعرف انها بتكدب شيء غريب في المثال الاول
اما التاني فغرابته هو شيء مش وحش بالعكس ده يخلي الانسان يشعر بانه مش عايش في الدنيا لان الطيبه الزائده و السذاجه الغير مفهومه هي الي تخليك تشك ده بجد و لا بيهزر يعني فعلا بجد لسه في حد ساذج كده او طيب بالطريقه دي حاجه غريبه بردو بس المهم ان ده احسن مثال في الكليه او في حياتي كلها و بس نفسي تعرف ان الطيب كده مش بيعرف يعيش الدنيا دي و ان لازم يكون ليها قرارات حازمه و شخصيه فيها نسبه من القوه انها تقدر تعتمد على نفسها متنتظرش مساعد ليها من البشر
و الثالث بقى فهو اغرب و اسوء مثال في الحياه البشريه هو ان الانسان يقابل حد يبين مدى طيبته و ساذجته في الحياه و ان هو مركز و محور تحدث العالم كله و انها مش قادره تحل المشكال الي بتواجهها فتخيل لما تصادق الشخص ده ثلاث او اربع شهور مع كثره الحكايات الغير منطقيه تجد انه اكبر كاااذب و ياريته كذب صغير ده كذب كبير الكذبه بتتبنى و تكون بيت كبير من الكذب طيب ليه الكدب ده و ليه الحاجات الغريبه الي بتقوليها و للاسف النوع ده انا بعدت عنها لخوفي من ان الصداقه تكبر و الحمد لله ان الصداقه مقوتش و بقت صحبتي لحسن كنت هندم اوي انى اصاحب واحده بتكدب في حاجات تخليها تبان ملاك و ان الناس الي عرفتهم في حياتها و منها الكليه انهم كلهم وحشين و سيئين الخلق و كنت عارفه و متاكده انها هتروح لكل واحده من اصحابها الي في الكليه و تقول علينا كلام غير صحيح و كذب و تبينا سيئين الخلق بس انا متاكده و واثقه انها مهما قالت و عملت فالحمد لله انا و صحابي مؤدبين بقدر كافي و كبير بان لا يمكن حد يصدق كلمه من الي هتقولها علينا بعد كده
اما المثال الاخير هو غريب اوي تخيلوا يا جماعه لما تكلموا حد بزوق و هو يحاول يستفزك بكل الطرق و انت تفضل هادي لحد ما تتخنق و لما تتخنق من الشخص ده و تظهرله يقول كلام لاحد اصدقائك بانك هتضره و هتنتقم منه على حاجات هو عملها و بعدين تكلم الشخص ده و تكون بردو زوق معاه جدا و تحاول متكنش مستفز مع علم المثال الاخير بانك عارف الي اتقال عليه و هو لم يقل اي كلمه او حتى اعتذار و عندما تواجه الشخص ده بالي قاله تجد انه عصبي و تجد انه يتهم بالنفاق
يعني عايزه افهم نفاااااااااااق ازاي مين المنافق مين الي اتكلم عادي و كانه معملش حاجه شيء غريب انك ترمي ذنبك على ظهر الي انت اذيته

سوري طولت عليكم بس كنت عايزه اعرف منكم ايه الاشخاص الغريبه الي قاببلتوها في الكليه سواء كانت كويسه جدا او استغربت من افعالهم و تصرفاتهم عايزه تفاعل في الموضوع لانه على قدر مهم في معرفه الاشخاص الي في الكليه و مدى حسنهم او وحاشتهم و عايزين نعرف انتوا قابلتوا كام واحد طيب و كام واحد منافق
و ارجو ان محدش يتكلم عن نفسه بل عن الاشخاص الي قابلها في الكليه

يا جماعه محدش يجيي و يقول ان انا اقصده في الموضوع و الي يحس ان انا ذكرته فهو فعلا عمل كده و يبقى كلامي صح
و حكايه ان انا ملومتش نفسي فاكيد لومتها بس مش هعرف اكتب ايه الغريب فيا لان مش انا الي اقول انتوا الي تقولوا
مهو مش معقول هقول حاجه غريبه فيا لان اكيد لما هكون بعمل حاجه غريبه يبقى ازاي هعملها و انا قولت مليون مره الي شايف حاجه المفروض اغيرها يقولها او يمشي من سكات
الموضوع ده وجه نظري في الكليه مش وجه نظري في نفسي

stop كتب:

بجد موضوع تحفه يا شيرين

أنا قابلت السنه دى شخصيه كتير وطبعا فيها الغريب والى مشى غريب

فى نوع بيحب يبالغ فى الكلام بطريقه فظيعه وبقى باين جدا ولو قولت له يقول انت بتكلمنى بطريقه وحشه

ولما بقى يجى يقول حاجه مبالغ فيها نقعد نضحك ونغمز لبعض

ربنا يهدى

اه و الله ربنا يهدي نفسي الي بنكتب عنهم يشوفوا الموضوع علشان يحاولوا يغيروا من نفسهم شويه
و مش هرد على اي رسائل شخصيه تجيلي من الموضوع ده الي عنده كلام يقولوا هنا و انا مذكرتش اسامي و الي هيذكر اي اسم ان انا كنت كاتبه عنه فمش هسمح لان يمكن يكون غلطان اوي
و انا ذكرت الكويس زي ما ذكرت الوحش لان الشخصيه الي ذكرتها التانيه فعمري ما شفت بطيبتها ولا هشوف و قليل لما نتلاقي انسان نقي

شكرا شيرين ع الموضوع الجميل وفعلا ربنا يهدي الجميع بس مش ممكن تكوني فهماهم غلط؟ خلي بالك ع العموم لما تكوني صداقات جديده وربنا يخليك
(التالته) وفعلا الطيور على اشكالها تقع

=english fan= كتب:

شكرا شيرين ع الموضوع الجميل وفعلا ربنا يهدي الجميع بس مش ممكن تكوني فهماهم غلط؟ خلي بالك ع العموم لما تكوني صداقات جديده

شكرا يا english fan على ردك و على مرورك
يمكن اكون فهمتهم غلط بس لما يجمع اكتر من شخص على ان الشخصيه دي كده فعلا فمظنش ان انا هكون فهمتهم غلط و ان شاء الله هخلي بالي و خلي بالك بردو من لما تيجي تصاحبي حد

اوك شكرا يا شيرين ع النصيحه
ومنتظرين موضوعاتك الجميله باستمرار

قابلت جميع الانواع
بس اللى مزعلنى جدا اننا اتعامل مع كل الناس كويس واجد بعضهم يعاملنى معاملة مش كويسة فاضطر اتعامل معاهم معاملة ازفت لمعاملتهم السيئة معايا او تحس انك تتعاملي مع حد وتكتشفى انها متستاهلش معاملتك الكويسة معاها
وهذا ما افعله
لا تثق فى اى حد والثقة موجودة بس تكون بحدوووووووووووووووووووود
بصي يا شيرين
الدنيا علمتني اننا لا اثق فى احد الثقة العمياء بمعنى
انك تكونى حذرة ولا تضعى كل ثقثتك كلها فى اى حد مش معنى كده انك تبعدي عن الناس لا طبعا انما باقول اتعاملي مع اللى قدامك بنفس معاملتها معاكى
يعنى اذا معاملة حد معاك معاملة كويسة فاتعامل يكون كويس والعكس
ولا تثق فى اى حد الا انك تتاكدي انها تستاهل ثقتك فيها ولا تضعى كل اسرارك لحد معين
ممكن تقولي سر لاى حد من صحابتك لكن متخليهاش انها منبع اسرارك كلها لان وارد يحصل مشكلة معهها وتروح تفضح اسرارك
يا ترى فهمتى كلامى يا شيرين
شكرا ليكى على موضوعك الرائع

طبعا يا حريف و مين قال ان انا بثق في حد
الموضوع هنا مش موضوع ثقه لكن موضوع كام شخصيه غريبه قالبتها بمعنى ان مشفتش زيها و تستغرب من تصرفاتها و افعالها سواء كويسه جدا او سيئه بطريقه مشمفهومه
يعني الي بيكدب بيكدب ليه و الي بينافق هيستفيد ايه و الطيب كده جاب الطيبه دي كلها منين و الساذج ساذج ازاي هو مش عايش في الدنيا و بيتعلم
لكن طبعا اغلب الناس الي في الكليه وسط مش طيبين اوي و مش منافقين اوي لكن محدش كامل
بتكلم عن الاوووفر الي في الصفات دي

كتير اوى
فين منافقين
وفي ناس تضربك من تحت لتحت
وفى ناس بتخون
وفى كتير يا شيرين
شفت حاجات كتير اوي
بس فى ناس كويسة
وان كان الاخلاق التى تندرك لانواع اللى ذكرتيها فى الموضوع يا شيرين اصبحت الاخلاق سيئة بشكل عام

كل ده يا شيرين لاننا بعدنا عن الدين الاسلامي
ولو رحمة الله وجود بعض الصالحين لكنا هلكنا
لان الفساد مستشري فى هذا الزمن
والفساد يشمل كل الحاجات دى
من فساد الاخلاق والاداب
لابد ان نرجع لدينا الاسلامى وسعتها ستنصلح حالنا غير ذلك سنعانى كثييييييييييييييييييرا

صح يا هاله و تفتكري دي اكبر صفه و انا شايفه ان الكدب بيلازم النفاق يعني لازم لما حد يكدب ينافق و لما حد ينافق يبقى بيكدب
و في ناس انا متاكده انهم ان شاء الله هيتغيروا في يوم من الي قلت عليهم في الموضوع و ناس تانيه نفسي ميتغيروش ابدا بس يفهموا بس اكتر الدنيا ماشيه ازاي
و للاسف يا هاله بردو في ناس مش فاهمه ان احنا لما نقولهم يغيروا حاجه فيهم يبقى معناها ان احنا مش شايفين غير عيوبهم مش عارفين ان احنا عايزنهم يكونوا كويسين و الله مش اكتر
و و الله العظيم بدايق جدا لما واحده تيجي تقولي على حد من صحابي كلمه غبيه و بتنرفز عليها حتى لو هي صح
لكن لو واحده صاحبتي الي قالتلي مثلا حاجه غلط في صاحبتنا التلاته فبقولها لازم نقولها تغير كده
شكرا على كل الي مروا هنا

الشاطر من يعرف عيوبه ويحاول ان يصلحها
والشاطر من يعرف مميزاته ويحاول ان يطور ممميزاته ويزيدها

موضوووع حلو كتيييييييييييييير يا قمر بجد اتبسطت جدا من الموضوع ده
انا قابلت نفس شخصياتك بالظبط للاسف....
اكتر شخصيه دايقتني الرابعه اكتر من التالته اكره حاجه عندي ان حد يضايق وحده صحبتي او يتكلم عليها
وهي مظلومه المهم ان الكلام ده ازززاي حد يكره حد بالشكل ده ويكلمه وقدامه عادي جدا..استغفر الله...
اما التالته فانا كنت عرفه من الاول انها لا ساذجه ولا حاجه وكنت الي حد ما فهماها ..لا مش فهماها ...مكنتش مستريحلها....
اما الشخصيه الاولي انا مش عنت عرفالها حل..بجد..فهطنش وخلاص..وده الي بيحصل بس سعات ببقي
هقع بلساني ولتكلم واقول لا ده غلط..بس بسكت وده الي بيحصل



شخصيه بقي مختلفه..ماشاء الله بحب الشخصيه دي..ماشاء الله ملتزمه وعاقله وصبوره وخدومه ومرحه
وصريحهوممكن تواجهني باخطائي بذوق وادب بتعلم منها كتير يعني شخصيه تكاد تكون مكتمله
لان مفيش حد مكتمل طبعا..ربنا يسعدها يارب ويوفقها وينجحها ف العربي وكل المواد هههههههههههههههه
ههههههههههههه



كلام من عندي بقي الكلييه دي عاااااااااالم تاااااني غريييب ومصدم كل واحد بيدور علي نفسه مش عرفه ليه كده مع اني مشفتش كده غير ف الكليه..وف الكليه حكايه الكدب دي ايه لكأنها سوري يعني لبانه ف بقهم اسمها كدب
لييه كده ليه كل واحد ميبقاش بطبيعته ..كان نفسي افرح اول ماادخل الكليه بس لىسف الفرحه جت متأخر
اوي علي ما لقيت صحبتي...اسفه للاطاله...وشكرا اويي يا قمر
موضوع تحفه

بس بصراحه عن نفسى وكبنت بقول ان البنات اليومين دول بقت الصفات الوحشه فيهم اكتر من الشباب وسبحان الله مش عارفه ازاى رغم ان العكس هو المفروض لكن فعلا احنا محتاجين وقفه يمكن زى ما الحريف قال بعدنا عن ربنا وتفكيرنا بحاجات ممكن يتقال عليها تافهه هى اللى خلت البنات تعمل كده

اقولكم حاجه هتصدمكو
واحده مكتوب كتابها عاوزه تسيب خطيبها او بالاصح جوزها عشان ليها صاحبتها فى كليه تانيه مش اجمل منها اتخطبت لولد اجمل من خطيبها


مفيش تعليق طبعا

تسلمي يا شيري علي الموضوع بجد تحفه
انا عن نفسي ياشيري قابلت ناس كتيييييييير في الكليه منهم الكويس اللي بحمد ربنا اني عرفتهم ومنهم اللي مش كويس وبردو بحمد ربنا اني عرفتهم علشان تاخدي خبره وتعرفي بعد كده تفرقي بين الناس كويس
المهم اننا نبص دايما للاستفاده من معرفه الناس انها لو ناس كويسه ده خير وتبقي كسبتي اصدقاء محترمه ولو مش كويسه بردو عرفتي اشكال الناس
تسلم ايدك ياشيري علي المواضيع الجميله دي

شكرا يا شيمو على موضوعك
فعلا كل يوم بنقابل ناس في الكليه خصوصا مش المدرسه و نتلاقي الكويس الي بيكون قليل انك تتلاقيه جدا و منهم الوحش الي بقى منتشر للسبب الي ذكره الحريف
الموضوع حلو علشان كلنا قابلنا النوعين دول و الشاطر الي يتعلم منهم
شكرا يا هوللو كمان على مرورك و شكرا يا رانيا على مرورك
نورتوا موضوعي و الله
و شكرا يا الاء على مرورك و الله على الموضوع نورتي المنتدى كله بعد طول غياب

شكرا يا نانسي على مرورك
طيب مكنش فيهم حد ممكن يتغير ولا كلهم مستحيل التغيير
المهم انك متكنيش بعدتي عنهم لعيوبهم و لكن لاخطائهم الي اتكررت

مرسى يا شيرى على الموضوع و بجد واقعى اوى

شكرا يا شرين على الموضوع
بس الى انا مستغرباه قوى حاليا هو مسالة الخيال
الواسع المختلط بالكذب عند عدد الحمد لله قليل من البنات
مش عارفة دا كبت ولا مرض