كام واحد دخل كليه اداب قابلته و اتلاقيته شخصيه غريبه

ولا انا و الله يا ساد استانذا يعني مثلا تتلاقي بنت بتحكي عن حاجه حصلتها حاجه مبتحصلش غير في الافلام
يعني تحكي مثلا ان هي اتخطبت لواحد و بعد كده اكتشفت انه كان كدب عليها حتى في اسمه و شغله و هي زعلت اوي
زي بالظبط فيلم ظرف طارق لما كدب عليها في اسمه و شغله
يعني مثلا اهلها مسئالوش عنه ولا الناس كلها كدبت عليها في اسمه و كل حاجه
حاجات خياليه و فعلا ناس قليله الي كده
بس الكدب بقى ملازم معظم الناس

و بردو اوحش حاجه ان لما واحد ميعترفش بخطائه ولو حتى قدام نفسه ده اكتر حاجه غلط انه شايف نفسه دايما صح
شكرا على مروركم كلكم

ههههههههههههههههههههه
ايه ده كله ايه ده كله
ما شاء الله و الله الكلام تحفه كله :)
يعني فعلا الي في كليه اداب اي حد يدخلها يحس نفسه انه بقى ملك العلام
انا مدخلتش كليات تانيه بس اصحابي و الي اعرفهم بيقولوا انواع تانيه من البشر لكن النوع الي عندنا في الكليه ملهوش مثييييل
تيجوا نسميها كليه كداب بدل اداب

اه لو كان ينفع اقول الحاجات اللى اعرفها عن شباب وبنات الكلية
بس للاسف .. لا يجوز
ياجماعة النماذج الكويسة من الشباب والبنات فى الكلية قليلة جدا
انا قابلت اكتر من اى حد فيكو بحكم انفتاحى على شباب وبنات الكلية بحكم موقعى فى الاسرة حاليا او الاتحاد سابقا
مواقعى دى خلتنى اشوف الكلية من فوق وبجد الكذب ده مرض العصر المتفشى بصورة فجة فى شباب الكلية وهو اكتر سمة سيئة موجودة فى شباب كليتنا _فى المركز التانى بعد شرب الحشيش _
الشاب بيكذب فى سبعين فى المية من كلامه والمشكلة انه كذب بدون مبررات
اللهم انه يستعرض عشضلاته قدام اصحابه والسلام وده اكيد ناتج عن مركبات نقص فى الشخصية
الغريبة بقى انى كنت فاكر البنات غير
طلعوا زى الشباب بالظبط
اه والله

شكرا يا محمد على مرورك
طبعا هتستغرب ان انا لسه فاكره الموضوع
بس انا نسييييت ان انا عامله الموضوع ده و مشفتش ردك كمان و غير كده مش بدخل القسم ده علشانه تبع الكليه
المهم
فعلا فيه الكويس و فيه الوحش بس الاغلب بقى الوحش
و بردو نقول ان ده من الحاجات الغريبه و العجيبه الي بيحصل الايام دي

اكيد في الكويس وفي الوحش ساعات بننخدع ف المظاهر الكدابه بس انا حبيت اقول ان كل واحد منا فيه سمه غريبه تميزه عن غيره كل انسان ليه مميزات وعيوب ولو فضلنا ندور ف عيوب الناس مش هنعيش طيب ليه متحاولوش تصلحوا الشباب دي بدل ما تتكلموا عنهم اكيد ف الاول هيبقى صعب بس اصبروا شويه وهتلاقوا النتيجه كويسه بس حاسبوا لحسن هما اللي يغيروكوا

و الله عندك حق بس تفتكري لما نحاول الف مره انه يتغير يحصل ايه بقى !
عموما انا اتلكلمت عن الحاجات الغريبه الي شوفتها في الكليه
و المشكله ان دي مش عيوب دي اخطاء واتكررت كتير جدا و حبيت اعرف هو حظي وحش اوى ولا فعلا معظم الناس بقت كده و خصوصا ان النسبه بقت 75% : 25%
الموضوع اتقفل من زمان بس كنت نسيت اشكر محمد على مروره بس

ولا حظك وحش ولا حاجة كل ما في الامر ان من شب على شيء شاب عليه يعني اللي اتربى على حاجة هيموت عليها لكن في بعض الناس اكتسبت عادات سيئة من اللي حواليها نتيجة لاختلاطهم الخاطيء بالناس دي لانهم متعلموش ازاي يختاروا الصديق او البني ادم الصح وزي ما قلت قبل كدة ان ساعات بتخدعهم المظاهر الكدابة وعموما مادام الموضوع اتقفل يبقى خلاص