ليه إحنا في قاع الأمم , عايز تعرف ؟ تعالى أتفرج بالصور....

إحنا مش عايشيين في الصومال , وأعتقد إن كل اللي هيقرأوا الموضوع دا , سواء عن طريق وصلة نت ب 35 جنيه في الشهر أو حتى راوتر مشترك فيه مع كام واحد صحبه وبرضه مش هيعدي الميزانية دي , هيكونوا مرتاحين مادياً . أو على الأقل مش تعبانيين مادياً . لزومه أيه الكلام دا؟

شفت صور صارخة التناقد , من عالمنا العربي , بيلخصوا حجات كثير , وقبل ما نتكلم نبص مع بعض :



"يَا بَنِي آدَمَ خُذُواْ زِينَتَكُمْ عِندَ كُلِّ مَسْجِدٍ
وكُلُواْ وَاشْرَبُواْ وَلاَ تُسْرِفُواْ إِنَّهُ لاَ يُحِبُّ الْمُسْرِفِينَ"

شوف بقى التناقض :









شوف التحضير لوليمة البزخ فيها عامل إزاي :






وشوف الوليمة نفسها حجمها قد أيه !!








وشوف قد أيه منها أترمى في الزبالة ..:










ونرجع تاني للتناقض , ولناس موجودين في عالمنا الإسلامي والعربي , عايشين في الفقر والجوع والمرض عايشين زي القطط و...و أسف على التعبير!



ودا طفل , النسر بينتظره لحد ما يموت , علشان يأكله ! بالمناسبة , اللي ألتقط الصورة دي أنتحر بعد إلتقاطها من فظاعة المنظر :



عندنا هنا في مصر بذخ أشد منه , وإسراف أكبر منه , لما نسمع عن فرح في مصر تكلف مليوني دولار بالعشاء والإفطار الزفاف الأسطوري الذي تم علي مدار ليلتين وتكلف مليوني دولار .وغيره من أفراح بتتكلف ألافات مؤلفة , وعرائس بيترش تحت رجليهم الجنيهات الدهب بدل الملح! ...أكيد ربنا خلق الغني والفقير , وخلق الناس طبقات , وأنا ضد الثورة تماماً في عمليات التأمييم الي عملتها , لكن لما يوصل الترف والبذخ لهذا الحد والفقر والضنك إلى هذا الحد , يبقى لازم نكون في قاع الأمم .. لما نصرف الملايين يومياً على رسائل الموبايلات , مش حتى لينا لبعض , لأ على شريط قنوات التليفزيونات الفضائية وعلى مسابقات المفتش كرومبو وأتصل ب09006600 تكسب مروحة , يبقى لازم يوصل بينا الحال لكدا . يهمني أعرف تعليقكم , لأن بجد إحنا كل ما بنقول وصلنا للقاع , بنلاقي نفسنا حفرنا بأدينا حفرة , تنزلنا لقاع أسوء وأسوء .

شكرا يا نانسي على المرور والصور جبتها من خلال الأخت العنيدة , فشكراً ليها أولا وأخراً

أكيد كلنا سمعنا عن الفرح وعن تكاليفه شكرا ليك يا مايكل على ردك

الحزب الوطني , أه ...وحياة أبوك لما تعوز تنافق وجه نفاقك للأشخاص المطلوب تزويقهم او نافق قدامهم , لكن في الظروف دي الكلام دا بيشيط العقل . فمع نفسك يا حج على رأي اللي قال

شكرا يا Beatrice وعندك حق في كل كلمة قلتيها , وكويس إنك ذكرتي البوشي و طوابير العيش برضه شيء من التناقض الفج اللي في مجتماعتنا .