تقول ايه للمسئول الرئيسى فى حفر الكلية اثناء الدراسة بالشكل ده

بجد باحيك على الموضوع الجامد ده

فعلا مهزله الى بتحصل فالكلية ا عشان اعدى من القرف الى حفرينه ده لازم طبعا الواحد برفع الجيب ولا الى لابسه

ويعمل زى القرود ويتنطط على اساس انهم بتعاملوا مع بهايم مش فكلية بنادمين يعنى بتتعلم المفروض انو تعليم مش زريبة سورى فالفظ

يعنى الليلة دى كلها عشان مطافى!!!!!!!!!!!

يعنى الكلية مش نقصها غير المطافى؟؟؟؟

دا زى ما انت قلت مفيش مكان نقعد فيه مفيش حتى كافتريا ولا اى حاجة

كل الخدمات الى مفروض تبقى فاى كلية محترمة موجودة؟؟؟
دا الدكتور بيدخل المايك بايظ .........دا بقا التعليم الجامعى العالى ؟؟؟

والله مليون سؤال

بس هل من مجيب !!

الحل هيبقى ايه على الى بيحصل

وهتخلص امتى المهازل دى ؟

طبعا للباشا كبير الليله دى .......

والنبى صلح الخرابة الى انت قاعد فيها الاول وخليه مركز تعليمى محترم واننا اولاد ناس محترمة مش ناس من الشارع ونازلين من بيوتنا والى مسافر وجاى مغترب عشااااااااااااان يتعلم " سورى لازم اكلم زى العربجية عشان خاطر الزريبة الى احنا فيها""

طبعا لازم الزفة البلدى الى فالخرابة دى الى انت عملتها تتهد
ولازم تشوف الخدمات االى ناقصة تتعمل وهفضل اقول عليها خرابة لحد ماتتعدل

" وان قلنا موضوع المطافىمن الخدمات فحقنا كطلبة عليك فى خدمات اولى كتير"

وبدام مزانية الكلية مساعدة اوى كده يبقى شوف حقوق الطلبه واديها

ولا ايه ...

فعلا محمد عندك حق انا من اول ما دخلت الكلية دي وحاسة اني مش في كلية اساسا ....وسيادة العميد اللي كان مطلع قرار عشان يلم فلوس المصاريف وما رضاش يدخل طلبة مادفعوش وكمان دلوقتي معلقين ورق انهم ممنوع يدخلوا الامتحانات الا لما يدفعوا....بس السؤال الفلوس اللي بندفعها بتروح فين !!!!

ثانيا بالنسبة للحفر....انا فعلا والله بابقى خايفة لما باجي اعدي عليه وباحس ان احنا عاملين شبه العيال واحنا اعدين نتنطط كده وفي الاخر عاملين كل ده عشان المطافي....حسبي الله ونعم الوكيل فيهم

واخر حاجة هقولها عن الكتب وان مرة السنة اللي فاتت قلنا لدكتور ان كتب سيادته غالية قالنا وانا اعملكم ايه وبعدين ده حقي !!!!

شكرا ليك محمد ع الموضوع وربنا يخرجنا منها على خير

انا عندى فكرة ان احنا نصور عل اد ما نقدر المهازل دى وحتى لو فيديو يبقى بالصوت والصورة صوت الخبط والرزع ده و مناظر الكلية اللى فجاة اصبحت مكان عمال مش طلبة


وننشرها ع المنتدى و فى اى مكان صوتنا ممكن يوصلوا

ونكتب اسماء المسئولين عن المهزلة دى من اول العميد الى اصغر عامل فى الكلية

وحتى لو اتاذينا فهنكون بكرامتنا ....احسن من هيبةمسئول ما كانش اد المسئولية اللى فى ايديه


اللى هو احنا....كطلبة و طالبات


شكرااااااا هجام ع الموضوع...وكل ظلم وليه نهاية

[img][/img]


[img][/img]


[img][/img]

[img][/img]

طبعا يا محمد موضوع جميل جدا احييك عليه
بالنسبة لموضوع الحفر دة طلع فى الاخر مطافى على اساس ان الكلية جاهزة من كله ..دى مفيهاش مية

وبالنسبة لاننا مش بنلاقى مكان نعد فية وكيل الكلية بيدينا لما يدخل لنا يعد يقول احنا زعلانين انكوا مش بتلاقوا مكان تعدوا فية انتوا ولاد ناس محترمين
طيب لما هما حاسين بينا مش هتعملوا لينا اماكن او تسيبونا قاعدين على السلم بدل ما بيجى عليهم فترة ويقولوا محدش يعد على سلم المسرح لاء يزودوا ويحفروا كمان
مش قادرين يستنوا لحد اجازة نص السنة
اخر مرة كنت ف الكلية مكنش الحفر بالشكل اللى فى الصور دة
شكل الموضوع كبر



وفى الاخر طبعا مش هنقول للمسئول عن الحفر غير اعتبر ان اللى الطلبة اللى بتقع فى الحفر دى اخواتك ا و ربنا يطلعنا من الكلية دى على خير

موضوع اكثر من رائع للاسف انا لسه شايفاه
اولا::.انا قولتلك انى مستعده اتكلم فى السياسه وعلنى مش سرى"على اساس ان بلدنا دمقراطيه ذى ما بيقوله "بس بصراحه ان مش بنكر ان بلدنا دمقراطيه بس دى دمقراطيه خاصه بالشعب المصرى بيسبونى نتكلم سورى ذى الكلاب ولا يعبرونا واما يفتكروا الى بيتكلم يضيعوا مستقبله علشان يسكت
بس انا بدور على مستقبلى فى الاخره مش فى الدنيا يعنى مش يهمنى انى اسقط او اى حاجه تانيه حتى لو السجن المهم انى استخدم النعم الى ربنا اعطهالى اشغل عقلى واتكلم بصراحه وادافع عن وطنى وعن المصريين حتى لوبالكلام لان دا الى اقدر عليه دلوقتى ان كان نفسى يكون فى نشاط سياسى فى الكليه بس اظاهر ان هيكون فى المنتدى بس
ثانيا::.ياعم هجام مش الكليه بس الى مسروق دى البلد كلها مسروقه هتيجى على الكليه الكبار بياخدوا سورى قصدى بينهبوا فلوس البلد والشعب فى جيبهم والمفروض علينا اما يقع فلوس وهما بيحطوا فى جبهم نوطى ونعطلهم الى يقع
شوفت بقا احسن من دى معامله
ههههههه هو فى اكتر من انهم يستخسروا مشتشفى فى الاهالى "انا مش فاكره اهالى قريه ايه بالضبط"ويقفلوها وياخدوا الالات الى فيها ومش عايزهم يحفروا فى كليه اثناء الدراسه

المصرى اللى على حق .. يقول للغلط لأ
هههههه عجبانى الجمله دى قوى
بس على فكره مش بيقولوها بحجه ان كل مصرى يقول للغلط لا
دول قصدهم نقول لا للى بيخربوا الممتلاكات العامه كانهم مطلعين من جبهم مش فلوس البلد
واما نقول لا على ظلم يسبونا نتكلم ولا يعبروا


وموضوع جراج الدكاترى
ياعم مش مهم تلعبوا المهم تكون عربيات الدكاترى مرتاحه
يعنى عربيه دكتور ولا بنى ادم
دى اصلا كفايه معامله بعض الموظفين اما نروح نسالهم على حاجه كاننا بنشحت منهم
وموضوع المطافئ : تلاقيهم عملوا الحجه دى علشان يغطوا على الفلوس الى فى جبهم



انا بقول للمسئول ::."ربنا مش هيسيبك ولا دنيا ولا اخره"
انا مسئوله عن كل كلمه قولتها وهقولها



وموضوع انا ميين فامش هخاف لانى مش بخاف الا من ربنا واذ ما تكلمتش وعبرت عن رائى كدا خاف من ربى


لو اى حد "مسئول"عايز يعرفنى انا فى قسم تاريخ اسال اى حد فى القسم عن جورى هيقولك على علطول"
مع تحياتى" الساكت عن الحق شيطان اخرس"

عارف كليتنا دي ينطبق عليها ايه بعد الللي بيحصل ده( زادت الطينه بله.......)
وبعدين مهي الكليه بقالها 4 سنين تقريبا ...... مش حيصل حرائق الا السنادي مثلا!
مفكروش ليه من اول م اتبنت يعملوا المطافي دي
ومفكروش في انهم كده بيعرقلوا مسيرة اليوم الدراسي علينا؟
ده الواحد كره يجي الكليه عشان بخاف اقع ولا يحصلي حاجه من الحفر دي
والله معتقدش ان في كليه فيها المنظر ده
طب مهو ادامكو الاجازه والامتحانات احفروا براحتكوا!!!!!!
الكليه مش ناقصه عيوب وتشوهات
انا بسميها شبه كليه
اقولكم بعد م الفاس وقعت ف الراس خلاص ياريت كنتو تفكروا قبل متحفروا بعقل شويه
وتراعوا ان كان في بني ادمين ف الكليه انكوا بتعيقوا حركتهم وبتبهدلوهم
راعوا ان فيه ناس ودكاااتره عندها ظروف خاصه وممكن تقع او حتى تتكسر

واحنا مش حايفين من حاجه لا احنا بنشتم ف الحكومه ولا كلام من ده
احنا بنطالب برجوع حقنا ورااااااحتنا
وهنتكلم مش هنسكت........... مش هنبقى زي الشعب
بس خلاص

طبعا حاجة مؤسفة جدا جدا اللي بيحصل ده في كلية المفروض انها كلية جامعية محترمة طبعا
بس ياللا هوده للاسف نصيبنا من لحظة ما دخلنا كلية اداب دمياط ؛ اللي انا عن نفسي فضلتها عن كليات كتيرة وكنت فكراها كلية زي بقيت الكليات من حيث المكان والنظافة ومساحتها: و لما روحت الكلية دي ودخلتها فاكرة اني اصدمت صدمة كبيرة لما شفتها
بس ده نصيبنا بئا نصيب كل من دخل كلية اداب دمياط ؛ انه يشوف الحفر كده في اي مكان بيعدي فيه في الكلية؛ وانه ميدخلش من بوابة الكليه عشان مدفعش المصاريف.
طبعا بقول للمسؤل عن اعمال الحفر دي دا لو كان مسؤال فعلا وبيحس بينا وبيرأف بينا كبني ادمين ؛ انه قطعا المسؤال ده غير موفق ابدا في قراره ده وان كلمة مسؤل دي المفروض متنطبقش عليه وانه المفروض يمشي من الكلية دي ويقدم استقالته احسن ما خراب الكلية نهائي ييجي علي ايده

ههههههههههههههههههههههههههههههههه

ثم ماتت رابعه والله دى حاجه ايجابيه يا جماعه بصوا للموضوع من وجهة نظر الاداره الجامعيه

عاملين خنادق يا سلام وتتمرنوا على نط الحواجز والفتره الجايه هيشيلوا السللالم ويحطوا حبال عشان نتسلق

ههههههههههههههههههههههههههههههههههه

والله مهزله بجميع المقاييس واهمال تام وعدم مراعاه لظروف الطلبه فيه طلبه مكفوفين ربنا يا رب يصلح حالهم وحالنا
هيعدوا ازاى هههه وفيه بنات ما تعرفش تعدى هه

وبعدين مستغربين ان فى حاجه ما بتتكسرش فى البلد دى اقولك ليه بقي بيكسروا الوقت يا سيدى

فيه احتمالين

اولا فى عجز نتيجه اختلاس وبيحاولوا يداروه

ثانيا فيه تفتيش

ثالثا وده الاكيد رخامه عاوزين يضايقونا وخلاص

رابعا بيجهزونا للمونديال نط حواجز ويمكن يملوها مياه وتبقي سباحه

والنتيجه مهزله

يا رب المسؤول عن الحكايه دى فى التوقيت ده يجيله ........... وما يشوفش ................ويجعله فى كل خطوه.................

اكمال الفراغ بما تراه مناسبا

شكرااااااااا وابقوا قابلونى ههههههههههههههههههههههههههههه

فعلا حركه مش تمام وبعدين لو عملوا كده لمصلحه الكليه
خلاص يردموا بقى الحفر ده
شكرا يا هجام على الموضوع

اكيد مش هنخاف ما دام احنا بنطالب بحقوقنا وكمان ابسط حقوقنا يبقى مش لازم نخاف احنا كتر خيرنا اوى رايحين وجايين ساكتين وصابرين
لا بنقول ميزانيات الكلية فين ولا عمرنا طلبنا وقلنا عاوزين وعاوزين على الرغم من اننا محتاجين حاجات كتير وناقصنا كل حاجة تساعدنا على استقبال العلم اذا كنا بنستفيد علم ...ما علينا ومش موضوعنا
موضوع الحفر ده اللى خلاص بقى مش لازم نسكت عليه والله حرام يعنى لما نفضل نلف حولين نفسنا علشان نوصل للمدرج بفتكر لعبة المتاهة والفار اللى نوصله بالجبنة والله كل يوم بحس انى هتكفى على وشى وبنام احلم بكده بس لسة ربنا ساترها وربنا يسترها معانا جميعا
بجد احب اقول للمسئول عن الحفر ده فى التوقيت ده
انه انسان معدوم الضمير
لانه مفكرش ابدا فى البنى ادمين اللى هيتعرضوا للاهانة والخطر بجد (حسبى الله ونعم الوكيل) نفسى كلامنا ده يوصل للمسئول عن المهزلة دى علشان يعرف اننا مش صغيرين على اللى بيعملوه ده
وبعدين مطافى ايه يعنى خلاص ما شاء الله الكلية كاملة من مجاميعه ولسة بس يا ولاد اخر خطوة (المطافى)
صحيح هم يبكى وهم يضحك

حسبي الله ونعم الوكيل

حسبي الله ونعم الوكيل والله ماعارفة اقول ايه بجد حاجة تقرف يعني هي الكلية اصلا في العادي بتاعها شكلها مؤرف وشبه الخرابة زودوها اكتر اصلها ناقصة أرف وغير كل ده ييحفروها في اليوم الدراسي والطوب يبهدلنا مش مشكلةعادي عندهم اصل احنا متعودين عالارف من الكلية دي مش عارفة ده يرضي مين ده
يعني مش كفاية ان الواحد ساكت ومستني في الكلية دي وهي ولا فيها مكان محترم الواحد يقعد فيه وبنضطر نقعد عالارض وهدومنا بتتبهدل ولا في كافيتريا ونخرج نشتري من برة ونيجي نخرج نلاقي شوية عيال متشردين كل واحد ماسك طوبة في ايده وبيرميها علي اي بنت ماشية والله العظيم انا فكرت اني احوول السنة الجاية المنصورة او القاهرة لان الواحد خلاص مش قادر ده انا بتكسف لحد من اصحابي اللي في كليات تانية يشوفوها اومال بقي لو شافوها دلوقت بجد انا بحس في الكلية دي ان مفيش احترام خالص لاي حد
وانا بقول لاي حد مسئول من الكلية دي شكلنا هيبقي ايه لو اي حد من برة جه وزارنا في الايام دي هيقول علينا ايه ....... ولو حد مننا اتعور او ووقع موقفهم ايه هيجيبوله قطن وشاش ولا هيعملو ايه ؟؟؟؟؟؟
حسبي الله وعم الوكيل
شكرا محمد انك خليتنا نتناقش في موضوع زي ده ونخرج كل اللي جوانا من الكلية دي ربنا يعدي الايام اللي جاية دي علي خير

والله يا محمد انا مش عارف اقول ايه

الموضوع ده كبير ومحتاج فعلا اننا نعمل وقفه بجد مش من بتاعت عوكل

وصاحب قرار الحفر ده للاسف ماعندوش اى مسئوليه ولا بيفكر صح وياريتها عشان حاجه مهمه

لا دى عشان المطافى هههههههه دى اصلا الكليه كلها على بعضها لو ولعت واحد بس ينفخ فيها يطفيها

وكل سنه فى المعاد ده بيعملوا حفر وقرف من ده مش عارف ليه

اهم حاجه يارب صوتنا يوصل لحد ونقدر نعمل حاجه


وشكرااااااااا ليك يا محمد انك خليتنا نطلع اللى جوانا


بييييييييييييييييس

والله ياهجام موضوع مهم جدااااااا
بس ايه فايدة الكلام مدام حد مش هيسمعنا
ماكانوا سمعونا واحنا بنقول عاوزين مكان نقعد فيه
او مسجد نصلى فيه
بس مش مشكلة
ادينا بنعمل الى علينا وبنعارض
يمكن حد يحس على دمه ويسمعنا
فعلا موضوع الحفر ده اد ايه بيدل على انهم مش بيعملونا معاملة بنى ادمين
مشفوش ان اكتر من بنت وقعت بسب الحفرة
ان ذوى الاحتياجات الخاصة بيوجهوا صعوبة جدااااا فى انهم يعدوا
حتى الدكاترة وجهوا حتى صعوبة
بص هى كلمة واحدة اوجها للمسئولين
حسبى الله ونعم الوكيل

اقسم بالله يا محمد لما كنت في ادارة العامة المسؤلة عن الجيش واللى كنت مترشح ضابط احتياط قمة الاحترام
اللى شفت منهم معاملة محترمة من اصغر عسكري لاكبر مسؤل لان احنا كنا مؤلهين عليا
انا روحت والله الادارة العامة في ادارة التجنيد في القاهرة وقضيت هناك وقت طويل
عمري ما شفت منهم قلة ادب او قذارة
كلام محترم وادب معانا جدا
وبيحاولوا لان احنا مؤهلين عليا بيتكلموا معانا بادب
قمة الاحترام اللى شفتها منهم
مفيش حد بيشتم مفيش حد بيتعالي عليك
عاوزين يخلصوا ورق كل واحد من اللى كانوا موجودين على حسب المستطاع
بجد كانوا بيحترمونا وعندهم نظام الى حد كبير
واهم حاجة عندي الاحتراااااااااااااااااااااااااااااااام

اما انهم مش محترمين الطلبة اللى ى موجودين اقدر اقول ان ده قلة ادب
معتقدش ان حد من الموجودين اللى فى الكلية زي عقيد او لوا او عميد
مجرد مسؤلين عادين

وهنا اقول حاجة المنطقة اللى قدام البوابة مش كانت فيها كافتريا من حوالي سنتين
ليه دلوقتى مفيش كافتريا ؟
لانهم عاوزين المنطقة دي جراج للدكاترة
الدكاترة اشتكوا قالوا اشمعنى كليات القاهرة ان عربيتنا بتكون في الكلية
فخلوا المنطقة دي جراج
وافتكر كلمة لدكتور محسن جبر ربنا ينتقم منه في اول سنة ليا في الكلية لما قال
احمدوا ربكم ان في كلية لمتكم (والله ده اول كلام كان له في المحاضرة
تخيلوا ككلام دكتور وكان عميد
على الاقل مشي من الكلية بسبب الرشوة

فما بالك بكلام المسؤلين الاخرين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وبعدين عاوز افهم منك يا هجام
هو ليه الحفر دي موجودة
هل عاوزين الطلبة تقع في الحفر ويموتوا ويبقي مفيش طلبة
وتبقي الكلية فاضية زى ما هى فاضية الايام دي بسبب انفلونزا الخنازير علشان ميتعبهوش نفسهم ؟

المسجد اول ما سمعت في سنة تانية ان في حد قدم ورق يطالب بمسجد ؟
كنت باضحك على الطلب اوي
عارفين ان ليه بضحك
لاننا عارف ان طلبه سيرفض سيرفض سيرفض
يا جماعة المسجد في التربية اترفض
فما بالك باللى تسمي كلية اللى كانت اسمها فرع اداب مش كلية
لخوفهم من الاخوان
ما ان مفيش اخوان عندنا في الكلية
وباقول لنقيب الكلية حاليا قائد الحرس انه يا بخته ان مفيش عنده اخوان مسلمين في الكلية زى الكليات الاخري
اصعب حاجة على قائد حرس اي كلية هو وجود الاخوان المسلمين
غير كده هو مرتاح الى حد كبير في الكلية
اما موضوع اسعار الكتاب
لو كلمت يا محمد ان اسعار الكتاب فهيقولك انت ليه معترضتش لما كنت في الاتحاد يا محمد
هيقولك غير كده ان اسعار الكتب في كلية التربية مثلا غالية جدا
اي شيت هناك ب 20 جنيه
والكتاب وصل لحد 75 الى 100 جنيه
وفي مادة مقسومة بدكتورين تدفع 120 جنيه في الكتابين في المادة الواحدة
وبالتالي مش هتقدر تكلم معاهم لان دي حقيقة
الدكتور عاوز ياكل عياله وعاوز يفسح اولاده في بورتو مارينا او في شرم الشيخ وده اكل عيشهم على الغلابة من الطلبة
انت محمد مش عاوز الدكاترة يفسحوا اولادهم في الغردقة
هيجيبوا مين الفلوس او معنى اصح هيمصوا الفلوس منين
من الطلبة الغلابة اللى طحنتهم الاسعار الغالية جدا
فالدكاترة تقولك اشمعنى
وبعدين دمياط بذات تعامل معاملة خاصة جدا خاصة ان كل من فيها بيشتغلوا موبليات على حد كلام اى حد خارج دمياط
اقسم لك بالله يا محمد وده حصل
كنت خارج من ادارة التجنيد في القاهرة وكانت الساعة الرابعة وكنت عاوز اوصل لموقف عبود علشان اركب دمياط
فانا ديما لما اركب تاكسي مثلا باقوله عاوز حسابك كام على المشوار في البداية
فالمهم ركبت تاكسي في القاهرة فقالي في المشوار كذا
لما عرف اننا من دمياط قالي احلي ناس ناس بتوع اثاث وموبليا
تخيلوا وجهة نظر اللى خارج دمياط ان الدمياطة بتوع الاثاث
يعنى كل دمياطي بيشتغلوا في اثاث
وللاسف مش عارفين حالات الفقر اللى عندنا
ايضا دكتورة في قسم انجليزي د اسماء اتكلمت معانا على اساس اننا ومعايا كتير من اصحابي في الدفعة ان احنا بتوع موبليا وان احنا اغنياء زى احمد العز بتاع الحديد مثلا !!!!!!!!!!!!!!!!!!!!!!!!!!
قلتها ومازلت قلتها الكلية تعبانة وهى مجرد كلية ناخد منها الشهادة وخلاص
وان احنا هنحاول نغيرها مفيش تغيير فيها الا في حالة واحدة ان احنا نهدها ونحاول بنائها مرة اخري
ومتخافش يا محمد باذن الله تطلع من ايديهم سالما وسعتها هتطلق الكلية 100000000000 مرة وهتنساها زى ما انا نسيتها الا اصحابي اللى اعرفهم ويعرفوني
غير كده رغم انها قريبة من بيتي الا انها مجرد كلية اخد الشهادة ومحطوطة في المطبخ وهى اساسا شهادة مؤقتة ههههههههههههههههههههه
شكرا يا عسل وربنا معاكم في الامتحانات ومعاك يا محمد

والله انا مستغربة جدا من اللى سمعته لانى فى دمياط الجديدة ولسة مدخلتش الكلية بعد الحفر والنقرلكن ان شاءالله هدخلها لان امتحناتنا فيها لكن انا هقول كلمة واحدة المسئول هل لوانت ابنك او ابنك فى الكلية دى او فى كلية غيرها بنفس النظام دة هتكون راضي عنها وعجباك وهتبقي شايف ان مستوى الكلية لائق للطلاب الجامعيين المعروف ان بعضهم اتهروا واتفروا وشافوا العزاب الوان عشان يدخلوا الحياة الجامعية
شئ تانى هل الميزانية كافية للهدوم بدون البناء ولو هى كافية للهدم طيب بتهدم ليه وبهدف ايه هل هتعمل شئ جديد ولاايه بالظبط
وعلى فرض ان سيادة المسئول هيقول ان هيتم نقل كل كلية اداب الى دمياط الجديدة طيب ماشي برده بتهد ليه عاوز تحول المبنى لخرابة ليه قبل ماتمشي ماتسيبه لحد مالطلاب تخلص وبعدين اعمل اللى انت عايزه براحتك وغير كدة الكلية مفيش فيها اى خدمات طلابية ابدا لاكافيتريا ولاملعب وللااى حاجة والملعب اليتيم اللى فيها اتحول لباركينج لسيارات الدكاترة يعنى الكلية محتاجة تعمير مش تخريب ولااحنا هنمشي تبع المقولة اللى بتقول فى الخرابة متسع للجميع انا والله محتارة ومش عارفة اقول ايه هوليه بيحرق فى دمنا كطلاب كاننا مش ولاد ناس مايعتبرنا اولاده ولولثانية واحدةويشوف هيبقي ايه تصرفه
عموما انا هقول كلمة واحدة بس حسبي الله ونعم الوكيل وربنا يولى من يصلح

محمدسميرهجام كتب:

عايزين نبقى اجرأ .. منخفش ..

لأنناا مش بس بنى ادمين .. ده احنا من ارقى انواع البنى ادمين كمان ..

اللى بيتلــقــوا التعليم .. العالى .. اللى بقالهم خمستاشر سنة بيتعلموا فين حقوقهم وازاى ياخدوها

ومع ذلك عمرنا ما - حاولنا - ناخد اى حق لينا .. وعمرنا ما اتــعــامــلــنا كبنى ادمين

لازم نعرف ان زى ما علينا واجبات بنديها .. لينا حقوق لازم ناخدها .. بالادب والاحترام


نتأكد .. ان لينا .. صوت .. يتسمع لو ضمينا ايدينا لايدين بعض .. بجد

لو كلنا اتحدنا ع الظلم .. محدش هيقدر يتحد علينا ..

لامتى هنسكت عن المهازل اللى بتحصل .. ميزانية اربع اتحادات منعرفش راحت فين .. فلوس منحة

التفوق لكل طالب -جاب اكتر من تمانين فى المية - منعرفش راحت فين ..

هدم لملعب كرة طائرة - اللى مهده الطلاب - بدون وجه حق وتمهيده كجراج للدكاترة ..

اقل سعر للكتاب بيبدأ من اربعين جنيه .. ليه هو احنا فى جامعة خاصة .. الكتاب فى تجارة بخمسة

وعشرين جنيه .. ليه نبقى اعلى سعر كتاب فى كل كليات دمياط .. أمال فين مجانية التعليم اللى

الدولة بتنفذها وبترصد ليها مليارات الجنيهات ..

مفيش اماكن نقعد فيها وبنقعد ع الارض .. لدرجة ان لما نائب رئيس الجامعة جه كنا مترصصين

قدامه فوق بعض ع الارض - ويعلم الله - اننا مكناش نقصد نقعد كده قدامه .. بقول كده لان فى

دكتور مسئول فى الكلية بصلى باحتقار وكأن الاماكن فاضية واحنا قاعدين ع الارض - لماضة -


مفيش مسجد فى الكلية اصل امن الدولة رفض خوفا من تجمع الاخوان فيه ..

اذا كان مجلس قيادة الاخوان الكبير برئاسة مهدى عاكف مش قادر يتفق ولا يتجمع وشغال طحن فى

بعضه .. ولا حتى عارف ياخد قرار .. اخوان الكلية الغلابة هيقدروا يتجمعوا ؟؟ وبعدين هما فين

دول .. ولا اتعترت فى حد فيهم السنادى


احنا ساكتين ليه .. خوف ؟؟

طب ايه هيحصل لو اتكلمنا .. ولا حاجة

وزى ما الحكمة العظيمة بتقول ..

ان لم يكن من الموت بد .. فمن العار ان تموت جبانا

وبما ان كلنا هنموت ولن يبقى الا الحى القيوم .. اذا انا هتكلم وعمرى ما هموت ع الجبن

وما ضاع حق وراه مطالب ..

والحكومة المصرية هى اللى علمتنا كده ونبهتنا فى شعارها المجيد اللى بيتذاع على كل القنوات ان

المصرى اللى على حق .. يقول للغلط لأ

وبما انى مصرى وابويا كمان مصرى فنا هقول .. لأ .. وألف لأ

ولما نقول ان قرار الحفر اللى فى الكلية ده قرار غلط .. و شىء مهين لينا كطلبة لان فيه

اسبوعين امتحانات واسبوعين اجازة يعنى شهر خالى من اى دراسة ممكن يتحفر فيهم كل حاجة ..

يبقى احنا كده مغلطناش فى حد لان ده حقنا .. ومش قلة ادب ولا سفالة مننا اننا بنطالب بحقنا ومش

بنخاف في قوله لومة لائم .. حتى لو كان اللائم ده .. يقدر يودينا ورا الشمس .. او يسقطنا السنادى

عارفين الحفر ده كله ليه

عشان المطافى - وفقا لكلام امين الشرطة الكابتن حمادة -

مطافى !!

انا متأكد ان اكبر حريقة شافتها الكلية كانت الحريقة اللى مسئولى الكلية نفسهم ولعوها ..

لحرق الزبالة..

تخيل منظر اختك او اختى .. لو تخينة شوية .. بتقع فى الحفر الواسعة دى .. وكل الكلية بتضحك

عليها .. ساعتها هتحس بمرارة تخنها اكتر من مرارة الوقوع فى الحفرة .. ولما شباب الكلية

يضحكوا عليها .. روحها هتتجرح جرح مش هيدبل ابدا .. وانا شفت قدام عينيا بنات بتقع فى الحفر

دى .. وطلبة عندها اعاقة فى رجليها بتتعذب كل دقيقة عشان تعدى من الحفر دى ..

طب ليه يعنى نحفر الكلية دلوقتى وفيه شهر فاضى خالص .. ممكن يتبنى فيه كلية جديدة ..

ولا هو استهتار بينا وخلاص

انا بقول للمسئول عن قرار حفر الكلية بالشكل ده .. اى واحد أو واحدة اتــأذوا من قرارك ده

اكيد ربنا هيسألك يوم القيامة عنهم .. وعن كم العذاب النفسى والجسدى اللى سببته ليهم

وافتكر ان

سيدنا عمر قال ..

والله لو تعثرت دابة فى العراق لخشيت ان يسألنى الله .. لماذا لم تمهد لها الطريق

دابة .. ما بالك بقى بطالب .. وجامعى كمان


,,,,,,,,,,,,,


انا لا اخوان ولا انصار سنة ولا تكفير وهجرة ولا سلفى ولا انتمى لاى تيار او جماعة او حتى حزب

انا من اللى بيقولوا على نفسهم رئيس جمهورية نفسه .. وعليه , لازم ابقى رئيس عادل لنفسى

ومقبلش ليها اى امتهان او اهانة ..

انا لا ثورى ولا بطل

ولا حاولت حتى ابقى حاجة من الاتنين .. انا من النوع اللى مش بس بيمشى جنب الحيط لأ ده انا

بمشى جوه الحيط نفسه .. بس حتى كده برضه .. مش نافع ولا شافع

لان الحيط اللى بقى ماشى عليا دلوقتى - لما اتكسر فى الكلية بقى بيطير فوق دماغنا -

وعليه ,, لازم اتكلم .. حفاظا على كرامة نفسى - اللى انا رئيس جمهوريتها -

,,,,,,,


الهدف من الموضوع ان كل واحد مسئول عننا فى الكلية دى لازم يعرف ان لينا صوت مسموع

ولينا حقوق مينفعش نفرط فيها .. عشان لما المسئول - ايا كان - يفكر ياخد اى قرار مستقبلى

يخصنا .. يفكر فينا وفى رد فعلنا وان

فعلا فى صوت قوى لينا هيعترض على اى قرار ظالم لينا كطلبة جامعيين محترمين

والصوت ده هيبان من ردودكو على الموضوع ده ..

كل واحد هيرد لازم يجاوب على السؤال اللى انا طرحته فى التوبك

تقول ايه للمسئول الرئيسى فى حفر الكلية اثناء الدراسة بالشكل ده ..

ومحدش يخاف من حاجة .. اغلب الناس هنا اساميها مستعارة ووهمية يعنى محدش هيعرف يجيبها

لكن واحد زيى .. معروف .. شكلا واسما


وبرغم انى ممكن ادخل واكتب الموضوع ده باسم وهمى بأى - ip - تانى من اى سيبر

لكن انا اكبر من كده ..

والعمر واحد والرب واحد ..

الحفر و الشروخ اللى فى الارض دى ..كشفت شروخ روحنا و شجاعتنا .. قبل ما تكشف الارض

نقطة انك خايف يا محمد
متقلقش
اللى بيبقوا متضقين من حد بيحاولوا يمشوا
ولو هم متضقين منك هينجحوك علشان تمشي من الكلية ويرتاحوا منك كمسؤلين متضقين منك
لانهم لو هيسقطوك او يخلوك تعيد السنة لا قدر الله اكيد مش هتسكت وهتكلم بردو
وفي الحالات اللى زى دي بيتمنوا انك تنجح وتتخرج علشان يخلصوا منك ومن كلام على حد كلامهم
فمتقلقش
هتنجح باذن الله وتتخرج باذن الله
متقلقش