تقول ايه للمسئول الرئيسى فى حفر الكلية اثناء الدراسة بالشكل ده

the red baron كتب:

ههههههههههههههههههههههههههههههههه

ثم ماتت رابعه والله دى حاجه ايجابيه يا جماعه بصوا للموضوع من وجهة نظر الاداره الجامعيه

عاملين خنادق يا سلام وتتمرنوا على نط الحواجز والفتره الجايه هيشيلوا السللالم ويحطوا حبال عشان نتسلق

ههههههههههههههههههههههههههههههههههه

والله مهزله بجميع المقاييس واهمال تام وعدم مراعاه لظروف الطلبه فيه طلبه مكفوفين ربنا يا رب يصلح حالهم وحالنا
هيعدوا ازاى هههه وفيه بنات ما تعرفش تعدى هه

وبعدين مستغربين ان فى حاجه ما بتتكسرش فى البلد دى اقولك ليه بقي بيكسروا الوقت يا سيدى

فيه احتمالين

اولا فى عجز نتيجه اختلاس وبيحاولوا يداروه

ثانيا فيه تفتيش

ثالثا وده الاكيد رخامه عاوزين يضايقونا وخلاص

رابعا بيجهزونا للمونديال نط حواجز ويمكن يملوها مياه وتبقي سباحه

والنتيجه مهزله

يا رب المسؤول عن الحكايه دى فى التوقيت ده يجيله ........... وما يشوفش ................ويجعله فى كل خطوه.................

اكمال الفراغ بما تراه مناسبا

شكرااااااااا وابقوا قابلونى ههههههههههههههههههههههههههههه

فى عجز نتيجه اختلاس وبيحاولوا يداروه


عنك حق يا عوضى انا ازاى مخدتش بالى من الحكاية دى

كل شىء جايز

زمايلنا قالوا كل حاجة والله يا محمد
بس لو هضيف هقول ان القرار الغلط بيترتب عليه غلط مش معروف نهايته فين
من البداية لو هما مهتمين فعلا بينا وبعلمنا وتعليمنا واحلامنا ونفسيتنا ومستقبلنا وكل الكلام دة مكنوش حولوا فصول كلية لكلية مستقلة ويخلوها كمان اقليمية بدون ما يبصلوها نظرة سليمة انها لا تصلح لاى شئ ولا حتى ادارية
حججهم الجامعة وما الجامعة ....طيب ذنبهم ايه الدفع الكتيرة الى يا عالم عددها ايه لغاية ما الجامعة تخلص هما يعنى (كلب حيران ) ودة التشبيه الى ينفع والله
ولما جم يشتغلواروحهم ويحسسوا نفسهم انه بيعاملونا زى الكليات العادية جابولنا دكاترة وموظفين وعملولنا جدول وبوابة وامن وكارنيه....انما غير كدة نخبط احنا دماغنا فى اجدع حيطة
.....فطبعا بما ان كل حاجة ماشية زى ماتيجى يبقى البوابة الحديد قبل المدرجات , التبليط يبقى قبل الحفر والهد ,ستاير فى المسرح قبل الميكروفون ,المطافى قبل انتظام الميا....الخ
(ودنك منين يا جحا)
هنقول ايه وندعى على مين
كفاية بس ان عيب اوى ان الطلبة الى اعمارهم نص اصحاب القرار بيعدلوا عليهم الصح والمفروض
بجد ذنبنا كلنا فى رقبتهم هما لا يعرفونا ولا نعرفهم بس محدش بقى قد القرار والكلمة الى بيقولها
انا عارفة انى متكلمتش عن الحفر نفسه بس الى اتقال كتير
وفعلا كل واحد بيبص تحت رجليه وما بيشوفش تبعات قرارته دى ايه
وانا فى مكانى اهو ابصم بالعشرة ان الوقت دة بالتحديد للحفر ان كان فى اى منفعة ..فهى ابعد ما يكون عن الطلبة وعن التعليم وعن الصالح العام لينا
انا اسفة انى اتكلمت كتير بس كان لازم نتكلم
شكرا على اهتمامك بأمورنا يا محمد ولو باضعف الايمان
وربنا يعوض علينا

لا انا مش هقول رأيى فى المسؤلين عن الحفر اثناء الدراسة وكفاية الي اتحكى قبلى وهيتحكى بعدى
لكن انا هسأل سؤال واحد
اية رأيكم فى الي يقول ان بنات اولى اداب مش محترمين وكلام تانى ؟
ان شاء الله هجيب لكم النص بتاع الكلام الي نزل ع الفيس بوك

اولا شكرا يا محمد علي الموضوع وفعلا حاجه تضايق جدا لان الحفر دي بجد بتضرنا كلنا وفعلا اكتر من مره كنا هنقع فيها بس ربنا بيسترها وفيه ناس فعلا وقعت بالفعل وطبعا بيبقي شكلها محرج جدا يعني المفروض لما يبقي فيه حاجه زي دي عايزه تتعمل يبقي ليها تجهيز صح ووقت مظبوط لكن ما يجيوش اثناء الدراسه وتبقي بهدله بالشكل دا وبعدين هي الكليه كلها مساحتها اد ايه عشان يعودوا يحفروا فيها كده والله هو الواحد مستحملها بس عشان اصحابه اكتر من كده في مالهاش اي مميزات بل كلها مساوئ ماينفعش انها تتحل الا اذا اشتركنا كلنا في حلها بدون خوف ونقدر ناخد حقنا مادام بنطلبه بالاحترام وشكرا يا محمد علي الموضوع الجميل دا

شكرا على ردك انا بس سمعت الموضوع يوم الاتنين من صحابى وقالوهولى فانا زعلت لان انا اصلا اعرف اختك وياريت لو عايز تكتب عن سنة اولى حاجة تانى ياتخصص يا بلاش

أهديه أغنية

كلام بكلام

مع الفنان حكيم

يعنى ردى دونا عن كل الردود الى ما تردش عليه