عملت ايه فى الكلية النهاردة ...موضوع متجدد

كان يوم جميييييييييييل وسط اهلى وناسى

اخيرا نزلت واليوم عدى الحمد لله المهم الى جاى

semsema كتب:

النهاردة كان يوم حلو شوية اتجمعت انا وصحابي وشلة بنات تانين وقاعدنا نهزر ونلعب كتير بس جالنا واحد في الاخر وقالنا صوتكوا عااااالي والداكترة مش عارفين يدو المحاضرة حاسسسنا ان احنا لوحدنا في الكلية .

شوفتى لما بتروحى وانا مش موجودة ايه الى بيحصلكم

جيرسى كتب:

اخيرا نزلت واليوم عدى الحمد لله المهم الى جاى

فعلا ... و أخيرا نزلتى
مالحقتش أقعد معاكى غير شوية صغيرين خالص بس تتعوض
لكن ما تنكريش اننا رغم الحر الرهيب كلنا رجعنا مبسوطين و فرحانين
بجد كان يوم حلو و ان شاء الله اللى جاى أحلى

انهارده كان يوم جميل جدااااااااااااااااااااا الحمد لله

شوفت فريكيكو وشيمو بنات ظراف جدااا فرحت أنى اتعرفت عليهم

قرفان وزعلان من مواقف حصلت
فعلا يوم مش حلو
الحمد لله

انا مبسوطه اويييييييي النهارده علشان اتعرفت علي بنوته عسل وذوق اسمها ستوب

shemo كتب:

انا مبسوطه اويييييييي النهارده علشان اتعرفت علي بنوته عسل وذوق اسمها ستوب

الحمد لله رحت الكلية النهاردة لاول مرة وكان يوم جميل جدا وشفت اصحابى واحلى حاجة حصلت النهاردة هدية جميلة اووووووووووووووووووووى من واحدة صاحبتى علشان عيد ميلادى هوا كان ايام الامتحانات واول يوم نتقابل النهاردة بعد الامتحانات وكنت مبسوطة جدا لانها فاكرانى

كالعاده قعدت أضحك أضحك وجوايا حزن الدنيا
بس الحاجه الوحيده اللي هونت عليا شويه اني اتكلمت مع شخص لأول مره كنت أتكلم معاه
بجد فعلا أنا واصحابي بنقول عليه أخونا الكبير
واليوم عدا بدون جديد....... وأدينا عايشين

النهارده اليوم بدأ بداية عادية بمحاضرة دكتور زكى .. مافهمتش منها و لا كلمة بالمناسبة
و بعدين قابلت بنات كتييييييييير أوى من بنات المنتدى زى منة الله و ستوب و سمسمة و بنوتة عسل
و سويتو ياسو و البرنسيسة و شمس أخيرا .. يارب أكون افتكرت كل الأسامى
بجد كنت سعيدة جدا بإنى أعرفهم و أقابلهم لأول مرة
كمان شفت شيمو النهارده لتانى مرة .. بنات زى العسل
و بعدين و بدون مقدمات حصلت انتكاسة لليوم و اتسببت بشبه كارثة بس تم تداركها ... الى حد ما
نهاية اليوم كانت غريبة ما بين الفرحة بإنى وسط أصحابى و الاحساس بالذنب الجامد .. الحمد لله

محمد منصور كتب:

ألنهاردة
كان يوم غريب
واحد من اصحابى اكتشفت انه مفصول لمدة اسبوعين بسبب....عمل شهم و نبيل
اخدنا محاضرة لدكتور زكى عبد الله.... و لا تعليق
قابلت النهادرة مزيد من الناس الجميلة و الطيبة بجد........ولكن كان فيه لحظة حسيت بيها بحزن فظيع

مين ده اللى اتفصل يا محمد ؟؟؟؟

مرحتش الكلية .. معرفش حصل ايه

بس .. ربنا يستر

رحت وكان يوم حلو من برة اما من الداخل استمرار لسيناريو القهر المعهود منذ سنوات وربنا يعدى الايام الى جاية على خير

بغض النظر عن محاضرة د/ذكي واللي مفهمتش منها ولا حاجة
اليوم كان مزيج من لحظات حلوة ولحظات عدت والحمدلله
احلي ما فيه اني شوفت اصدقاء وزملاء بعزهم ودول احلي ما في حياتي
بجد نفسي الكلية ما تخلصش مش متصورة اني ممكن اشتاق ليهم وملاقيهمش
اااااه واتعرفت علي شمس بنوتة زي العسل.

انت نسيت انك اتغلبتهم فى الشمس ولا ايه
وبعدين ايه رايك بقى ياهجام عمر بيقعد معايا انا للساعه واحده وبيعدى كمان علشان معتش تقول عليه انت غريب ياهانى افرح ياواد ياعمر اثبتنالك البراءه

انهارده كان يوم جميل جدا اخدنا محاضرة سياسه روعه

والكليه كانت زحمه انهارده على غير العاده