رجــــــــــــــــــــــــــــــــــــاء دخول أدباء وأعضاء المنتدى للمشاركة فى هذه الفكـــــــــرة

سرحانة انا في جمالها
مصر الطيبة بنيلها
دي بلدي ومليش غيرها
وحتي لو انا فين بسمع حكياتها
من الشر يا رب احميها
وذود خيرها واديها
وشجع ولادها لتعليها
.

فكرتك جميلة يا شمس ودي حاجة ضغغنة كدا للتكملة .

nansy adel كتب:

الله فكرة حلوة أوي يا شمس , هجرب ويا رب متحرجونيش

حنيت لأسمك من زمان
صرخت في ولادك كفاية حرام

دي بلادنا بلاش تغتالوها
وتلعنوا فيها وتهجروها

يا بلادي حبك فيا دفين
راح يزداد حين بعد حين

وإن كنت نسيت مع الناسيين
فأنا برضه بنتك
وأنت منبع الحنين

يا سلالالالالالالالام عليكى يا نانسى

انتى ليه مش بتكتبى وتعرضى كتاباتك هنا

بجد انا سعيدة اووووووووووى ان الاعضاء اتشجعوا وكتبوا معانا

انا عارفة ان لسة عندك كلالالالالام

ياريت تدخلى وتكملى بقيت الجزء بتاعك

فى انتظارك تانى

ربنا يوفقك يا رب

فكرة نبيلة يا شمس تدعو للترابط والوحدة لكن للأسف لاأستطيع كتابة الشعر وهذه الفكرة تتوافق مع قول الشاعر
حافظ إبراهيم في قوله:يا رافعاٌ راية الشورى وحارسها..... جزاك ربك خيراٌ عن محبيها
رأي الجماعة لا تشقى البلاد به....رغم الخلاف ورأي الفرد يشقيها

فكرة اكتر من رائعة يا شمس
وبجد مشكورة ودمتى متألقة وشمس المنتدى
وانا حبيت اشارك ولوانها مش مقام بلدنا والله

بلدى ومفيش ليا فى الدنيا غيرها
بحبها وطهقانة منها
مشتاقة ليها وهربانة منها
دة كفاية بس شمسها وارضها ونيلها
ولا كفاية كلامها وشعبها وليلها
مهما لفيت الدنيا لازم ارجع ليها
ما انا اصلا منها وليها وبيها

جزاكى الله خيرا على الموضوع

فكرة بجد فوق الرائع
هظبط بيتين واكتبهم ان شاء الله
شكرا يا فنانة

بلدنا امانه في ايدينا نعليها ما دام عايشين نعيش فيها سنين وسنين واحنا مطمنين
مشربتش من نيلها طب جربت تغنيلها جربت في عز ما تحزن تمشي في شوارعها وتشكيلها
ما مشتش في ضواحيها طيب ما كبرتش فيها ولا ليك صوره عالرمله كانت عالشط في موانيها
دور جواك تلقاها هي الصحه وهي الاهل عشرة بلدي بتبقي نسيانها عالبال مش سهل
يمكن ناسي لانك فيها مش وحشاك ولا غبت عليها بس اللي مجرب وفارقها قال في الدنيا ما فيش بعديها
انغبت بحنلها وانسي الدنيا واجيلها وان جيت انسي تفكرني بمليون ذكري القلب شايلها
غاليه بلدنا علينا وهتفضل في عنيناومدام بنحب بلدنا تبقي هتتغير بادينا احنا اللي نعيلها بادينا نخليها
اجمل لينا ولولدنا مهما العمر يعدي علينا

مهما قالوا ومهما عادوا هتفضلى الامان
يا مصر انتى ام الدنيا من زمان
انتى بنتى مش امى زى ما قالوا زمان
بخاف عليكى وبعمرى احميكى
ولو اقدر جوا عيونى اخبيكى

يارب ما اكونش بوظت الدنيا

انا مصرية وافتخر
مهما بعدت عن بلدي بفتكر
اهلي واصحابي وايام السهر
اسم مصر اتكتب علي ورق الشجر
بحبك يا بلدي مهما حصل