مسابقة احسن قصيدة ... يرجى الدخول .. للمشاركة والتصويت

يا ريت يا هجام تخليها لمدة أكبر من كدا شويتين , 3 أيام قليلين أوي . ويا ريت يا شمس تثبتي الموضوع .

احنا عاوزين مدة اكبر
يعنى اسبوع
شكرا ليك

فكرة حلوة يا محمد وانا معاكى يا ستوب
ويا رب اقدر اشترك معاكوا باذن الله
لان اغلب الحاجات عرضتها قبل كدة خلاص بس احاول الاقى حاجة باذن الله وربنا يوفق الجميع
شكرا يا محمد

محمدسميرهجام كتب:

الحريف كتب:

احنا عاوزين مدة اكبر
يعنى اسبوع
شكرا ليك

لا مهو احنا مش لسه هنألف جديد
احنا هنجيب من الحاجات القديمة اللى احنا كتبناها
وطبعا مفيش اى نقل
لازم نقول ونكتب حاجة احنا مالفنها

فكرة جامدة يافنان
انا مش هاكتب
انا هدخل اصوت لاحسن القصايد ماشى

هو فى سؤال بس
انا اعرض القصيدة فى الموضوع دة نفسه
ولا اعرضه فى المقهى الادبى.......

حلو الموضوع أوي يا هجام
وانشاء الله هحاول أشترك بأي حاجه

متى ستبدأ المنافسة

دي اغنيه انا الفتها بس طبعا مش هقدر انافس محمد سمير انا بس حابه اخد رايكم فيها
هي اسمها (إلي يحب)

إلي يحب عمره ماينسى الي يحب عمره مايقسى
وانت نسيت وقسيت عليه وجرحت قلبي جرح كبير
استنيتك واتمنتك تبقى معايه كده على طول بس خساره
قلبك باعني وسبتني من غير ما تقول
.............................
حبك عايش جوه في قلبي ليل ونهار انا موش بنساه
بس خلاص جالوقت عليه لازم فيه اعيش الحياااااااه
علشان كده انا خت قراري اني هحاول انسى هواااااه
والي يبعني وينساني لازم بعده اعشق تااااااااااااااااني
وابداء ادور علي يقدر ويملا قلبي الوحدااااااااني
..........................
عمر الحب ما كان كلمه عمر الحب داااااااه احساس
بس الي يفهمها حقيقي يعرف ايه معنى الاخلاص
وانا فهماها وكده حساه وانت قلبك غير كل الناس
قلب قاسي قلب ناسي قلب حب كده وخلاص

فكرة جميلة يا محمد
بس انت فى المنافسة ازاى اكيد اى حاجة هتكتبها كلنا هنصوت لها لانك فنان ومبدع وموهوب بجد
بس على العموم هنشوف يمكن حد يقدر ينافسك وربنا يوفق الجميع

انا كتبت حاجة كدة ويا رب تعجبكوا بس هما المشتركين قليلين ليه طالما مسابقة لازم نكون اكتر من كدة شوية وربنا يوفق الكل


هى كدة تقيلة وعنيدة
قريبة وبعيدة
كئيبة وسعيدة
ما هى ساعات

لحظات بتمر علينا
ما نعرفش عددها
لا نحس لا بمرها ولا بحلاوتها
لا بغدرها ولا بقسوتها
لا بحزنها ولا بفرحتها
ساعات تحس العمر
زى الومضات
واسمع معاه نبض قلبى
نبضات نبضات
ما هى ساعات

هو دة حب ولا دى
نزوة من النزوات
ولا حالة الحب بقت
امنية من الامنيات
ولا بقى العمر شوية حاجات
لها بدايات ونهايات
ولا بقى العمر
ازازة مخرومة
مخنوقة بالاوهام والامنيات
بتنزل منها الاحلام
على شكل قطرات
ما هى ساعات

هى الدنيا بقت
صداقات وسلامات
ولا مواقف ووقفات
بقى الحلم
ابتسامة ووردة وكلمات
ولا بقى
صوت فى رسالة ورنات
ما هى ساعات

سنة احلام سنة اوهام سنة الام
هى حكاية اتنين
لا كان بايديهم يتقابلوا
ولا كان بايديهم الفراق
على طريق الفرح
كانت مستنياهم الاشواك
عشان يتحقق الحلم
كترت الخساير والصدمات
ما هى ساعات

استحالة بين الممكن والمحال
الكلمة دليل و تحقيق للامال
خلص الكلام يا قلبى
وابتدت الالام
الكلمة حلم واكتمال
ما هى ساعات

من سنة فاتت
كان فى مشاعر حلوة
كان فى امل
كان فى حلم
وحاجات كتير
جوايا ماتت
جوايا ضاعت
جوايا تاهت
ما هى ساعات

على حافة الطريق
الضياع فى كل مكان
مش من الممكن
النظر للوراء
ولا بالامكان الاقتراب
اقدامى
على وشك الفراق
مشاعرى حست بالنفاق
بالتشتت والافتراق
لحظاتى صارت
للخلف..... للوراء
فوجئت بالعمر
على وشك الاختفاء
ما هى ساعات

ممكن اشارك معاكم بخاطرتى (بينى وبين رسول الله )
لان لاسف مالقيت تعليقات كافيه عليها ::



ذكرتنا ياقمر فبكيت شوقا ونحن لسنا
بكفئا لدمع سقط من عيناك

-لو كنت تدرى بحالنا لرجوت الله ان ما خلقنا
ولاكنا ع ارضا نفسد ماصنعت يداك

-اشتاق والشوق شكا من شوقى
لرؤيتك ياحبيبى ياخير ماخلق ربى اياك

-بخاطرى حديثا بينى وبينك اشكوك حال امتك
التى تداعت عليها سائر الامم كما أشارت من قبل رؤياك

بالسوء أشاد الاعداء لك ونحن عاجزون
فيما عدا مالنا يارب الا سواك

-وقفت ع قبرك وتساكب الدمع من عينى شوقا
واسفا ع ماقصرت عنه يدى نظرا لما قدمته يداك

اضعنا سنتك وهدمنا ديننا بمعول الجهل الذى
هدمت به اصناما كانت تعبد ع دينك بدنياك

بأبى انت وأمى ياخير العالمين
ياابا القاسم حاشاك لقول عدوا لك حاشاك

-اذ كان لاشأن لك حسب قولهم فلما يكيدون
لك بالشر الا لعلمهم بسمو رقياك

غطى الحقد قلوبهم لرؤيتهم شمسا لاغروب لها
أضأت مشارق ومغارب الدنيا بلقياك

سلام الله عليك يارسول ربى اسمعك تقولها :
صلى عليك الله صلاة افضل من صلاتك اياها[/b]


اتمنى تعجبكم

طبعا مجرد رايكم يكفينى شكرااا وتحياتى لكم

ليه ياقلبى قاسى عليه اوى كده والله حبه كان كبير اوى وانا انا اللى لسه بقول انا ابتديت فجاه الاقى نفسى انا انتهيت والله ظلم انك تجرح اوى كده والله ظلم انك تجرحنى بالشكل ده طب ليه سايبنى من غير حتى كلمة وداع طب ليه سايبنى مليانه بالاوجاع الله يجازيك ياغرام علقتنى باوهام شدتنى ليه ايام وبعدت ليه بجراح القلب خلاص حس انه ضاع ما الكل سابه وراح وباع