مسابقة احسن قصيدة ... يرجى الدخول .. للمشاركة والتصويت

أنا كتبت حاجه عن مصر يارب تعجبكم ومتكنش طويله وتزعكوا
بيقولوا عليكي أمي
بس انت كل عمري
بيشوفوا ليلك
بيقولوا دا سهري وقمري
بيشوفوا نيلك
بيقولوا برمي فيه كل همي
مهما بكيتلك واشتكتلك
هتفضلي شيلي همي
ولا ايه يا مصر يا أمي
عشنا فيكي وحوليكي
وهنفضل برده في عنيكي
مهما روحنا وجينا
ودورنا ولفينا
هنرجعلك ونقولك
أدينا جينا من مكان ما بدينا
عرفنا فيكي الكلام
ومعاكي الأمان
كل ما نقربلك كمان
نلاقي فيكي الحنان
غزوكي من واحنا صغار
قلنا حقنا هنخده ولو كنا في حصار
عرفينك جامده وعافيه
عمرك ما تنهزمي يا مصر يا قويه
تعبنا...وأما جينا علي شطك ريحنا
شال معانا همنا واحنا....
دايما معاه في شجار
عشمنا فيكي كبير
أكبر من اي تفكير
منك خرجت الأشعار
واليك عاد المحتار
غلابه احنا في ضيك يا مصر
دا مش كلامنا دا كلام العصر
صدقيني يا مصر
حسيت معاكي بالأمان
كأنك أمي تمام.....

جميلة الفكرة يا حبى

مش هشترك انا .. بس واقف .. علشان استمتع بكلام الاعضاء الجميل

وكلامك الاجمل

ما لهاش وصف يا محمد كعادتك
بجد رائعة

لا بجد حلو ميرسي علي الفكره الحلو دي
بس انا بتفرج بس لان انا ماليش في الحاجات دي بس هيه فكره حلوه

لالالالالالالالا جامد يا هجام
شكرا

السلام عليكم ورحمه الله وبركاته
ازيك يا محمد انا رهينه الاحزان ده اسمى اكيد عرفتنى
رايك طبعا برده يهمنى لانك بجد استاذ وشاعر حساس ومرهف واكيد هتعلم من كتاباتك