زيارة أوباما الخميس القادم ... أيه أنطباعك ؟

والله انا حاسه انه كويس عن اللي قبله ويمكن عشان له جذور اسلاميه يكون واقف معانا وهو بدا خطوه كويسه تشيع بالتفاؤل بانه هيقفل سجن غوانتنامو .......ان شاء الله يكون نواياه خير وميكنش بقناع زي نابليون يا عمر ......هنشوف وان شاء الله خير

انا حاسس انه افضل من جورج بوش وبيحاول يعمل حاجات كويسة بس لابد الا ننسي ان ورائه لوبي صهيونى يدعمه ويساندهوا
وبالتالي غير مطمئن انه سيفعل شىء لصالح العرب والمسلمين واتمنى ان يخيب ظنى
ننتظر فى الايام المقبلة ماذا يحدث

ياااارب يبقي في اختلاف طبعا عن اللي قبله
بس المشكله اللي سمعتها مع عمرو اديب ان الاقباط ارسلوا رساله لاوباما انه يتدخل ويتناقش مع الرئيس مبارك في مشاكل الاقباط في مصر في اثناء زيارته لمصر
عمرو سال واحد مسيحي كان بيكلمه انت ترضي ان رئيس دولتك يقعد ادام رئيس اخر يقله شعبك بيطلب مساعدتي في حل مشاكلهم !!
وهو رد انها هتبقي مجرد واحده من القضايا اللي هيتناقش فيها الرئيسان
انا حاسه انها اساءه بجد للمصريين ,,ليه مشاكلنا الداخليه نطلب فيها التدخل من دوله اجنبيه
مهما كانت مشاكل الاقباط وحقوقهم اللي بيطالبوا بيها احنا مبننكرش انهم عندهم مشاكل لكن ميبقاش الطريقه اننا نلجأ لدوله اجنبيه علشان تحل مشاكلنا
انتو ايه رايكو في التصرف ده؟؟؟؟

شكرا ياعمر علي الموضوع واسفه علي الاطاله

والله انا ماشيه بمبدأ
بكره نعد جنب الحيطه ونسمع الزيطه
وربنا يعديها على خير
بس كلمه حق
الراجل ده انا حسه انه سياسي كويس ومبادرته عجباني... وربنا يستر
شكرا ليك يا عمر على الموضوع

سننتظر فى الايام القادمة ولكن لا نضع امالنا كثيرا على اوباما لانه خلفه لوبي صهيونى متطرف

أنا متفائلة بيه كثير

اولا اوباما جاى مصر ان شاء الله ليوجه خطاب للعالم الاسلامى مش زى نابليون
نابليون كان جاى لاقامه امبراطوريه فرنسيه تكون مصر البدايه وخطابه لكى يضحك على الشعب
علشان ميواجهش مقاومه
شكرا

الرئيس باراك اوباما هو من افضل حكام الولايات المتحدة وعايز مصلحة البلاد العربية وكمان مصلحةبلاده