البرنامج العام " لو قلتلك " مع شيمو وهوللو

اعزائنا المشاهدين ..انتم على موعد مع البرنامج الجديد والشديد

" لو قلتلك... "

ده برنامج يقدمه لكم المذيعتان المشهورتان شيمووووووووو و هوللوووووووووو

الفكره :

كل 3 ايام في عضو هيدخل ويبقى ضيف معانا هنا و المذيعتان الواعدتان شيمو وهوللو ههههههه هيستفردوا بالعضو وهيحطوه في مواقف صد و رد و الاسئله هتكون مختلفه عن اي حوار عادي..
ازااااااااااااي؟؟
هنعرض احنا الاتنين للعضو ده مواقف ونقول له لو انت...كذا هتعمل ايه؟؟
ولو حصل لك كذا هتتصرف ازاي؟
يعني الاسئله كلها هتبقى عباره عن افتراضات ومواقف يحط نفسه فيها ويجاوب بصراحه
وكل عضو هنا مدته معانا 3 ايام وف اخر اليوم التالت هنختار احنا الاتنين العضو اللي هينزل بعده ونبعت للضيف اللي بعده رساله ع الخاص ندعوه للمشاركه في حلقتنا.....

زي ما قلنالكم...العضوه او العضو هنا مدته 3 ايام معانا ف الحلقه

يااااارب الفكره تعجبكم ..

ومن هنا لحد ما الفكره تعجبكم ان شاء الله احنا اختارنا العضو... البرنس عشان يكون الضيف الاول في الحلقه الاولي...ابقو معنا ... المذيعتان هيعملو معاه هو واللي بعده الوااااااااااااااااجب


لكم منا كل تقدير واحترام
...امضاء..شيمو وهوللو

حلوة الفكرة يا شيمو

وابدأ انا بموقف للبرنس

لو انت معجب بجمال بنت وكل اما تشوفها تعكسها وهى تضحكلك وفى مرة جت تعكسها وانت واقف مع اصحابك قامت شتماك

هتعمل ايه ؟؟؟

هتشتمها ولا هتبطل تعكسهاا تانى ولا ايه؟؟؟

شكراااااااا شيمو وهوللو

لوووووووووووووووووووووووووو يا برنس هتعمل ايه بقى هتتصرف ازاااااي؟؟؟؟
طبعا مش فاهم حاجه......
انا بس كنت بداها هزار عشان نفرفش الجمهور بس يلا نتكلم جد شويه ضحكنا كتير هناخد طول السنه ضحك وهزار ولا ايه؟؟؟
اتفضل اعد ع الكرسي ادام جهازك اعدت؟؟
قوم اقف تاني وروح اغسل وشك وسنانك وفوق كده..فقت خلاص؟؟؟
استعد..خد نفس..ركز..بص بعنيك ع الشاشه واتفضل اقرا الموقف كويس وبعدها قول بسم الله الرحمن الرحيم وجاوب يا برنس....

سؤالي الاول لسيادتك......:

لو كنت بنت كنت هتفضل تصاحب مين من البنات زمايلك ف الكليه وكنت هتخليها الانتيم؟؟؟؟

الموقف التاني.... :

لو ف مره كنت بتحب واحده وخطبتها وبعد كده اكتشفت انها مش بتحبك وكانت بتحب مثلا واحد زميلك هتتصرف ازاااي؟؟؟

الموقف التالت.... :

لو في ولد صغير ماشي ف الشارع وراح لقك بزلطه او بطينه او كوره مش نضيفه وكنت لابس لبس شيك جدا وغالي جدااا وكانت ماشيه بنت اموره جنب الشارع اللي انت ماشي فيه..هتعمل اييييييييييه؟؟

الموقف الرابع.... :

لو ركبت ميكروباص واكتشفت ان فلوسك وقعت او نسيت محفظتك والسواق عايز الاجره
وكانت وحده زميلتك ركبه ف نفس الميكروباص هتعمل ايه؟ هتنزل وتستحمل اللي السواق هيعمله فيك ولا هتخليها تدفع ههههههههههه؟؟؟

الموقف الخااااااامس....... :

لو كنت نايم وصحيت على صوت رفرفه لصرصار بيطير واخواتك معتمدين عليك انك هتقتله وا عدين يصوتو وخايفين جدا وانت يا حرام ههههههههه بتموت منه هتتصرف ازاي؟؟؟

فاااااصل ونوااااااااااااااااااصل ان شاء الله

بجد الفكرة جامدة
بالتوفيق هوللو وشيمو وربنا يكون فى عون البرنس

شكرا ياشموسه علي مرورك
شكرا ياسمين علي مرورك
الحمدلله ان الفكره عجبتكم تابعونا في حلقاتنا هنستضيف ناس كتير ومواقف جامده جداااااا
ابقواااااا معنا

سؤالي الاول لسيادتك......: لو كنت بنت كنت هتفضل تصاحب مين من البنات زمايلك ف الكليه وكنت هتخليها الانتيم؟؟؟؟

لالالالا أنا عمري م إتخيلت إني أبقي بنت .... بس علي فكره أنا معرفش بنات قوي قد كده في الكليه..بس لو كنتي من ضمن البنات دول طبعاً يا هوللو مكنتش هصاحبك ولا هخليكي الأنتيم ... يا شريره

الموقف التاني.... :لو ف مره كنت بتحب واحده وخطبتها وبعد كده اكتشفت انها مش بتحبك وكانت بتحب مثلا واحد زميلك هتتصرف ازاااي؟؟؟

نعم نعم...؟! أومال قبلت الخطوبه ليه...؟! ع العموم ممكن تحصل وساعتها هرمي نفسي من فوق ناطحه سحاب.

الموقف التالت.... :لو في ولد صغير ماشي ف الشارع وراح لقك بزلطه او بطينه او كوره مش نضيفه وكنت لابس لبس شيك جدا وغالي جدااا وكانت ماشيه بنت اموره جنب الشارع اللي انت ماشي فيه..هتعمل اييييييييييه؟؟

ولا هقوله أي حاجه غير عيب يا حماده....! و بعد ما البت الأموره تمشي هشيله م قفاه و ارميه في أي بلاعه بس ....

الموقف الرابع.... :لو ركبت ميكروباص واكتشفت ان فلوسك وقعت او نسيت محفظتك والسواق عايز الاجره
وكانت وحده زميلتك ركبه ف نفس الميكروباص هتعمل ايه؟ هتنزل وتستحمل اللي السواق هيعمله فيك ولا هتخليها تدفع ههههههههههه؟؟؟

أخليها تدفع......؟! ههههههههه أنا أطلب منها تدفع..؟ هي اللي المفروض تدفع من غير ما أقول و ع العموم لو معرضتش إن هي تدفع عادي جداً هستعد للعلقه السخنه من السواق...

الموقف الخااااااامس....... :لو كنت نايم وصحيت على صوت رفرفه لصرصار بيطير واخواتك معتمدين عليك انك هتقتله وا عدين يصوتو وخايفين جدا وانت يا حرام ههههههههه بتموت منه هتتصرف

يا لهويييييييي.... أكيد هطلب قاهر الصراصير و الحشرات الطايره ( هوللو )ههههههههه

الموقف الاول
لو في يوم لقيت بنوته جميله في الكليه جت تهزر وتضحك معاك وبعدين اتكلمتو واتصاحبتوا وبعد كده لقيتها كانت بتكلمك كل ده علشان متراهنه مع صحابها انك تبقي ضمن اللي هي عرفتهم هيبقي رد فعلك ايه؟؟؟

لسوف أستل سيفي و أذبحنها ذبح البعير........ ههههههههههههه


الموقف الثاني
لو انت ماشي في الشارع ولقيت واحد بيعاكس بنت هتتدخل وتدافع عن البنت ولا هتعمل نفسك مش شايفه اصلا؟؟؟

لا طبعاً هروح له و أقول عيب وبعد م أقول له كده هقوله أبوس إيدك إضرب بالراحه....


الموقف التالت
لو في يوم من الايام اتجوزت ان شاء الله وبنتك ان شاء الله بردو جت قالتلك " بابا انا بحب " هيبقي رد فعلك ايه ؟؟هتضربها ولا هتسالها مين واحكيلي التفاصيل ولا هتسيبها وتقوم تنام ؟؟؟؟

كنت هعرف التفاصيل الأول و بعد كده بوم طاااااخ بوم هديها علقه مووووت... بس علي فكره موضوع إني أسيبها و أقوم أنام ده إختيار سلبي جداً لازم الأب يسمع لبنته بالذات.... وبعدين أنا بهزر مش هضربها خالص ..


الموقف الرابع
لوقلتلك ان في فرصه انك تسافر تتفسح لمده اسبوع ..مين هتختاره من المنتدي يسافر معاك؟ وتسافرو فين؟

نعم حتي و أنا مسافر معايا هو إنتو ورايا ورايا ...أففففف .. ماشي هختار 2 هوللو و سمارت والمكان اللي هنسافرله القطب الشمالي عشان يتجمدوا و أخلص منهم ...ههههههههههه


الموقف الخامس
لو قلتلك ان الزمن رجع بيك ل 3 ثانوي وهتختار كليه تانيه غير اداب هتختار ايه؟؟

ياريت لو ينفع .... عشان مجموعي مكنش حتي يوديني دوره الميه... بس كنت هختار ألسن...

شمس كتب:

حلوة الفكرة يا شيمو

وابدأ انا بموقف للبرنس

لو انت معجب بجمال بنت وكل اما تشوفها تعكسها وهى تضحكلك وفى مرة جت تعكسها وانت واقف مع اصحابك قامت شتماك

هتعمل ايه ؟؟؟

هتشتمها ولا هتبطل تعكسهاا تانى ولا ايه؟؟؟

شكراااااااا شيمو وهوللو

أنا عمري ما عاكست بنت خالص لإن أخلاقي متسمحليش.....بس ع العموم لو إتهبلت وحصل.... لسوف ألقنها درساً لن تنساه أبد الآبدين.... وهو إني هاخد بعضي من سكات و أقعد في بيتنا محرج و مخرجش منه نهائي كإني عملت جريمه... ومبحبش حد يحرجني خصوصاً بنت لإن البنت مخلوق لطيف ورقيق... شكرا يا شمس ع السؤال الجبار ده....

ههههههههههههههههههههههso cute خاااااااااااااااااااااااااااالص
طيييييييييييييييب طالما انت طلعت شرير اوي كده استعد بقى للمواقف دي يا استاذ برنس.....

الموقف الاول.... :

لو كنت بتاكل سمكه وطبعا انت معروف انك مفجوع طبعااااااااااااااا ومن كتر ما انت بخيييل مووت مستحملتش تشيل منها كل العظم اللي فيها وبعدين وانت بتاكل في عظمه شريره وقفت ف زورك ونفسك راح واعدت تصرخ وانت تقريبا كده خلاص ف النزع الاخير وانت لوحدك هتعمل ايييييييه؟؟

الموقف التاني..... :

لو اتعرض عليك 3 مهن انك تبقى قتال قتله...حرامي غسيل....نصاب ومزور هتختار ايه؟؟ بلاش دبلوماسيه لازم تختار منهم مع ذكر السبب..يلااااااااااا

الموقف التالت..... :

لو صحبك اهانك جدااااااا ادام خطيبته وخطيبته دي كانت جيبالك عروسه هتتصرف معاه ازاي؟؟

الموقف الرابع...... :

لو ابنك كبر في يوم م الايام وطلع واد فرفور كده من بتوع اليومين دول هههههههههه وحب واحده وقال لك بابي انا عايزك تجيبلي الشقه وانت قولتله لا اعتمد على نفسك وراح قايل لك طيب هموت نفسي لو مجبتهاش اصلي مقدرش اعيش من غير سوسو وراحت الحاجه شمشونه مراتك قايلالك..لو مجبتلوش الشقه اعمل حسابك هلففك ف المحاكم كعب داير وهتطلقني وهغرمك دم قلبك هتتصرف ازاااااااااااااي؟؟؟

الموقف الخامس...... :

لو كنت اعد على قهوه المصريين انت واصحابك وطبعا اصدقاء السوء قالولك جرب كده تشرب السيجاره او الشيشه دي ومتخافش يا بخيل احنا اللي هندفع ولما انت عرفت انها من غير فلوس طبعا واقفت وفجاه بتشربها لقيت الحج ادامك عدل هتعمل ايييييييييييييه؟؟؟؟؟

ولسسسسسسسسسسسسسسسسسسسسسسسسسسسسسسسسسسسسه....اصبر عليا

فاصل ونواصل ان شاء الله

ههههههههههههههههههههههههههههههههههههه ردود cute فعلا علي راي هوللو
ودلوقتي هنكمل الحوار مع نجم الحلقه البرنس

الموقف الاول

لو اتخرجت ان شاء الله (ده لو يعني ) ومعرفتش تلقي فرصه الشغل اللي انت عاوزه هنا هتختار انك تسافر وتجرب حظك في اي بلد تانيه ولا تفضل هنا وتشتغل اي شغل بس مبتحبوش؟؟

الموقف الثاني

لو كنت بتحب واحده ومتمسك بيها جدا ومتفقين في كل حاجه وخلاص خلصت كليه واشتغلت وقلت لاهلك انك تتقدملها بس لقيت ان باباك مش موافق ومش راضي حتي يقلك سبب وحلف مانت متجوزها لو اخر واحده في الدنيا,,هتعمل اييييييييييييييه؟؟

الموقف الثالث

لو في يوم جه واحد صاحبك قريب منك جدا وعمل حادث جامد جدا (بعد الشر طبعا)ومحتاج عمليه هتتكلف مبلغ كبيييييير جدا وانت معاك فلوس الحمدلله بس دي فلوس اللي انت هتتقدم بيها للبنت اللي بتحبها والا هتتخطب لواحد تاني هتعمل اييييييييييييه؟؟؟

الموقف الرابع

لو اختك جالها عريس مناسب جدا وهي موافقه عليه وبعدين جه واحد صاحبك قالك انه عاوز يخطب اختك وانه بيحبها اوي هتقله لا اختي اتخطبت ؟؟ولا هتعمل مشكله مع العريس التاني وتمشيه علشان صاحبك يتقدم؟؟

الموقف الخامس

لوالاختيار في ايدك انك تختار رئيس جمهوريه مصر القادم (وخد بالك المنتدي متراقب :30هتختاااااار ميييييين؟؟؟
انتظر باقي المواقف لو كان لسه في عمر اننا نسال او لو لسه فيك نفس تجاوب

هههههههههههههههههه
حرام عليكم يا جماعة الراجل ما عدش هيفكر يفتح الكمبيوتر بتاعه اساسا
ربنا معاك يا برنس لا برنس ايه ما خلاص

تسلمي يارام علي مرورك
ليه بس يا ياسمينا ده احنا هنريحوووووووه هههههههههههه
تسلمي ياجميل علي مرورك

تسلم ايديكم يا هوللو انتي وشيمو دايما متالقين وافكار روعة وربنا يخليكم دايما وعقبالي لما تستضيفوني في البرنامج الجميل ده
الله يكون في عون البرنس بس انتم بجد تستاهلوا تحية

شكرا شكرا يانيرمو
واكيد ياحبي هنستضيفك طبعا بس بعد مانحلص علي البرنس (اصدي نخلص معاه يعني )
تسلمي ياحبي علي مرورك

جميل هذا البرنامج
بس ممكن سؤال
ممكن ادخل بمجموعة اعلانات فى الفاصل
ومش هنختلف فى السعر وليكو الحلاوه

ربنا يستر
ما اجتمع الاثنان الا واتعصر اللى قدامهم واللى كان كان
ربنا يستر عليك يا برنس

الموقف الاول.... :
لو كنت بتاكل سمكه وطبعا انت معروف انك مفجوع طبعااااااااااااااا ومن كتر ما انت بخيييل مووت مستحملتش تشيل منها كل العظم اللي فيها وبعدين وانت بتاكل في عظمه شريره وقفت ف زورك ونفسك راح واعدت تصرخ وانت تقريبا كده خلاص ف النزع الاخير وانت لوحدك هتعمل ايييييييه؟؟

هعمل إيييه و أنا لوحدي في الموقف ده يعني غير إني هموت... طبعاً هموت.....ههههههههههههه ولعلمك أنا أحسن واحد ياكل سمك

الموقف التاني..... :
لو اتعرض عليك 3 مهن انك تبقى قتال قتله...حرامي غسيل....نصاب ومزور هتختار ايه؟؟ بلاش دبلوماسيه لازم تختار منهم مع ذكر السبب..يلااااااااااا

أنا شوفت الكلام ده فين قبل كده......؟! ...أكيد إني أبقي قتال قتله عشان أخلص عليكي... شغل سفاحين بقي...

الموقف التالت..... :
لو صحبك اهانك جدااااااا ادام خطيبته وخطيبته دي كانت جيبالك عروسه هتتصرف معاه ازاي؟؟

خطيبته مش هتشوفه تاني لإنه هيختفي في ظروف غامضه.......ههههههههههه

الموقف الرابع...... :
لو ابنك كبر في يوم م الايام وطلع واد فرفور كده من بتوع اليومين دول هههههههههه وحب واحده وقال لك بابي انا عايزك تجيبلي الشقه وانت قولتله لا اعتمد على نفسك وراح قايل لك طيب هموت نفسي لو مجبتهاش اصلي مقدرش اعيش من غير سوسو وراحت الحاجه شمشونه مراتك قايلالك..لو مجبتلوش الشقه اعمل حسابك هلففك ف المحاكم كعب داير وهتطلقني وهغرمك دم قلبك هتتصرف ازاااااااااااااي؟؟؟

إبني أنا يبقي فرفور ده أنا كنت أسيح دمه... بس لو الموقف ده حصل بغض النظر إن إبني يطلع فرفور ، فرفور في عينك طبعاً ههههههه... كان هيصحي تاني يوم الصبح يلاقي الشقه متشطبه لوكس ع المفتاح ..... ده الحاجه شمشونه برضه دي أم العيال ومحدش يقدر يرفضلها طلب... مش عشان هتلففني في المحاكم لالالالا أبداً...ههههههههه...


الموقف الخامس...... :
لو كنت اعد على قهوه المصريين انت واصحابك وطبعا اصدقاء السوء قالولك جرب كده تشرب السيجاره او الشيشه دي ومتخافش يا بخيل احنا اللي هندفع ولما انت عرفت انها من غير فلوس طبعا واقفت وفجاه بتشربها لقيت الحج ادامك عدل هتعمل ايييييييييييييه؟؟؟؟؟ :

إنتي مركزه ليه علي إني بخيل..؟! أنا أخلاقي متسمحليش إني أشرب سجاير من الأساس لأنها مضره بالصحه و بتضيع الفلوس وحراااااااااام.... بس أكيد كنت هطلع أجري هههههههه... ده الحاج إيده طرشه..

الموقف الاول
لو اتخرجت ان شاء الله (ده لو يعني ) ومعرفتش تلقي فرصه الشغل اللي انت عاوزه هنا هتختار انك تسافر وتجرب حظك في اي بلد تانيه ولا تفضل هنا وتشتغل اي شغل بس مبتحبوش؟؟

إنتي بتقولي فيها .... يااااا رب أعدي سنه تالته من غير ما أشيل أي ماده... يااااااااااااارب وخصوصا إن نتيجه تاريخ ظهرت....

فيه مثل بيقول أحب ما تعمل حتي تعمل ما تحب... طبعاً مكنتش هعمل كده هههههههه كنت هسافر بره لإني بالطريقه دي هبقي بضيع وقت...

الموقف الثاني
لو كنت بتحب واحده ومتمسك بيها جدا ومتفقين في كل حاجه وخلاص خلصت كليه واشتغلت وقلت لاهلك انك تتقدملها بس لقيت ان باباك مش موافق ومش راضي حتي يقلك سبب وحلف مانت متجوزها لو اخر واحده في الدنيا,,هتعمل اييييييييييييييه؟؟

مش عارف مينفعش أتصل بصديق..... أو اقلك.... حتماً و لابد لازم يكون فيه سبب وهضغط عليهم عشان أعرف السبب ده..لو مرضيوش هستخير الله وأتوكل علي الله و اتجوزها لإن مفيش سبب حقيقي... و هكرر تاني لازم يكون فيه سبب.. و بعدين الأب مينفعش يستغل إن إبنه بيحبه ومش عايز يزعله ويؤمره بحاجه مش مقنعه... ده مستقبلي لو الأب عنده اي عيب شايفه في العائله او العروسه لازم يقول...


الموقف الثالث
لو في يوم جه واحد صاحبك قريب منك جدا وعمل حادث جامد جدا (بعد الشر طبعا)ومحتاج عمليه هتتكلف مبلغ كبيييييير جدا وانت معاك فلوس الحمدلله بس دي فلوس اللي انت هتتقدم بيها للبنت اللي بتحبها والا هتتخطب لواحد تاني هتعمل اييييييييييييه؟؟؟

هو صاحبي ده قريب داً مش كده.... إممممممم يولع صاحبي.....ههههههههه وهقدم الفلوس للعروسه.... طبعاً لأ هدفع الفلوس للواد صاحبي ده عشره عمر الصديق أهم بكتيييييييييييييييييييير....


الموقف الرابع
لو اختك جالها عريس مناسب جدا وهي موافقه عليه وبعدين جه واحد صاحبك قالك انه عاوز يخطب اختك وانه بيحبها اوي هتقله لا اختي اتخطبت ؟؟ولا هتعمل مشكله مع العريس التاني وتمشيه علشان صاحبك يتقدم؟؟

ألخص الإجابه هنا في كلمه واحده وهي الإختيار.... حسب إختيارها


الموقف الخامس
لوالاختيار في ايدك انك تختار رئيس جمهوريه مصر القادم (وخد بالك المنتدي متراقب :30هتختاااااار ميييييين؟؟؟

خلينا في السليم أحسن......ههههههه

أو أقلك ... هختار عم فوزي البقال ....

شكراً ليكي يا شيييييييييييييييييمو ع الأسئله الحلوه جداً دي أحلي من أسئله هوللو ..... يللا بقي بوقع بينكم ....هأ هأ هأ هأ هأ هأ هأ هأ هأ هأ هأ ضحكات شريره متقطعه

احسن يا برنس
علشان تسجني بعد كده
دوق من نفس الكاس