البرنامج العام " لو قلتلك " مع شيمو وهوللو

احمد مين؟؟؟؟؟؟؟؟؟؟
هو انا فقدت الذاكره ولا انت اللي غلط ولا ايه؟؟؟؟؟؟؟؟؟
انا مييييييييييين؟؟؟؟؟؟؟
هوللو الحقينيييييييييييييييييييي

هو انتم بتعملو ايه
مش فاهمة حاجة هو الموضوع عبارة عن ايه بالضبط؟
انا شكلي نايمة في العسل

بصي يامنون الموضوع كله ان ده برنامج اسمه لوقلتلك بقدمه انا وهوللو
يعني نستضيف عضو او عضوه يقعد 3 ايام معانا وكل يوم نقوله تخيل لو قلتلك ان حصل كذا كذا وانت في الموقف ده هتعمل ايييييييييييه؟؟
وهو يجاوب علي اسئلتنا بالامر طبعا
بس ياقمر ومسيرك تجربي وتبقي ضيفه معانا

فعلا دمكوا خفيف وروحكوا حلوة
وربنا معاكوا باذن الله
الموضوع جميل جدا

انتي اللي سكر ياجيرسي تسلمي ياحبي علي ردك

الموقف الاول..... :

لو كنت بتلعب ماتش كوره وكان حارس المرمى اعز اصحابك جدا وفجاه وانت بتشوط الكوره جامد وباندفاع
طاخ طيخ طوووووخ... الكوره اصابته و اتشل بسببك بعد الشر طبعا..هتتصرف ازاي مع العلم انك ممكن ميكونش عندك امكانيات عشان تساعده انه يتعالج؟؟ههههههههههههههه ولسه

هقول لا حول ولا قوه إلا بالله قدر ومكتوب و أروح أنام....... هههههههههههه ولا هساعده بقرش...


الموقف الثاني....... :

لو كنت خارج من بيتكم وافلت الباب خلاص ومكنش في حد ف البيت وانت نسيت مفتاح البيت وبتبص ادامك لقيت ديب او سلعوه هههههههههه هتتصرف ازاي هتصرخ ولا هتجري ولا هتتشاهد ولا هتحاول تهاجمه وتكون شجاع ولا هتعمل ايييه؟؟؟

هكسر باب البيت طبعاً حتي لو كتفي هيتكسر دا دييييييب ديييب ياخوانا.....

الموقف التالت....... :

لو الزمن رجع بيك لخمس سنين ورا كنت هتتمنى ايه اللي يحصل لك ف حياتك الشخصيه ولو خيروك الناس بين 3 حاجات هتختار ايه "الشهره" "المال " " الحب" ياترى هتختار ايه ؟وبصراحه مع ذكر السبب يا برنس؟؟؟

خمس سنين... يعتي لما كان عندي 14 أكيد طبعاً الواحد في السن ده بيبقي مش واعي قوي بس كنت أكيد هتمني الحب... مش معني كده إني مش محبوب بالعكس أنا محبوب من أصدقائي كلهم الحمد لله بس قصدي حب مجاله أوسع من الصداقه فهماني يا تري وصلت....


الموقف الرابع...... :

لو المواقف بتاعتنا كانت صعبه اكتر من كده وكنت هحط لك مواقف تعجيزيه جدااااااااا كنت هتتصرف ازاى ..هتخلع ولا هتقول شر لابد منه ولا كنت هتراوغ ف الاجابه ولا كنت هتسلم امرك لله وتجاوب وخلاص ؟؟؟


عمري ما هربت من أي سؤال... الكدب خيبه فيه سؤال واحد دايما بهرب منه.....


الموقف الخااامس والاخير... :


هو مش موقف ..هو فكره وموقف انا استوحيتهم من اغنيه وعايزاك بجد بجد تجاوب بمنتهى الصراحه يا برنس..."هتعمل ايه لو نمت يوم وصحيت بصيت وشفت نفسك ف المرايا بكيت..
جواك سؤال تصرخ تقول انا مين انا مين..انا زي ما انا ولا اتقسمت اتنين...
وبعديييين ..بعدييين..قول ياللي ف المرايا فهمني ايه الحكايه فرحاااان..تعبااان...مرتاح ..ندماان ..
حاجات كتير ف حيانتا اتسببت ف حيرتنا وادينا عايشين.. راضين.. جاين ..ورايحين
هتعمل ايه لو نمت يوم وصحيت ولقيت اقرب ما ليك ف الدنيا مش حواليك؟؟


.. أولا مبحبش الأغنيه دي بتحسسني بالبؤس والعناء والكآبه ثانيا... مش هجاوب ع السؤال ده

الموقف الاول
لو كنت قاعد علي البحر لوحدك والجو جميل ومبسوط جدا,,كنت هتقول" ياااااااااااااااه لو .... معايا دلوقتي",,مين الشخص اللي كنت هتقوله ؟؟

كنت هقول يا ريت لو ................... ................. معاياً


الموقف الثاني
لو ادامك فرصه انك تسافر تشتغل في دوله تانيه وفرصه كويسه جدا ومرتب تمام وكل حاجه كويسه بس اهلك متعلقين بيك لدرجه انهم مش هيستحملو بعدك عنهم باي طريقه,,هتيجي عليهم وتسافر ولا هتقعد هنا علشانهم وتبدا من الصفر وتدور علي اي شغل؟؟

لأ طبعاً هقعد معاهم جنب أبويا و أمي أغلي نااااس.... طظ في السفر... وفي الفلوس....


الموقف التالت
لو انت معجب بواحده وهتموووت وتكلمها وحاولت اكتر من مره وهي موافقتش وفي واحده تانيه لقيتها بتتقرب منك وبتكلمك وحسيت انها بتحبك ,,هتفضل معاها وتحاول تحبها ولا هتحاول تاني تكلم البنت اللي انت معجب بيها ؟؟

أولا أنا معرفش أعمل كده خجلاً .... مش معني كده إني بتكسف من البنات من أي حاجه لكن إني أروح اقول إني معجب وفي الكليه أثناء الدراسه لالالالالالالالالا.... أما لو البنت جتلي لحد عندي هحاول ابعدها عني بأي شكل مش عشان أنا معقد والله انا رومانسي جداً بس مش فاضي ومش عايز أعلقها جنبي لو الموضوع هيطول لجواز يعني لإن لسه فيه مهر وشبكه وشقه أي نعم الإمكانيات موجوده بس دي مش فلوسي أنا لما أجيب فلوس لدرجه الرفاهيه أتجوز إنما لو الفلوس بتقضيني بالعافيه مش هتجوز طبعاً عشان مظلمهاش معايا....


الموقف الرابع
لو كان ادامك الاختيار انك تختار مزيعتين غيري انا وهوللو كنت هتختار مين تعمل معاك البرنامج ده؟


كنت هختاركم برضه لإنكم عاملين دويتو حلو مع بعض ربنا يوفقكم......


الموقف الخامس
لو قلتلك تقيملي الاسئله اللي احنا قلناها انا وهوللو بس بامانه وتقول رايك فيها ورايك فينا كمزيعتين وتقول احساسك بالظبط بعد ماخلاص هتمشي من البرنامج ,,هتقول ايييييه؟؟

إحساس بإني كنت حران وبصب عرق وفجأة دخلت مكان فيه تكييف.......ههههههههههههههه

اولا بجد شكراااااااااااااا ليك انك استحملتنا كل ده وجاوبت اجابات جامده جدااااا علي اسئلتنا
اجاباتك بتقول انك راجل بتتحمل المسؤليه ,, محترم,,مبتحبش تلعب بحد يعني راجل محترم من الاخر
بتحب اهلك جداا,,وبتحب اصحابك وبتخاف عليهم ...
بجد بشكرك جدااااااا يابرنس علي اللقاء الممتع ده
نورتنااااااااااااااااااااااااااا

اه نسيت اقلك ان اكيييييييييييييد ان شاء الله هنكمل البرنامج ولا انت ليك راي تاني؟؟؟؟

العفو يابرنس ابقي عدي علينا بقه متقطعش يعني

ههههههههههههههههههههههه
لمانشووووووووووف

ايوة يا عم تحالفت مع شيمو
ايوة كلام جميل عنك
مبروك

تحالف مع شيمو ازاي ؟؟
انت لو رجعت للموقف وقريت رده هتفهم شخصيته عامله ازاي وهو ده الهدف من البرنامج انها مش مجرد مواقف نضحك عليها وخلاص لالالا الهدف انك تقول مواقف وتشوف اللي ادامك بيتصرف ازاي وبيختار ايه وعلي اساس رده بتعرف شخصيته
ومسيرك تدخل معانا ياحريف ونعرف شخصيتك

ياترى من القادم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

هتعرفوا بكره ان شاء الله ياسنيبر
بس الكبير اكيد هيدخل معانا في يوم ما وهيشووووووووووووف احلي واجب ان شاء الله

هههههههههههههه
دول شكلهم نوين ليك على نيه سوده

سوده دي فاتحه جداااااااااا بالنسبه للالوان اللي عندنا

ياااااااااااا سلام خلاص بلاش سوده
خليهاااااااااااااااااااااا
سمره سواد السماااااااااااااااااار

يا ترى مين